完整藏文原文 · 德格版页 当前仅加载第 10 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་དང་མཐོང་བ་ནི་འོག་ཏུ་འཇུག་པ་ཡིན་པས་དེས་རྒྱལ་པོ་ལེགས་པར་གསུངས་པའི་ཕྱིར་སྡུག་བསྔལ་བར་མཐོང་ནས་དེ་འདི་སྙམ་དུ་སེམས་ཏེ། མ་ལ་བདག་གིས་རྒྱལ་པོ་བགམ་པར་བྱའོ་སྙམ་མོ། །དེ་ནས་ལྷའི་དབང་པོ་བརྒྱ་བྱིན་གནོད་སྦྱིན་གྱི་གཟུགས་སུ་ལག་པ་དང་རྐང་པ་དང་།
D6.010.0174b01.01མིག་མི་སྡུག་པར་བསྒྱུར་ནས་རྒྱལ་པོའི་མདུན་དུ་འདུག་ནས་དེའི་ཚེ་ཚིགས་སུ་བཅད་དེ་སྨྲས་པ། ལེགས་པར་སྤྱད་པའི་ཆོས་སྤྱད་བྱ། །ཉེས་སྤྱད་དེ་ནི་སྤྱད་མི་བྱ། །ཆོས་སྤྱོད་འཇིག་རྟེན་འདི་དང་ནི། །ཕ་རོལ་དུ་ཡང་བདེ་བར་གནས། །དེ་ནས་རྒྱལ་པོས་ཚིགས་སུ་བཅད་པ་དེ་ཐོས་མ་
D6.010.0174b02.01ཐག་ཏུ་དགའ་བ་དང་རབ་ཏུ་དགའ་བ་སྐྱེས་ནས་གནོད་སྦྱིན་ལ་སྨྲས་པ། གསང་བ་པོ་ཚིགས་སུ་བཅད་པ་དེ་ཡང་སྨྲོས་ཤིག །སྨྲོས་ཤིག་མཉན་པར་བྱའོ། །དེ་ནས་གནོད་སྦྱིན་དེས་རྒྱལ་པོ་ལ་སྨྲས་པ། ལྷ་བདག་གིས་སྨྲས་པ་གང་ཡིན་པ་དེ་མཛད་ན་གདོད་བདག་ཀྱང་བཀའ་སྩལ་པ་གང་
D6.010.0174b03.01ལགས་པ་དེ་བགྱིད་དོ། །རྒྱལ་པོས་སྨྲས་པ། ཅི་སྨྲ། གནོད་སྦྱིན་གྱིས་སྨྲས་པ། ཉིན་ཞག་བདུན་དུ་སེང་ལྡིང་གི་ཤིང་དག་མེ་དོང་དུ་བུས་ནས་གལ་ཏེ་དེར་བདག་ཉིད་འདོར་ན་དེའི་འོག་ཏུ་བདག་གིས་ཚིགས་སུ་བཅད་པ་སྨྲའོ། །དེ་ཐོས་མ་ཐག་ཏུ་རྒྱལ་པོ་ཡིད་དགའ་ནས་གནོད་སྦྱིན་དེ་ལ་སྨྲས་
D6.010.0174b04.01པ་དེ་བཞིན་བྱའོ། །དེ་ནས་རྒྱལ་པོ་དེས་ཡུལ་ཐམས་ཅད་དུ་དྲིལ་བསྒྲགས་ཏེ། ཞག་བདུན་ན་རྒྱལ་པོ་ལེགས་པར་གསུངས་པ་མཉན་པའི་ཕྱིར་མེ་དོང་དུ་བདག་ཉིད་འདོར་ན་གང་དག་ཡ་མཚན་བལྟ་བར་འདོད་པ་དེ་དག་ཀྱང་ཤོག་ཤིག་ཅེས་བྱས་སོ། །དེ་ནས་སྲོག་ཆགས་བརྒྱ་སྟོང་ཕྲག་དུ་མ་ཡང་
D6.010.0174b05.01འདུས། ནམ་མཁའི་ངོས་ལ་ཡང་ལྷ་བརྒྱ་སྟོང་དུ་མ་ཡང་འདུས་ཏེ་བྱང་ཆུབ་སེམས་དཔའི་ལྷག་པའི་བསམ་པ་དག་པ་ཉིད་ཤེས་ནས་ཡ་མཚན་གྱི་ངོ་བོ་བལྟ་བའི་ཕྱིར་དེར་འཁོད་དོ། །དེ་ནས་གནོད་སྦྱིན་དེ་ནམ་མཁའ་ལ་འཕགས་ནས་བྱང་ཆུབ་སེམས་དཔའ་ལ་སྨྲས་པ། རྒྱལ་པོ་ཆེན་པོ་ཇི་
D6.010.0174b06.01ལྟར་དམ་བཅས་པ་བཞིན་མཛོད་ཅིག །དེ་ནས་རྒྱལ་པོ་དེས་གཞོན་ནུ་ཐུ་བོ་རྒྱལ་སྲིད་ལ་བཞག་སྟེ། བློན་པོ་དང་། གྲོང་རྡལ་པ་དང་། ཡུལ་མི་རྣམས་ལ་ཡང་བཟོད་པ་གསོལ། སྐྱེ་བོའི་ཚོགས་ཀྱང་དབུགས་ཕྱུང་ནས་མེ་དོང་གི་དྲུང་དུ་ཉེ་བར་སོང་སྟེ་ཚིགས་སུ་བཅད་པ་སྨྲས་པ། མེ་དོང་
D6.010.0174b07.01