完整藏文原文 · 德格版页 当前仅加载第 10 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པར་བྱས་སོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་གླེགས་བུ་དང་གླེགས་བུ་ཕྱེད་དག་མི་མཉམ་པར་དྲ་བར་མི་བྱའི་འོན་ཀྱང་མཉམ་པར་དྲའོ་ཞེས་བཀའ་སྩལ་པ་དང་། དེ་དག་གིས་ཇི་ལྟར་མཉམ་པར་འགྱུར་བ་
D6.010.0159a01.01མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གླེགས་བུ་དང་གླེགས་བུ་ཕྱེད་དག་གི་ཚད་ཀྱི་ཤིང་བཅད་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་
D6.010.0159a02.01དག་གིས་ཆོས་གོས་ཀྱི་ཚལ་བུ་དག་མི་མཉམ་པར་དྲུབས་པ་དང་། དེ་དག་མི་མཛེས་ནས། སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚལ་བུ་དག་མཉམ་པར་དྲུབ་པར་བྱའོ། །བཅོམ་ལྡན་
D6.010.0159a03.01འདས་ཀྱིས་ཚལ་བུ་མཉམ་པར་དྲུབ་པར་བྱའོ་ཞེས་གསུངས་པ་དང་། དགེ་སློང་དག་ཇི་ལྟར་མཉམ་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཚལ་བུའི་ཚད་ཀྱི་ཤིང་བཅད་ཞིང་དེས་གཞལ་ནས་དྲུབ་པར་བྱའོ། །བཅོམ་ལྡན་འདས་ཀྱིས་ཚལ་བུ་
D6.010.0159a04.01ཤིང་གིས་གཞོལ་ལ་དྲུབས་ཤིག་ཅེས་གསུངས་པ་དང་། དགེ་སློང་དག་གིས་ཚལ་བུ་ཚད་ལས་འདས་པར་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། ཚལ་བུ་ཚད་ལས་འདས་པར་མི་བྱའོ། །འོན་ཀྱང་ཚལ་བུ་ནི་གསུམ་སྟེ། ཆེན་པོ་དང་། འབྲིང་དང་།
D6.010.0159a05.01ཆུང་ངུའོ། །དེ་ལ་ཆེན་པོ་ནི་སོར་བཞི་འམ། བྱ་རོག་གི་མཐོ་གང་ངོ་། །ཆུང་ངུ་ནི་སོར་གཉིས་སམ་མཐེ་བོའི་ལྟོ་གང་ངོ་། །འབྲིང་ནི་དེ་དག་གི་བར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་
D6.010.0159a06.01བཞུགས་སོ། །དགེ་སློང་དག་ས་རྡུལ་ཅན་ལ་ཆོས་གོས་འདྲུབ་པ་དང་། དེ་དྲི་མ་ཅན་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ལྕི་བའི་བྱུག་པས་བསྐུས་ལ་ཆོས་གོས་དྲུབ་པར་བྱའོ། །བཅོམ་ལྡན་འདས་ཀྱིས་ལྕི་བའི་བྱུག་པས་བསྐུས་ལ་ཆོས་གོས་
D6.010.0159a07.01