完整藏文原文 · 德格版页 当前仅加载第 10 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
དག་བདག་ཅག་གིས་ཕྱོགས་འདིར་བཙོ་བླག་གི་ལས་བྱས་པས་འདིར་ཚོན་རྩི་བོའོ། །དེ་དག་གིས་སྨྲས་པ། འཕགས་པ་གལ་ཏེ་ཚོན་རྩི་ཕོ་ན་ཏེ་པོར་མི་སྡུག་པར་སྣང་གིས་ས་བྱི་དོར་བགྱིད་དུ་སྩོལ་ཅིག །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་
D6.010.0234a01.01དང་། བཅོམ་ལྡན་འདས་ཀྱིས་བཀའ་སྩལ་པ། ཞལ་ཞལ་བྱུག་པར་བྱའོ། །དེ་དག་གིས་ཐམས་ཅད་དུ་བྱུགས་པ་དང་། རྡོ་ཐལ་དག་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྡོ་ཐལ་ཅན་ནི་བཀྲུ་བར་བྱའོ། །གཞན་དུ་ནི་ཞལ་ཞལ་གྱིས་བྱུག་པར་བྱའོ།། །།
D6.010.0234a02.01སྡོམ་ནི། ཤིང་རྣམས་བསྐྱེད་པར་གནང་བ་དང་། །ན་མེ་རུ་ཀ་གོས་དག་དང་། །ཁ་ཚར་རིང་པོ་ཚིགས་བཅད་དུ། །བསྡུས་ནས་སྡོམ་དུ་ཡང་དག་བསྟན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །གང་གི་ཚེ་བཅོམ་
D6.010.0234a03.01ལྡན་འདས་ཀྱིས་ལྷའི་དབང་པོ་བརྒྱ་བྱིན་ལུས་འཕགས་རི་ལ་བདེན་པ་ལ་བཞག་པའི་ཚེ་རྒྱལ་པོ་གཟུགས་ཅན་སྙིང་པོས་དེར་དུས་སྟོན་བཙུགས་པས་དེར་ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་ཐམས་ཅད་འདུའོ། །ལུས་འཕགས་རི་རྡོ་ཅན་ཤིང་མེད་པ་ཞིག་པས་ཡུལ་མ་ག་དྷཱ་ན་
D6.010.0234a04.01གནས་པའི་སྐྱེ་བོའི་ཚོགས་ཚ་བས་གདུངས་ཏེ་སྨྲས་པ། འཕགས་པ་ཀྱེ་མ་ཁྱོད་ཀྱིས་འདིར་ཤིང་བསྐྱེད་མཛོད་ཅིག །དེ་དག་གིས་སྨྲས་པ། ཤེས་ལྡན་དག་བཅོམ་ལྡན་འདས་ཀྱིས་མ་གནང་ངོ་། །འཕགས་པ་འདི་ལ་ཅི་ཞིག་འགལ། དེ་དག་ཅང་མི་སྨྲ་བར་འདུག་པའི་སྐབས་
D6.010.0234a05.01དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་ཤིང་བསྐྱེད་པར་བྱའོ། །བཅོམ་ལྡན་འདས་ཀྱིས་ཤིང་བསྐྱེད་པར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཤིང་བསྐྱེད་དེ་དོང་བས་
D6.010.0234a06.01དེ་དག་དེ་བཞིན་དུ་བསྐམས་སོ། །ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་ཕྱི་དེ་ལོ་ལྷགས་པ་དང་། དེ་བཞིན་དུ་ཚ་བས་གདུངས་ནས་སྨྲས་པ། འཕགས་པ་ཁྱེད་ཀྱིས་ཤིང་དེ་དག་མ་བསྐྱེད་དམ། ཤེས་ལྡན་དག་བསྐྱེད་ན་འོན་ཀྱང་ཞལ་ཏ་མ་བྱས་པས་མ་རུང་ངོ་། །འཕགས་པ་
D6.010.0234a07.01