完整藏文原文 · 德格版页 当前仅加载第 10 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བཅོམ་ལྡན་འདས་ཀྱིས་བཀའ་སྩལ་པ། གང་གིས་གང་ཐོབ་པ་དེ་དག་ཉིད་ཀྱིས་བགོ་བར་མི་བྱའི་ཐམས་ཅད་ཀྱིས་བགོ་བར་བྱ་སྟེ། གཅིག་རྙེད་པར་གྱུར་པ་གང་ཡིན་པ་དེ་ཐམས་ཅད་ཀྱི་སྟེང་དུ་རྒན་རིམས་བཞིན་ཇི་ཙམ་ཡོག་པ་དགབ་པར་བྱའོ། །ཇི་ཙམ་ན་ཡང་རི་བྲགས་གཞན་ཞིག་
D6.010.0067b01.01ཏུ་དོང་བ་དང་། དེར་གོས་གཅིག་ཅིག་རྙེད་ནས་དེ་དག་གི་སྟེང་དུ་གཡོགས་པ་ན་ཉེ་{དགའས་,དགས་}དེ་གྱོན་ཏེ་འཆག་ཏུ་སོང་བ་དང་། དགེ་སློང་རྣམས་གྲང་བས་སྡུག་བསྔལ་བར་གྱུར་ནས་སྨྲས་པ། བཙུན་པ་ཉེ་དགའ་བོ་བདག་ཅག་ནི་གྲང་བས་སྡུག་བསྔལ་ན་ཁྱོད་འབའ་ཞིག་གྱོན་ནས་འཆག་གམ། དེས་
D6.010.0067b02.01སྨྲས་པ། ཁོ་བོས་བཀག་གམ་ཅི། ཁྱེད་ཀྱང་ཅིའི་ཕྱིར་མི་འཆག །དེ་རྣམས་གྲང་བའི་སྡུག་བསྔལ་གྱིས་མཚན་འདས་པར་གྱུར་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཆག་པ་གང་ཡིན་པ་དེས་གང་ཟག་གི་གོས་
D6.010.0067b03.01བགོས་ཏེ་བཅག་པར་བྱའོ། །གཞན་གྱིས་འཆག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གྲང་བའི་དུས་ལ་བབ་པས་དགེ་སློང་རྣམས་གྲང་བའི་གནོད་པས་གློས་
D6.010.0067b04.01ཕབ་སྟེ་འདུག་གོ། །ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གཙུག་ལག་ཁང་དུ་འོངས་པ་དང་། དེས་དེ་དག་མཐོང་ནས་སྨྲས་པ། འཕགས་པ་ཅིའི་སླད་དུ་གཅིག་ཏུ་བརྩོན་པའི་གསུང་རབ་ལ་གློས་ཕབ་སྟེ་བཞུགས་ཤིང་དགེ་བའི་ཕྱོགས་དག་མི་མཛད། དེ་དག་གིས་སྨྲས་པ། ཁྱིམ་བདག་
D6.010.0067b05.01བདེ་བ་དང་ལྡན་པ་དག་ནི་ཆོས་དྲན་པར་འགྱུར་གྱི། ཁོ་བོ་ཅག་ཤིན་ཏུ་གྲང་བས་སྡུག་བསྔལ་བར་གྱུར་ཏོ། །དེས་ཁྱིམ་དུ་སོང་ནས་བེའུ་རས་ལྔ་བརྒྱ་བསྐུར་བ་དང་། དགེ་སློང་རྣམས་ཀྱིས་ཁྱིམ་པའི་གོས་དེ་དག་བགོས་ཏེ་ཕྱི་རོལ་དུ་དོང་བ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་ཅོ་དྲི་ཞིང་སྨྲས་པ།
D6.010.0067b06.01འཕགས་པ་དག་ཅི་ཁྱེད་བབས་སམ། དེ་དག་གིས་སྨྲས་པ། ཁོ་བོ་ཅག་གིས་གྲང་བར་གྱུར་ནས་བགོས་ཀྱིས་ཚེ་དང་ལྡན་པ་དག་དེ་སྐད་མ་ཟེར་ཅིག །དེ་རྣམས་སྨོད་པར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་
D6.010.0067b07.01