完整藏文原文 · 德格版页 当前仅加载第 10 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
བདེ་བླག་ཏུ་ཤེས་པར་བྱ་བའི་ཕྱིར་དགའ་བོ་དང་གཞན་ཡང་རུང་གང་དེ་ལྟ་བུའི་ཆོས་གོས་ལ་མཚན་མས་གདབ་པར་བྱའོ།། །།སྡོམ་ནི། དགེ་སློང་རྣམས་ནི་བསྐྲད་པ་དང་། །སོ་ཤིང་རྣམ་པ་གསུམ་དག་དང་། །གཞོན་ནུ་བསྐྲད་པར་བྱ་བ་དང་། །ཀུན་
D6.010.0163a01.01དུ་བསྐྲད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཆུ་བོ་སྙན་ལྡན་གྱི་འགྲམ་གྱི་དགེ་སློང་དག་གིས་དང་པོ་བུམ་པ་དང་། ཕོ་ལོང་གི་སྦྱོར་བས་འབད་
D6.010.0163a02.01པ་དང་། བསྒྲིམ་པ་དང་། བརྩལ་བས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་པ་དེའི་ཚེ་དེ་དག་གི་སྤྱོད་ལམ་དང་། སྤྱོད་པ་དག་ལ་སྒྲུབ་པ་དེས་སྐྱེ་བོ་མང་པོ་རྣམས་མངོན་པར་དད་དོ། །དེ་ནས་བཅོམ་ལྡན་འདས་ཀྱིས་དགེ་སློང་
D6.010.0163a03.01རྣམས་ལ་བཀའ་སྩལ་པ། དགེ་སློང་དག་གང་དག་གི་གྲོང་གི་ཞིང་ན་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་གནས་པའི་མི་དེ་དག་གི་རྙེད་པ་ནི་ལེགས་པར་རྙེད་དོ། །བཅོམ་ལྡན་འདས་ཀྱི་བསྙེན་བཀུར་བ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་དྲུང་ན་སྤྱོད་
D6.010.0163a04.01ཅིང་གནས་པ་དེས་བཅོམ་ལྡན་འདས་ཀྱིས་དགོངས་པ་རྟགས་སམ། གསུང་བ་ལས་ཤེས་ནས་དེས་དེ་དག་ལ་ཚེ་དང་ལྡན་པ་དག་བཅོམ་ལྡན་འདས་ནི་ཁྱེད་ཀྱི་བསྔགས་པ་བརྗོད་ཅིང་གཟིགས་པར་ཡང་བཞེད་ཀྱིས་ཁྱེད་འོང་བའི་རིགས་སོ་ཞེས་སྤྲིང་ངོ་། །དེ་དག་གིས་
D6.010.0163a05.01ཐོས་ནས་ཕན་ཚུན་གླེངས་པ། ཚེ་དང་ལྡན་པ་དག་བཅོམ་ལྡན་འདས་ནི་བདག་ཅག་གི་བསྔགས་པ་བརྗོད་ཅིང་གཟིགས་པར་ཡང་བཞེད་ཅེས་ཟེར་ན་དེ་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་ཅི་ཞིག་བསྒྲུབ་ཏུ་ཡོད་འདོང་མོད། དགྲ་བཅོམ་པ་
D6.010.0163a06.01རྣམས་ནི་མ་བསམས་པར་ཡེ་ཤེས་མཐོང་བ་མི་འཇུག་པས་གཞན་དག་ཅིག་གིས་སྨྲས་པ་ལེགས་ཏེ། འོན་ཀྱང་སྐྱེ་བོའི་ཚོགས་མང་པོ་དག་ལ་སྦྲན་ནས་འདོང་ངོ་། །དེ་ནས་དེ་དག་གིས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ཤེས་པར་གྱིས་ཤིག །བཅོམ་ལྡན་
D6.010.0163a07.01