完整藏文原文 · 德格版页 当前仅加载第 10 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཏུ་མ་བཏུབ་བོ། །དེས་ཡང་དང་ཡང་དུ་བཟློག་པ་དང་། དེ་ལ་དགེ་སློང་ཞིག་གིས་སྨྲས་པ། ཚེ་དང་ལྡན་པ་འདི་ནི་ཐབ་ཁྲོལ་ཅན་ཞིག་སྟེ་རྟག་ཏུ་དགེ་སློང་རྣམས་ལ་མི་བདེ་བར་བྱེད་པ་ཡིན་གྱིས་ཐོང་ཤིག །དེས་སྨྲས་པ། གཞན་གྱི་ཕྱིར་འདི་
D6.010.0255a01.01མི་གཏོང་བ་མ་ཡིན་གྱི། ང་ཉིད་ཀྱི་ཆོས་གོས་དག་འདི་ལ་བསྔོས་པས་འདི་འཛིན་ཏོ། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཡིད་བརྟན་པའི་དགེ་སློང་རྒྱ་མཚོའི་ཕ་རོལ་ན་འདུག་པ་ཞིག་ཡིན་
D6.010.0255a02.01ན་དེ་ལ་ཡང་ཡིད་བརྟན་ཏེ། བསྔོ་བ་བྱས་ནས་གཟུང་བར་བྱས་ཏེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་གལ་ཏེ་ཡིད་བརྟན་པའི་དགེ་སློང་རྒྱ་མཚོའི་ཕ་རོལ་ན་འདུག་པ་ཞིག་ཡིན་ན་དེ་ལ་ཡང་ཆོས་གོས་དག་བསྔོ་བར་བྱའོ་ཞེས་བཀའ་སྩལ་པ་དང་། དགེ་
D6.010.0255a03.01སློང་གཞན་ཞིག་གིས་དགེ་སློང་ཡུལ་ཤིན་ཏུ་ཐག་རིང་པོ་ན་འདུག་པ་ཞིག་ལ་ཆོས་གོས་བསྔོས་ཏེ། དེ་དུས་ལས་འདས་པར་གྱུར་པ་དང་། དགེ་སློང་དེས་དགེ་སློང་དེ་ཇི་ལྟར་དུས་ལས་འདས་པར་གྱུར་པའི་རིང་ཞིག་ལོན་ནས་ཐོས་པ་དང་། དགེ་སློང་དེ་འགྱོད་པ་སྐྱེས་སོ། །སྐབས་
D6.010.0255a04.01དེ་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་ཐོས་པ་དེའི་ཚེ་གཞན་ལ་བསྔོ་བར་བྱ་སྟེ། འདི་ལ་འགྱོད་པར་མི་བྱའོ།། །།སྡོམ་ནི། མཚམས་ཀྱི་ཕྱི་རོལ་འདུག་པ་ཡིས། །
D6.010.0255a05.01དད་པ་མི་དབུལ་སྦྱིན་མི་བྱ། །གཅིག་ལ་གཅིག་ནི་མི་བྱ་དང་། །གསོ་སྦྱོང་དང་ནི་དགག་དབྱེའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དྲུག་སྡེ་དག་མཚམས་ཀྱི་
D6.010.0255a06.01ཕྱི་རོལ་ན་གནས་ཀྱང་དད་པ་འབུལ་བའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ན་གནས་པས་དད་པ་དབུལ་བར་མི་བྱའོ། །བཅོམ་ལྡན་འདས་ཀྱིས་མཚམས་ཀྱི་ཕྱི་རོལ་ན་གནས་
D6.010.0255a07.01