完整藏文原文 · 德格版页 当前仅加载第 10 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འདོད་ཆགས་བསྐྱེད་པས་རྔོན་པ་དེའི་ཆུང་མ་དང་ལྷན་ཅིག་ཏུ་དེ་མ་ཐག་ཏུ་ལོག་པར་སྤྱད་དོ། །རྔོན་པ་དེས་{རི་དགས་,རི་དྭགས་}བསད་ནས་སླར་ལོག་པ་དང་རེ་ཞིག་ན་ཆུང་མ་དེ་ལ་ལོག་པར་སྤྱད་པ་མཐོང་ངོ་། །ཁོན་རྣམས་ཀྱི་ནང་ན་འདི་ལྟ་སྟེ་བུད་མེད་རྣམས་ཀྱི་ཕྱིར་ཁོན་པ་དེ་ཐ་ཆད་ཡིན་པས་དེ་ཁྲོས་ནས་
D6.010.0306a01.01བསམས་པ་དུས་ངན་པའི་རྒྱལ་པོ་རྒྱལ་པོའི་ཆོས་ལས་འདས་པ་འདི་གསད་དོ་སྙམ་པ་ལས་ཡང་བསམས་པ། བུད་མེད་ཙམ་གྱི་ཕྱིར་ཅི་འདི་གསད་དམ། དེ་དེ་སྙམ་དུ་སེམས་པ་ན་མ་སྟེས་ཏེ་སེང་གེ་ཞིག་དང་གདོང་ཐུག་ཏུ་ཕྲད་ནས་དེས་དེ་བསད་དོ། །དེས་རྒྱལ་པོ་གཏུམ་པོ་རབ་སྣང་ལ་བྱམས་པའི་
D6.010.0306a02.01སེམས་བསྐྱེད་པས་ཤི་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །རྒྱལ་པོས་བསམས་པ། བུད་མེད་འདི་བདག་གིས་ལོངས་སྤྱད་ལ་འདིའི་ཁྱོ་ཡང་དུས་ལས་འདས་ན་བདག་གིས་འདི་བོར་བ་གང་ཡིན་པ་ནི་བདག་གི་ཆ་མ་ཡིན་ནོ་སྙམ་བསམས་ནས། དེས་དེ་སྤྲོ་བསྲིངས་ནས་དེ་
D6.010.0306a03.01དང་ལྷན་ཅིག་གཏམ་ཟེར་ཞིང་འདུག་གོ། །ཇི་ཙམ་ན་བློན་པོ་དང་། གཞོན་ནུ་དང་། ཁྲོམ་གྱི་རུ་དག་ཡན་མན་དུ་ཚོལ་ཞིང་ཕྱོགས་དེར་ཕྱིན་པ་དང་། དེ་དག་གིས་སྨྲས་པ། ལྷ་བུད་མེད་འདི་སུའི་ལགས། དེས་སྨྲས་པ། ངེད་ནི་རྒྱལ་པོ་ཡིན་པས་ང་ལ་སུ་ཞིག་བུད་མེད་མི་འབུལ། དེང་ལ་འདི་བཙུན་
D6.010.0306a04.01མོའི་འཁོར་གྱི་ནང་དུ་ཞོག་ཤིག །དེ་དག་གིས་དེ་བཙུན་མོའི་འཁོར་གྱི་ནང་དུ་བཞག་གོ། །རྒྱལ་པོ་ཡང་དཔུང་དང་བཞོན་པའི་ཚོགས་དང་ཇི་ལྟར་འདོད་པ་བཞིན་དུ་སོང་ནས་འཕགས་རྒྱལ་དུ་ཕྱིན་པར་གྱུར་པ་ན་དེའི་བཙུན་མོའི་འཁོར་དག་རྒྱ་ཆེར་འཕེལ་བར་གྱུར་ཏོ། །བཅོམ་ལྡན་འདས་ཀྱིས་ཇི་ལྟར་
D6.010.0306a05.01སེམས་འདི་མྱུར་དུ་འགྱུར་བ་དེ་ལྟ་བུའི་ཆོས་ནི་གཅིག་ཀྱང་ངས་ཡང་དག་པར་རྗེས་སུ་མ་མཐོང་ངོ་ཞེས་གསུངས་པས་རྒྱལ་པོ་གཏུམ་པོ་རབ་སྣང་གིས་བཙུན་མོའི་འཁོར་རྒྱ་ཆེ་བ་དག་མཐོང་ནས་བསམས་པ། རེ་ཞིག་རྔོན་པ་ཉོན་མོངས་དེས་ཆུང་མ་གཅིག་ཅིག་འབྲོག་དགོན་པར་ཁྲིད་དེ་
D6.010.0306a06.01བཞག་ན་དེ་ཡང་བསྲུང་བར་མ་ནུས་ན་བདག་གིས་བཙུན་མོའི་འཁོར་ཤིན་ཏུ་རྒྱ་ཆེ་བ་བསྲུང་བ་ལྟ་སྨོས་ཀྱང་ཅི་དགོས་སྙམ་ནས། དེས་འཕགས་རྒྱལ་དུ་དྲིལ་བསྒྲགས་ཏེ། འདི་སྐད་དུ་ཤེས་ལྡན་འཕགས་རྒྱལ་ན་གནས་པ་དང་། གྲོང་ཁྱེར་པ་དང་། ཡུལ་སྣ་ཚོགས་ནས་འོངས་པའི་སྐྱེ་བོའི་ཚོགས་དག་
D6.010.0306a07.01