完整藏文原文 · 德格版页 当前仅加载第 10 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་གི་དགེ་འདུན་ལ་ཁྱིམ་བདག་ཉེས་མེད་ཀྱིས་གདུགས་ཚོད་ཇི་ལྟ་བུ་ཞིག་གསོལ་བ་རྟོགས་ཤིག་ཅེས་བསྒོའོ། །དེས་བརྟགས་ན་འབྱོར་པ་དེ་ལྟ་བུ་དག་མཐོང་ནས་ངོ་མཚར་ཆེན་པོ་སྐྱེས་ཏེ། ངོ་མཚར་དང་ལྡན་པའི་ཡིད་ཀྱིས་དེ་ཉིད་དུ་འདུག་གོ། །དེས་བློན་པོ་དག་བཏང་བ་དང་དེ་དག་ཀྱང་སོང་
D6.010.0030b01.01ཞིང་དེ་ཉིད་དུ་འདུག་གོ། །གཞོན་ནུ་བཏང་ན་དེ་ཡང་སོང་ཞིང་དེ་ཉིད་དུ་འདུག་གོ། །དེ་ནས་རྒྱལ་པོ་གཉེན་ལྡན་རང་ཉིད་དེར་སོང་སྟེ་སྒོར་བསྡད་པ་དང་། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་བཀའ་སྩལ་པ། ཁྱིམ་བདག་ཁྱོད་ཀྱིས་རྒྱལ་པོ་གཉེན་ལྡན་བདེན་པ་མཐོང་
D6.010.0030b02.01བར་གྱུར་པ་ལ་ཚིག་བརླང་པོ་སྨྲས་པ། དེ་སྒོ་འདི་ན་འདུག་གིས་སོང་ལ་བཟོད་པར་གསོལ་ཅིག །དེས་དེའི་གན་དུ་སོང་སྟེ་བཟོད་པར་གསོལ་ནས་སྨྲས་པ། རྒྱལ་པོ་ཆེན་པོ་ནང་དུ་གཤེགས་ལ་ཉིད་ཀྱི་ཕྱག་ནས་བྲིམ་པ་དག་མཛད་དུ་གསོལ། དེ་ནང་དུ་སོང་སྟེ་བལྟས་ན་ལྷའི་འབྱོར་པ་དག་མཐོང་
D6.010.0030b03.01ནས་ངོ་མཚར་ཆེན་པོ་སྐྱེས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ནི་ཁྱིམ་བདག་ཁྱོད་གཅིག་པུས་གདུགས་ཚོད་གསོལ་བའི་རིགས་ཀྱི་ཁོ་བོས་ནི་མ་ཡིན་ནོ་ཞེས་སྨྲས་སོ། །ཁྱིམ་བདག་ཉེས་མེད་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་དེ་ལྟ་བུའི་འབྱོར་
D6.010.0030b04.01པས་ཞལ་ཟས་དག་གིས་ཚིམ་པར་བྱས་ནས། ཞབས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས་ཇི་ལྟར་བདག་གིས་ཡོན་གནས་འདི་ལྟ་བུ་ལ་བསྙེན་བཀུར་བྱས་པའི་དགེ་བའི་རྩ་བ་འདིས་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེ་ཞིང་། ལྷ་དང་མིའི་དཔལ་ཡང་མྱོང་བར་
D6.010.0030b05.01འགྱུར་བ་དང་། ཆོས་ཀྱི་ཚུལ་འདི་ལྟ་བུ་ཐོབ་པ་དང་། འདི་ལྟ་བུའི་སྟོན་པ་མཉེས་པར་བྱེད་ཅིང་མི་མཉེས་པར་མི་བྱེད་པར་གྱུར་ཅིག་ཅེས་བཏབ་བོ། །དགེ་སློང་དག་དེའི་ཚེ་དེའི་དུས་ན་ཁྱིམ་བདག་ཉེས་མེད་གང་ཡིན་པ་དེ་ནི་ཁྱིམ་བདག་མེ་སྐྱེས་འདི་ཡིན་ཏེ། རིགས་ཀྱི་བུ་དེས་རྒྱལ་པོ་
D6.010.0030b06.01གཉེན་ལྡན་བདེན་པ་མཐོང་བ་ལ་ཚིག་བརླང་པོ་སྨྲས་པ་དེའི་ལས་ཀྱི་རྣམ་པར་སྨིན་པས་ནི་ཚེ་རབས་ལྔ་བརྒྱར་མ་དང་ལྷན་ཅིག་མེའི་ཕུང་པོར་བསྲེགས་ཤིང་ད་ལྟར་འདིར་ཡང་མེའི་ཕུང་པོར་བསྲེགས་པར་གྱུར་ཏོ། །དེ་བཞིན་གཤེགས་པ་རྣམ་པར་གཟིགས་གང་ཡིན་པ་ལ་བསྙེན་བཀུར་བྱས་ཤིང་སྨོན་ལམ་
D6.010.0030b07.01