完整藏文原文 · 德格版页 当前仅加载第 10 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་སོ། །འདི་ནི་མི་འདྲའོ། །འདི་ནི་མི་འཐད་དོ། །ཞེས་བརྗོད་པར་བྱའོ། །ཞེས་དེ་རྣམས་ཀྱིས་ཞུ་བ་དེ་དག་བསྔོགས་ནས་བཅོམ་ལྡན་འདས་ཀྱི་སྤྱན་སྔར་བབ་པར་མཆིས་པའི་རྔོ་ཡང་མ་ཐོག་ན་སྨྲ་བར་ལྟ་ག་ལ་རྔོ་ཐོག་སྟེ། བཙུན་པ་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་དེ་ལྟ་
D6.010.0083b01.01བུ་མཆིས་ཏེ། དེས་ན་བདག་འདི་སྙམ་དུ་བཅོམ་ལྡན་འདས་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལགས། ཁྱོད་ཀྱི་ཆོས་འདུལ་བ་ནི་ལེགས་པར་གསུངས་པ་ལགས། ཉན་ཐོས་ཀྱི་དགེ་འདུན་ནི་ལེགས་པར་ཞུགས་པ་ལགས་སོ་སྙམ་བགྱིད་དོ། །བཙུན་པ་
D6.010.0083b02.01བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ་འདི་ན་བདག་གིས་དགེ་སྦྱོང་དང་། བྲམ་ཟེ་མཁས་པ་མཁས་པའི་ང་རྒྱལ་ཅན་ཞེས་བྱ་བ་ནས། ཁ་ཅིག་མཐོང་སྟེ་ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱིས་ཞུས་པ་དེ་དག་བསྔོགས་ནས། བཅོམ་
D6.010.0083b03.01ལྡན་འདས་ག་ལ་བ་དེར་མཆིས་ཏེ་ཕྱིན་ནས། བཅོམ་ལྡན་འདས་ལ་ཞུ་བ་ཞུ་བའི་རྔོ་མི་ཐོག་གི། གཞན་དུ་ན་བཅོམ་ལྡན་འདས་ཁོ་ནའི་ཞལ་དུ་ལྟ་བ་དང་། ཞལ་དུ་རྟོག་པར་བགྱིད་ཅིང་། བཅོམ་ལྡན་འདས་གཽ་ཏ་མ་འདི་ཁོ་ནས་ཤེས་པར་བྱ་བ་མཁྱེན་ཏོ། །གཟིགས་པར་བྱ་བ་གཟིགས་སོ་སྙམ་སྟེ།
D6.010.0083b04.01བཙུན་པ་འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་ཏེ། ཞེས་བྱ་བ་སྔ་མ་བཞིན་ནོ། །བཙུན་པ་བདག་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ་འདི་ན་བདག་གིས་དགེ་སྦྱོང་དང་། བྲམ་ཟེ་མཁས་པ་མཁས་པའི་ང་རྒྱལ་ཅན་ཞེས་བྱ་བ་ནས་ཁ་ཅིག་མཐོང་སྟེ་ཞེས་བྱ་བའི་
D6.010.0083b05.01བར་སྔ་མ་བཞིན་ནོ། །དེས་ཞུ་བ་དེ་དག་བསྔོགས་ནས་བཅོམ་ལྡན་འདས་ག་ལ་བ་དེར་མཆིས་ཏེ་ཕྱིན་ནས། བཅོམ་ལྡན་འདས་ལ་ཞུ་བ་ཡོངས་སུ་མ་རྫོགས་པར་ཞུས་པ་དང་། བཅོམ་ལྡན་འདས་ཀྱིས་དེ་དག་ལ་ཞུ་བ་ཡོངས་སུ་མ་རྫོགས་པར་ཞུས་བཞིན་ཡོངས་སུ་རྫོགས་པར་ལུང་བསྟན་པ་དང་། དེ་དག་
D6.010.0083b06.01ཞུ་བ་ལུང་བསྟན་པ་དེ་ཡི་རངས་ཤིང་མགུ་ནས་སངས་རྒྱས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆི་ཞིང་བསླབ་པའི་གནས་དག་ཀྱང་ལེན་པ་བགྱིད་དེ། བཙུན་པ་འདི་ཡང་བདག་བཅོམ་ལྡན་འདས་ལ་ཆོས་ལས་བྱུང་བའི་དད་པ་ལགས་སོ་ཞེས་བྱ་བའི་བར་སྔ་མ་བཞིན་ནོ། །བཙུན་པ་
D6.010.0083b07.01