完整藏文原文 · 德格版页 当前仅加载第 10 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ་བའི་རིགས་སོ། །དགའ་བོ་བདེ་འགྲོའི་འགྲོ་བའོ་སྙམ་པའི་འདུ་ཤེས་ཅན་གང་ཡིན་པ་དེ་དག་ན་ཡང་ཤིན་ཏུ་མི་བཟད་པ། འཇིགས་སུ་རུང་བ། སྨད་པ། བརྗོད་དཀའ་བ་དེ་ལྟ་བུ་དང་། སླུ་བ་དེ་ལྟ་བུ་དང་། སྡུག་བསྔལ་གྱི་རྣམ་པ་དེ་ལྟ་བུ་འབྱུང་ན། དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ཀྱི་
D6.010.0142a01.01ཡུལ་དུ་སྐྱེས་པ་རྣམས་ལ་ལྟ་སྨོས་ཀྱང་ཅི་དགོས་ཏེ། དེ་དག་གི་སྡུག་བསྔལ་གྱི་རྣམ་པ་ནི་འདི་འདྲའོ་ཞེས་དཔེ་བསྟན་པར་ཡང་ཤིན་ཏུ་དཀའོ། །དགའ་བོ་མངལ་དུ་འཇུག་པ་ནི་བཞི་སྟེ། བཞི་གང་ཞེ་ན། འདི་ན་ལ་ལ་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་
D6.010.0142a02.01མངལ་ནས་འབྱུང་སྟེ། འདི་ནི་མངལ་དུ་འཇུག་པ་དང་པོའོ། །དགའ་བོ་གཞན་ཡང་འདི་ན་ལ་ལ་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས་ཤིང་ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་གཉིས་པའོ། །དགའ་བོ་གཞན་ཡང་འདི་ན་ལ་
D6.010.0142a03.01ལ་ཤེས་བཞིན་དུ་མའི་མངལ་དུ་འཇུག་ཅིང་། ཤེས་བཞིན་མ་ཡིན་པར་མའི་མངལ་ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་གསུམ་པའོ། །དགའ་བོ་གཞན་ཡང་འདི་ན་ལ་ལ་ཤེས་བཞིན་མ་ཡིན་པར་མའི་མངལ་དུ་འཇུག །ཤེས་བཞིན་མ་ཡིན་པར་མའི་མངལ་
D6.010.0142a04.01ན་གནས། ཤེས་བཞིན་མ་ཡིན་པར་མའི་མངལ་ནས་འབྱུང་སྟེ། འདི་ནི་མངལ་དུ་འཇུག་པ་བཞི་པའོ། །ཇི་ལྟར་ན་འདི་ཤེས་བཞིན་དུ་མའི་མངལ་དུ་འཇུག །ཤེས་བཞིན་དུ་མའི་མངལ་ན་གནས། ཤེས་བཞིན་དུ་མའི་མངལ་ནས་འབྱུང་ཞེ་ན། འདི་ན་ལ་ལ་སོ་སོའི་སྐྱེ་བོ་ཉིད་ཡིན་ལ་རང་བཞིན་གྱིས་ཚུལ་ཁྲིམས་
D6.010.0142a05.01དང་ལྡན་པར་གྱུར་ཅིང་། དགེ་བའི་ཆོས་ཅན། དགེ་བ་ལ་འདུན་པ། དགེ་བ་ཀུན་དུ་སྤྱོད་པ། སྡོམ་པ་མང་བ་སོ་སོར་རྟོག་པ་མང་བ། བག་ཡོད་པར་གནས་པ། ཤེས་རབ་ཆེན་པོ་ཅན་ཡིན་ཞིང་། དེ་འགྱོད་པ་མེད་པར་རམ། རྒྱུན་དུ་ཞུགས་པ་དེ་ལྟར་ཐོགས་ན་སྲིད་པ་ལན་བདུན་པ་འམ། རིགས་ནས་རིགས་
D6.010.0142a06.01སུ་སྐྱེ་བའམ། ལན་གཅིག་ཕྱིར་འོང་བའམ། བར་ཆད་གཅིག་པ་ཞིག་འཆི་བའི་དུས་བྱེད་ན་དགེ་བའི་ཆོས་དེ་དག་གིས་ཉེ་བར་བརྟན་པ་དེ་འཆི་ཀའི་སྡུག་བསྔལ་གྱི་ཚོར་བ་དྲག་པ། རྩུབ་པ། མི་བཟད་པ། ཡིད་དུ་མི་འོང་བ། སྲོག་འཕྲོག་པར་བྱེད་པ་དག་གིས་ཀུན་དུ་རེག་ཀྱང་དྲན་པ་ཉམས་པར་མི་འགྱུར་ཞིང་།
D6.010.0142a07.01