完整藏文原文 · 德格版页 当前仅加载第 10 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
བསྔལ་དང་ཡིད་མི་བདེ་བ་སྐྱེས་ཏེ་སྨྲས་པ། རབ་ཏུ་བྱུང་བ་དེས་དེ་ཟོས་ནས་ཅི་སྟེ་ལག་པ་རེངས་ཤིང་གསུད་དེ་དུས་བྱས་པར་མ་གྱུར། རྒྱལ་པོ་ཆེན་པོ་ཇི་སྙམ་དུ་སེམས། བྲམ་ཟེའི་བུ་གང་ཡིན་པ་དེ་ནི་ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་རང་སངས་རྒྱས་ལ་
D6.010.0088b01.01ཚིག་རྩུབ་མོ་སྨྲས་པའི་ལས་དེའི་རྣམ་པར་སྨིན་པས། ལོ་མང་པོ། །ལོ་བརྒྱ་ཕྲག་མང་པོ། །ལོ་སྟོང་ཕྲག་མང་པོ། །ལོ་བརྒྱ་སྟོང་ཕྲག་མང་པོར་དམྱལ་བ་རྣམས་སུ་སྐྱེས་སོ། །ལས་ཀྱི་ལྷག་མ་དེ་ཉིད་ཀྱིས་ལན་དྲུག་ཏུ་ལག་པ་རེངས་ཤིང་གསུད་པས་དུས་ལས་འདས་ཏེ། ད་ལྟའི་དུས་ཀྱི་བར་
D6.010.0088b02.01འདི་དང་ལན་བདུན་དུ་ལག་པ་རེངས་ཤིང་གསུད་པ་ཁོ་ནས་དུས་ལས་འདས་སོ། །དེ་ལྟ་བས་ན་རྒྱལ་པོ་ཆེན་པོ་ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས། ལས་གཅིག་ཏུ་དཀར་བ་རྣམས་ཁོ་ན་ལ་འབད་པར་བྱ་སྟེ། རྒྱལ་པོ་ཆེན་པོ་ཁྱོད་ཀྱིས་དེ་ལྟ་བུར་བསླབ་པར་བྱའོ་ཞེས་བྱ་བའི་བར་
D6.010.0088b03.01སྔ་མ་བཞིན་ནོ། །དེ་ནས་རྒྱལ་པོ་མ་སྐྱེས་དགྲ་བཅོམ་ལྡན་འདས་ཀྱིས་གསུངས་པ་ལ་མངོན་པར་དད་ནས་རྗེས་སུ་ཡི་རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །ཇི་ཙམ་ན་མ་ལ་གནོད་ཀྱིས་འཕགས་སྐྱེས་པོ་ལ་འདི་སྐད་
D6.010.0088b04.01ཅེས་སྨྲས་སོ། །ལྷ་ཡབ་རྒྱལ་པོ་མཛད་ཅིང་ལྷ་དབང་མ་བསྐུར་བ་ན། གང་གི་ཚེ་ང་རྒྱལ་པོར་གྱུར་པ་དེའི་ཚེ་ངས་ཤཱཀྱ་རྣམས་ཁ་གདག་སྟེ། དེ་ནི་ངས་དང་པོར་བྱ་བ་ཡིན་ནོ་ཞེས་དེ་ལྟ་བུའི་ཁྱུ་མཆོག་གི་ཚིག་རླབས་པོ་ཆེ་གསུངས་ནས། གཅིག་ཏུ་ཆད་པར་མཛད་དེ་འཁོར་གྱི་ནང་དུ་སེང་
D6.010.0088b05.01གེའི་སྒྲ་ཡང་དག་པར་བསྒྲགས་པ་གང་ལགས་པ་དེ་དགོངས་སམ། ད་ནི་དེའི་དུས་ལ་བབ་ལགས་སོ། །དེས་སྨྲས་པ། མ་ལ་གནོད་ཅིང་ཇི་སྙེད་སྨྲས་པ་དེ་ཐམས་ཅད་བྱ་འམ། དོན་དེ་འདས་པ་ཡིན་པས་ཐོང་། རྒྱལ་པོའི་བྱ་བ་དག་དང་རྒྱལ་པོའི་བྱེད་པ་དག་ཡོངས་སུ་ཉམས་པར་འགྱུར་
D6.010.0088b06.01རོ། །དེས་སྨྲས་པ། ལྷ་དགེ་བ་རྣམས་ནི་དམ་བཅས་པ་ལ་བརྟན་པ་ལགས་པས་ཇི་ལྟར་དམ་བཅས་པ་བཞིན་བསྒྲུབ་ཏུ་གསོལ། མ་ལ་གནོད་རེ་ཞིག་ཞོག་ཤིག་དང་། དེ་ཡང་མི་དཀའ་བར་འགྱུར་རོ། །དེས་སྨྲས་པ། ལྷ་འདི་ནི་ཐོག་མར་དམ་བཅས་པ་ལགས་པས་གདོན་མི་འཚལ་བར་བགྱི་
D6.010.0088b07.01