完整藏文原文 · 德格版页 当前仅加载第 10 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགའ་བོའི་སྐྲ་དང་ཁ་སྤུ་བྲེགས་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ནས་འབྲེག་མཁན་གཉེར་ཏེ་བྲེག་པར་བརྩམས་པ་དང་། དགའ་བོས་འབྲེག་མཁན་ལ་ཀྭའི་
D6.010.0120a01.01འབྲེག་མཁན་ང་ནི་རིང་པོ་མི་ཐོགས་པར་སྟོབས་ཀྱིས་འཁོར་ལོ་སྒྱུར་བའི་རྒྱལ་པོར་འགྱུར་ཏེ། གལ་ཏེ་ཁྱོད་ཀྱིས་ངའི་སྐྲ་དང་ཁ་སྤུ་བྲེགས་ན་ངས་ཁྱོད་ཀྱི་ལག་པ་མཁྲིག་མ་མན་ཆད་བཅད་དོ་ཞེས་བསྡིགས་པས་དེ་སྐྲག་སྟེ་འབྲེག་སྤྱད་བཏུལ་ཏེ་འདུག་པ་དང་། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་
D6.010.0120a02.01ལ་གསོལ་ཏོ། །དེ་ནས་བཅོམ་ལྡན་འདས་ཚེ་དང་ལྡན་པ་དགའ་བོ་ག་ལ་བ་དེར་གཤེགས་ཏེ་བྱོན་ནས་བཀའ་སྩལ་པ། དགའ་བོ་ཁྱོད་རབ་ཏུ་མི་འབྱུང་ངམ། དེས་གསོལ་པ། བཅོམ་ལྡན་འདས་བདག་རབ་ཏུ་འབྱུང་ངོ་། །དེ་ནས་བཅོམ་ལྡན་འདས་ཉིད་ཁོ་ནས་ཆུ་སྣོད་ནས་མགོར་ཆུ་བླུགས་ཤིང་འབྲེག་
D6.010.0120a03.01མཁན་གྱིས་སྐྲ་དང་ཁ་སྤུ་བྲེགས་པ་དང་། དེས་བསམས་པ། རེ་ཞིག་བཅོམ་ལྡན་འདས་ལ་གུས་པར་བྱ་བའི་ཕྱིར་རབ་ཏུ་བྱུང་ལ་ནམ་སྲོས་ནས་འགྲོའོ་སྙམ་ནས་དེ་ནམ་སྲོས་ནས་སོང་བ་དང་། བཅོམ་ལྡན་འདས་ཀྱིས་གཡང་ས་ཞིག་སྤྲུལ་ཏོ། །དགའ་བོས་བསམས་པ། མཛེས་མ་དང་ཐག་རིང་བ་
D6.010.0120a04.01ཉིད་དུ་གྱུར་ཅིང་བདག་གཞན་ཁོ་ནར་འཆི་བར་འགྱུར་གྱིས་ནམ་ནངས་ཏེ་འགྲོའོ་སྙམ་ནས། དེ་ཤིན་ཏུ་བཟང་མོ་ལ་རྣམ་པར་རྟོག་ཅིག་སྡུག་བསྔལ་བས་མཚན་མོ་འདས་སོ། །བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་
D6.010.0120a05.01བོ་ཁྱོད་སོང་ལ། དགའ་བོ་ལ་ཁྱོད་ཁང་སྐྱོང་བྱོས་ཤིག་ཅེས་བསྒོ་ཤིག །དེས་སོང་ནས་ཚེ་དང་ལྡན་པ་དགའ་བོ་བཅོམ་ལྡན་འདས་ཀྱིས་ཁྱོད་ཁང་སྐྱོང་བྱོས་ཤིག་ཅེས་བཀའ་སྩལ་ཏོ་ཞེས་དེ་ལ་བསྒོའོ། །དེས་སྨྲས་པ། བཙུན་པ་ཀུན་དགའ་བོ་ཁང་སྐྱོང་ཞེས་བྱ་བ་དེ་ཅི་ལགས། དེ་ཇི་ལྟ་བུ་དག་བགྱི།
D6.010.0120a06.01དེས་སྨྲས་པ། ཚེ་དང་ལྡན་པ་དགའ་བོ་གཙུག་ལག་ཁང་གི་ལས་བྱ་སྟེ། དགེ་སློང་རྣམས་བསོད་སྙོམས་ལ་དོང་ནས་དང་པོར་ཇེ་གཙུག་ལག་ཁང་ཕྱག་དར་བྱ་ཞིང་དེ་ནས་བ་ལང་གི་ལྕི་བ་སར་པས་སྐྱོང་ནུལ་བྱ། གཙུག་ལག་ཁང་བསྲུང་བར་བྱ། དགེ་སློང་རྣམས་ཀྱིས་སྨྲས་པ། གང་ཡིན་པ་དེ་བརྗོད་པར་
D6.010.0120a07.01