完整藏文原文 · 德格版页 当前仅加载第 10 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
མིད་དོ། །གང་གི་ཚེ་བཅས་པ་དེའི་ཚེ་ནི་བསྐྱུགས་ཤིང་འདོར་བས་དེ་ལུས་རྐེ། ཉམ་ཆུང་། ཤིག་ཤིག་པོ། རོད་ཉམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་
D6.010.0057b01.01དགའ་བོ་བ་ལང་བདག་ཅིའི་ཕྱིར་ལུས་རྐེ། ཉམ་ཆུང་། ཤིག་ཤིག་པོ། རོད་ཉམས་པར་གྱུར། དེས་ཇི་ལྟར་གྱུར་པ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་གང་ལ་ལས་ཀྱི་རྣམ་པར་སྨིན་པ་ལས་སྐྱེས་པའི་མིད་པ་གཉིས་གྲུབ་པ་དེས་སྐྱུགས་པ་ལན་གཉིས་
D6.010.0057b02.01སམ། གསུམ་བོར་ཏེ་ཁ་བཀྲུས་ནས་ལྷག་མ་མིད་པར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་རྣམས་ཟས་ཟོས་ནས་བསྐྱུགས་ཏེ་དེ་དག་འགྱོད་པར་གྱུར་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གཞན་ཞིག་ཟན་ཟོས་ཏེ་སྐྱུགས་ན་དེས་ཁ་བཀྲུ་བར་བྱ་སྟེ། འདི་
D6.010.0057b03.01ལ་འགྱོད་པར་མི་བྱའོ། །གང་གི་ཚེ་ཚེ་དང་ལྡན་པ་བ་ལང་བདག་རབ་ཏུ་བྱུང་བ་དེའི་ཚེ་བྲམ་ཟེ་དང་ཁྱིམ་བདག་རྣམས་འཕྱ་སྨོད། ཁ་ཟེར་ཞིང་དགེ་སྦྱོང་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ཉམས་ཤིང་ཚངས་པའི་ཚུལ་ཉམས་ཏེ། ད་ནི་བ་ལང་བདག་ལ་སོགས་པ་འཇིགས་འཇིགས་ལྟ་
D6.010.0057b04.01རྣམས་ཀྱང་རབ་ཏུ་འབྱིན་ཏོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཉན་ཐོས་ཆེན་པོ་རི་རབ་དང་འདྲ་བ་ལ་སྐྱེ་བོའི་ཚོགས་ཕལ་པོ་ཆེ་མ་དད་པར་བྱེད་ཀྱིས། དེ་ལྟ་བས་ན་བ་ལང་བདག་ཡུལ་དབུས་སུ་གནས་སུ་མི་
D6.010.0057b05.01གཞུག་གོ་སྙམ་ནས། ཚེ་དང་ལྡན་པ་བ་ལང་བདག་ལ་བཀའ་སྩལ་པ། བ་ལང་བདག་ཁྱོད་དེང་ཕྱིན་ཆད་ཡུལ་དབུས་ན་མ་གནས་པར་མཐའ་འཁོབ་ཀྱི་གནས་མལ་དག་སྟེན་ཅིག །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་བ་ལང་བདག་གིས་བཅོམ་ལྡན་འདས་ཀྱི་ལྟར་མཉན་ནས་མཉན་
D6.010.0057b06.01ཡོད་ནས་མི་སྣང་བར་གྱུར་ཏེ། ཤིང་ཤིར་ཤ་ཀའི་གཞལ་མེད་ཁང་སྟོང་པར་འདུག་གོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་བས་མཐའི་གནས་མལ་ལ་དད་པ་རྣམས་ཀྱི་ནང་ན་མཆོག་ནི་འདི་ལྟ་སྟེ། དགེ་སློང་བ་ལང་
D6.010.0057b07.01