完整藏文原文 · 德格版页 当前仅加载第 10 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཀུན་དགའ་ར་བ་ན་བཞུགས་སོ། །དེའི་ཚེ་བྲམ་ཟེ་རབ་ཏུ་འབྱུང་བར་འདོད་པ་ཞིག་རྒྱལ་བྱེད་ཀྱི་ཚལ་དུ་སོང་བ་དང་། ཇི་ཙམ་ན་དགེ་སློང་ལག་ན་ལྷུང་བཟེད་ཐོགས་པ་མང་པོ་ཁར་གསིལ་ཐོགས་ནས་བསོད་སྙོམས་ལ་ཆས་པ་དེ་དག་དེས་མཐོང་ནས་དེས་བསམས་པ། རེ་ཞིག་འདི་དག་གང་དུ་འགྲོ་
D6.010.0231b01.01དྲིའོ་སྙམ་ནས་དེས་དེ་དག་ལ་དྲིས་པ། འཕགས་པ་གང་དུ་བཞུད་དེ་དག་གིས་སྨྲས་པ། བྲམ་ཟེ་བསོད་སྙོམས་ལ་འགྲོའོ། །དེས་སྨྲས་པ། འཕགས་པ་དགེ་སློང་ཐམས་ཅད་བསོད་སྙོམས་ལ་རྒྱུའམ། དེ་དག་གིས་སྨྲས་པ། བྲམ་ཟེ་དགེ་སློང་བཤེས་གཉེན་ཅན་གང་དག་ཡིན་པ་དེ་དག་ལ་ནི་བྲམ་ཟེ་
D6.010.0231b02.01དང་ཁྱིམ་བདག་རྣམས་བསོད་སྙོམས་གཙུག་ལག་ཁང་དུ་ཁྱེར་ཏེ་འོངས་ནས་འབུལ་ལོ། །བཤེས་གཉེན་མེད་པ་གང་དག་ཡིན་པ་དེ་དག་ནི་བསོད་སྙོམས་ལ་འགྲོའོ། །དེས་བསམས་པ། དགེ་སྦྱོང་ཤཱཀྱའི་བུ་པ་རྣམས་ཀྱི་ནང་དུ་རབ་ཏུ་ཕྱུང་བ་དང་ཁྱད་པར་ཅི་ཡོད་ཀྱིས་བདག་གིས་འདིར་ཡང་དེ་བཞིན་
D6.010.0231b03.01དུ་བསོད་སྙོམས་ལ་འགྲོ་བར་བྱའོ་སྙམ་མོ། །དེས་ཡང་བསམས་པ། རེ་ཞིག་དགེ་སློང་གཞན་ཞིག་ལ་ཡང་ཅི་འདི་དག་བསོད་སྙོམས་ཁོ་ན་ལ་གནས་ཏེ་རབ་ཏུ་བྱུང་ངམ། འོན་ཏེ་གནས་གཞན་ཡང་ཡོད་དྲི་བར་བྱའོ་སྙམ་ནས། དེ་དགེ་སློང་ཞིག་གི་དྲུང་དུ་སོང་བ་དང་། དེས་དེ་ལ་འོངས་པ་ལེགས་
D6.010.0231b04.01སོ་ཞེས་བྱ་བའི་ཀུན་ཏུ་སྤྱོད་པ་ཀུན་ཏུ་སྤྱད་ནས་སྨྲས་པ། བྲམ་ཟེ་ཁྱོད་གང་ནས་ཅིའི་ཕྱིར་འདིར་འོངས། དེས་སྨྲས་པ། འཕགས་པ་ཁྱོད་བལྟ་བ་ཁོ་ནའི་ཕྱིར་འོངས་ཏེ། རེ་ཞིག་ཁྱོད་ཅི་ལ་གནས་ནས་རབ་ཏུ་བྱུང་བ་དྲིའོ། །དེས་སྨྲས་པ། བྲམ་ཟེ་ལེགས་སོ་ལེགས་སོ། །ཁྱོད་ཀྱི་རྟོག་པ་
D6.010.0231b05.01ནི་བཟང་སྟེ་འདུག་ཤིག་དང་གཏམ་བྱའོ། །བྲམ་ཟེ་རབ་ཏུ་འབྱུང་བར་འདོད་པ་དེས་རྐང་པ་ལ་ཕྱག་བྱས་ནས་དེའི་མདུན་དུ་འདུག་པ་དང་། དེས་སྨྲས་པ། བྲམ་ཟེ་བཞི་པོ་འདི་དག་ནི་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་བསྙེན་པར་རྫོགས་པ་དགེ་སློང་གི་
D6.010.0231b06.01གནས་སུ་བཅས་པ་ཡིན་ནོ། །བྲམ་ཟེ་བཞི་གང་ཞེ་ན། བཅོམ་ལྡན་འདས་ཀྱིས་དགེ་སློང་དག་གོས་རྣམས་ཀྱི་ནང་ན་ཕྱག་དར་ཁྲོད་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བསྙེན་པར་རྫོགས་པ་དགེ་སློང་གི་དངོས་པོར་འགྱུར་
D6.010.0231b07.01