完整藏文原文 · 德格版页 当前仅加载第 10 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་བློན་པོ་རིན་པོ་ཆེའོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་དག་བགོས་ཏེ་དད་པས་ཡང་དག་པར་ཁྱིམ་ནས་ཁྱིམ་མེད་པར་རབ་ཏུ་ཕྱུང་ན་འཇིག་རྟེན་ན་དེ་བཞིན་
D6.010.0267b01.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་སྒྲ་རྣམ་པར་གྲགས་པར་འགྱུར། སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་ལྡན་ནམ། དེ་དག་གིས་སྨྲས་པ། ལྷ་དེ་ལྟ་ལགས་ཏེ། གཞོན་ནུ་ནི་གང་དག་དང་ལྡན་ན་སྐྱེས་བུ་ཆེན་པོའི་འགྲོ་བ་
D6.010.0267b02.01གཉིས་སུ་འགྱུར་གྱི་གཞན་དུ་མ་ལགས་ཏེ་ཞེས་བྱ་བ་ནས་འཇིག་རྟེན་ན་སྒྲ་རྣམ་པར་གྲགས་པར་འགྱུར་བ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་དང་ལྡན་ལགས་སོ། །ན་ལ་དས་སྨྲས་པ། མཁན་པོ་བྱང་ཆུབ་སེམས་དཔའ་སེར་སྐྱའི་གཞིའི་གྲོང་ཁྱེར་དུ་གཤེགས་ཏེ།
D6.010.0267b03.01དེའི་མཚན་ཡང་བཏགས་ལགས་ཀྱིས་ཚུར་གཤེགས་གཟིགས་སུ་བཞུད་དོ། །དེས་སྨྲས་པ། བུ་ལེགས་ཏེ། དེ་བཞིན་བྱས་འདོང་ངོ་ཞེས་དེ་གཉིས་རྫུ་འཕྲུལ་གྱིས་ཆས་པ་དང་། བྱང་ཆུབ་སེམས་དཔའི་མཐུས་དེའི་རྫུ་འཕྲུལ་ཉམས་ཏེ་རྐང་པ་ཁོ་ནས་སེར་སྐྱའི་
D6.010.0267b04.01གཞིའི་གྲོང་ཁྱེར་དུ་ཞུགས་ནས་རྒྱལ་པོ་ཟས་གཙང་གི་ཕོ་བྲང་ག་ལ་བ་དེར་སོང་སྟེ་ཕྱིན་ནས་རྒྱལ་པོའི་ཕོ་བྲང་གི་སྒོ་ན་སྡོད་དོ། །དེ་ནས་དྲང་སྲོང་མི་དཀར་བས་མི་ཞིག་ལ་སྨྲས་པ། ཀྱེ་སྐྱེས་བུ་ཁྱེད་ཚུར་ཤོག་སོང་ལ་རྒྱལ་པོ་ཟས་གཙང་ལ་དྲང་སྲོང་མི་དཀར་བ་ལྷ་ལྟ་བར་འདོད་
D6.010.0267b05.01དེ་སྒོ་ན་འདུག་གོ་ཞེས་སྦྲོན་ཅིག །དེ་སོང་ནས་རྒྱལ་པོ་ཟས་གཙང་ལ་ལྷ་དྲང་སྲོང་མི་དཀར་བ་ལྷ་ལྟ་བར་འཚལ་ཏེ་ཆབ་སྒོ་ན་མཆིས་སོ་ཞེས་སྦྲན་པ་དང་། དེས་སྨྲས་པ། ཤེས་ལྡན་དག་དྲང་སྲོང་མི་དཀར་བ་ལས་སུ་འགོག་ནང་དུ་ཤོག་ཤིག་དེ་ནང་དུ་ཞུགས་པ་དང་། རྒྱལ་པོ་ཟས་
D6.010.0267b06.01གཙང་གིས་བྱོན་པ་ལེགས་སོ་ཞེས་བྱ་བའི་ཀུན་དུ་སྤྱོད་པས་ཀུན་དུ་སྤྱད་ནས་རྐང་པ་ལ་མཆོད་ཡོན་ཕུལ་ཏེ་སེང་གེའི་ཁྲི་ལ་འདུག་ཏུ་བཅུག་གོ། །དེ་ནས་རྒྱལ་པོ་ཟས་གཙང་གིས་དེའི་རྐང་པ་གཉིས་ལ་གཏུགས་ནས་སྨྲས་པ། དྲང་སྲོང་ཆེན་པོ་ཅི་ཞིག་གི་སླད་དུ་བྱོན། དེས་ཚིགས་
D6.010.0267b07.01