完整藏文原文 · 德格版页 当前仅加载第 10 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་གདང་ཐག་གསུམ་བཅང་བར་བྱའོ། །ཞེས་གསུངས་པ་དང་། དགེ་སློང་རྣམས་འཆང་བར་གྱུར་ཏེ། ཡུལ་གཞན་ཞིག་ན་ཆུ་མོད་པ་དེར་ཡང་དགེ་སློང་དག་གདང་ཐག་ཁྱེར་ཏེ་འདོང་ནས། བཅོམ་ལྡན་འདས་ཀྱིས་
D6.010.0200a01.01བཀའ་སྩལ་པ། གདང་ཐག་ནི་ཡུལ་རྣམས་དང་སྦྱར་ཞིང་བཅང་བར་བྱའོ།། །།སྡོམ་ནི། སྤུ་གྲི་བདར་དང་སེན་གྲི་དང་། །སྨང་ཚེར་དང་ནི་སྔས་ཤིང་དང་། །བད་ཚའི་རིགས་ལ་འཇིམ་པ་ནི། །དྲི་ཡིས་ཡོངས་སུ་བསྒོས་པའོ། །སངས་རྒྱས་
D6.010.0200a02.01བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གི་སྐྲ་རིང་པོ་རིང་པོར་གྱུར་ཏེ། དེ་འབྲེག་མཁན་གྱི་གན་དུ་སོང་ནས་བཞིན་{བཟངས་,བཟང་}བདག་གི་སྐྲ་རེགས་ཤིག །དེས་བསམས་པ།
D6.010.0200a03.01ཤཱཀྱའི་བུའི་དགེ་སྦྱོང་འདི་དག་ནི་ནན་ཆེ་སྟེ་རྔན་པ་མེད་པར་ལས་བྱེད་དུ་འཇུག་པས་གལ་ཏེ་འདིའི་སྐྲ་བྲེགས་ནས་ཐོས་པ་དང་། གཞན་དང་གཞན་དག་ཀྱང་འོང་བར་འགྱུར་བས་དུས་རིང་དུ་བསྒྱངས་ཏེ་བཞག་པ་དང་། འདི་རང་གི་བློས་ལྡོག་གོ་སྙམ་ནས་དེས་དུས་བཏབ་
D6.010.0200a04.01པ། འཕགས་པ་གཤེགས་ལ་སང་གནངས་སྔ་དྲོའམ། སླད་གྲོའམ། གདུགས་ཀྱི་གུང་ཞིག་ལ་སྤྱོན་ཅིག །དེ་དེས་བསླུས་པས་ཡང་དང་ཡང་དུ་འགྲོའོ། །དེ་ལ་དགེ་སློང་མཛའ་བཤེས་ཤིག་ཡོད་པ་དེས་དེ་ཡང་དང་ཡང་དུ་འགྲོ་བ་མཐོང་ནས་སྨྲས་པ། ཚེ་དང་
D6.010.0200a05.01ལྡན་པ་ཁྱོད་ཅིའི་ཕྱིར་འདིར་ཡང་དང་ཡང་དུ་འགྲོ། །ཅི་འདི་གཉེན་གྱི་ཁྱིམ་མམ། རིགས་ཀྱི་ཁྱིམ་ཡིན། དེས་སྨྲས་པ། ཚེ་དང་ལྡན་པ་དེ་ནི་གཉེན་གྱི་ཁྱིམ་དང་། རིགས་ཀྱི་ཁྱིམ་ཡང་མ་ཡིན་མོད་ཀྱི་འོན་ཀྱང་བདག་གི་སྐྲ་རིང་པོ་རིང་པོར་གྱུར་ནས་བདག་གིས་འབྲེག་
D6.010.0200a06.01མཁན་དེ་ལ་འདི་སྐད་དུ། བདག་གི་སྐྲ་རིང་པོ་རིང་པོ་རེགས་ཤིག་དང་། ཁྱོད་ལ་བསོད་ནམས་སུ་འགྱུར་རོ་ཞེས་བྱས་པ་དང་། དེས་དུས་བཏབ་སྟེ་མ་བྲེགས་སོ། །དེས་སྨྲས་པ། ཚེ་དང་ལྡན་པ་བཟོ་བོ་ལ་བདེན་པར་སྨྲ་བ་དཀོན་ནོ་ཞེས་ཁྱོད་ཀྱིས་མ་ཐོས་སམ། ཁོ་
D6.010.0200a07.01