完整藏文原文 · 德格版页 当前仅加载第 10 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
བཟེད་མེད་པ་རབ་ཏུ་འབྱིན་ཅེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ལྷུང་བཟེད་མེད་པ་རབ་ཏུ་དབྱུང་བར་མི་བྱ་སྟེ། རབ་ཏུ་འབྱིན་ན་འགལ་ཚབས་ཅན་དུ་འགྱུར་རོ། །རབ་ཏུ་
D6.010.0228a01.01འབྱིན་པར་བྱེད་པས་ཡོ་བྱད་དྲུག་གིས་མི་བྲེལ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་རེ་ཞིག་དགེ་སློང་དག་གིས་ལྷུང་བཟེད་མེད་པ་ཞིག་བསྙེན་པར་རྫོགས་པར་བགྱིད་ན་བསྙེན་པར་རྫོགས་པ་ཞེས་བརྗོད་པར་བགྱི་འམ། ཉེ་བ་
D6.010.0228a02.01འཁོར་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འགལ་ཚབས་ཅན་དུ་འགྱུར་རོ། །བཙུན་པ་དགེ་སློང་དག་གིས་ལྷུང་བཟེད་ཆུང་ངུའམ། ལྷུང་བཟེད་ཆེན་པོའམ། ལྷུང་བཟེད་སྐྱ་བོས་བསྙེན་པར་རྫོགས་པར་བགྱིད་ན་བསྙེན་པར་རྫོགས་པ་ཞེས་
D6.010.0228a03.01བགྱིའམ། ཉེ་བ་འཁོར་བསྙེན་པར་རྫོགས་པ་ཞེས་བྱ་སྟེ། བསྙེན་པར་རྫོགས་པར་བྱེད་པ་རྣམས་ནི་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་
D6.010.0228a04.01ཆོམ་རྐུན་པར་གྲགས་པ་ཞིག་རྐུན་པོ་བྱེད་པ་ཚོར་ནས་དེས་བཟུང་བ་དང་། བརྐུས་པ་བོར་ནས་བྲོས་སོ། །དེ་ལམ་གྱི་ངལ་བས་དུབ་ནས་རྒྱལ་བྱེད་ཀྱི་ཚལ་གྱི་ལམ་ཀ་ཤིང་ཞིག་གི་དྲུང་ན་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང་། ཚེ་དང་ལྡན་པ་ཉེ་དགའ་
D6.010.0228a05.01སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ཀྱི་ཕྱིར་ཆས་པ་དེས་དེ་མཐོང་ནས་སྨྲས་པ། ཚེ་དང་ལྡན་པ་ཁྱོད་སུའི། དེས་སྨྲས་པ། འཕགས་པ་བདག་ནི་མགོན་མེད་པ་ཞིག་སྟེ། བདག་ལ་ཅི་ཡང་མ་མཆིས་སོ། །དེས་སྨྲས་པ། བཞིན་
D6.010.0228a06.01{བཟངས་,བཟང་}གལ་ཏེ་དེ་ལྟ་ན་ཅི་སྟེ་རབ་ཏུ་མི་འབྱུང་། དེས་སྨྲས་པ། འཕགས་པ་ཁྱོད་རབ་ཏུ་བྱུང་བ་ལགས་པས་རེ་ཞིག་དྲང་པོར་སྨྲ་བར་བགྱི་སྟེ། བདག་ནི་ཆོམ་རྐུན་པར་གྲགས་པ་ལགས་ན་སུ་ཞིག་བདག་རབ་ཏུ་འབྱིན། བུ་བཅོམ་ལྡན་འདས་ཀྱི་བསྟན་པ་ནི་ཐུགས་རྗེས་རབ་ཏུ་ཕྱེ་བ་
D6.010.0228a07.01