完整藏文原文 · 德格版页 当前仅加载第 10 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ཀྱི་དགེ་འདུན་དང་ཐབས་ཅིག་ཏུ་བསིལ་བའི་ཚལ་གྱི་དུར་ཁྲོད་དུ་གཤེགས་སོ་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། བཅོམ་ལྡན་འདས་ནི་དོན་མེད་པར་བསིལ་ཚལ་གྱི་དུར་ཁྲོད་དུ་མི་གཤེགས་པས་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོའི་
D6.010.0017b01.01ཆུང་མ་ལ་བརྟེན་ཏེ་གདུལ་བའི་དོན་ཆེན་པོ་ཞིག་མཛད་པར་འགྱུར་གོར་མ་ཆག་གིས་ལྟར་འགྲོའོ་སྙམ་ནས་དེ་བཙུན་མོ་དང་། གཞོན་ནུ་དང་། བློན་པོ་དང་། ཕོ་བྲང་འཁོར་བ་དང་། ལྗོངས་ཀྱི་མིས་ཡོངས་སུ་བསྐོར་ནས་རྒྱལ་པོའི་ཁབ་ནས་སོང་བ་དང་། རྒྱལ་རིགས་ཀྱི་ཁྱེའུ་དེས་
D6.010.0017b02.01རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཐག་རིང་པོ་ཁོ་ན་ནས་མཐོང་ནས་ཡང་ཚིགས་སུ་བཅད་པ་སྨྲས་པ། མ་ག་དྷཱ་ཡི་མངའ་བདག་རྒྱལ་པོའི་གཙོ་བོ་འདི། །འདི་ལྟར་འཁོར་བཅས་རྒྱལ་པོའི་ཁབ་ནས་བྱུང་བ་ལས། །སྐྱེ་བོའི་ཚོགས་ཀྱི་འབྱོར་པ་ཕུན་སུམ་ཚོགས་པར་ནི། །
D6.010.0017b03.01བདག་གི་སྙིང་ལ་ངེས་པའི་བློ་དག་སྐྱེས་པར་གྱུར། །སྐྱེ་བོའི་ཚོགས་རྣམས་ཀྱིས་བཅོམ་ལྡན་འདས་མཐོང་ནས་གཤེགས་ཤུལ་ཕྱེ་བ་དང་། བཅོམ་ལྡན་འདས་ཞལ་འཛུམ་པ་མཛད་ཅིང་སྐྱེ་བོ་རྣམས་ཀྱི་གུང་ལ་བཞུགས་སོ། །བཅོམ་ལྡན་འདས་ཞལ་འཛུམ་པ་མཛད་པ་གཅེར་བུ་པ་
D6.010.0017b04.01དག་གིས་མཐོང་ནས་བསམས་པ། འདི་ལྟར་དགེ་སྦྱོང་གཽ་ཏ་མ་བཞིན་འཛུམ་པ་བྱེད་ཅིང་སྐྱེ་བོ་མང་པོའི་གུང་ལ་འདུག་པ་ལས་ན་སེམས་ཅན་འདི་མ་ཤི་བར་ངེས་སོ་སྙམ་ནས། དེས་ཁྱིམ་བདག་ཤིན་ཏུ་བཟང་པོ་ལ་སྨྲས་པ། ཁྱིམ་བདག་སེམས་ཅན་སྐལ་བ་ཆུང་ངུ་འདི་ནི་མ་
D6.010.0017b05.01ཤིའོ། །དེས་སྨྲས་པ། འཕགས་པ་དེ་ལྟར་གྱུར་ན་སྐབས་འདི་ལ་ད་ཇི་ལྟར་བསྒྲུབ་པར་བྱ། དེས་སྨྲས་པ། ཁྱིམ་བདག་ཁོ་བོ་ནི་བསླབ་པའི་གཞི་ཡང་དག་པར་བླངས་པ་ཡིན་གྱིས། ཁྱོད་ཉིད་ཤེས་པར་གྱིས་ཤིག །དེས་བུད་ཤིང་བཅེར་ཏེ་ཆུང་མའི་རོ་མེའི་ཕུང་
D6.010.0017b06.01པོའི་ནང་དུ་བཅུག་སྟེ་བསྲེགས་པ་དང་། དེའི་ལུས་ཐམས་ཅད་ཚིག་ན་ལྟོའི་ཉེན་ཀོར་དེ་བཞིན་དུ་འདུག་གོ། །དེ་ནས་ལྟོའི་ཉེན་ཀོར་དེ་རྡོལ་ནས་པད་མ་བྱུང་སྟེ། པད་མ་དེའི་སྙིང་པོ་ལས་གཞོན་ནུ་གཟུགས་བཟང་བ་བལྟ་ན་སྡུག་པ། མཛེས་པ་ཞིག་བྱུང་ངོ་། །དེ་སྲོག་
D6.010.0017b07.01