完整藏文原文 · 德格版页 当前仅加载第 10 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོང་བར་འདོད་དོ་ཞེས་མཆིའོ། །དེས་སྨྲས་པ། ཀྭའེ་སྒོ་བ་སོང་ལ་དེ་ནང་དུ་ཐོང་ཤིག །དེས་དེ་བཏང་བ་དང་། དེས་སྨྲས་པ། ཁྱིམ་བདག་ཁྱོད་ཅིའི་ཕྱིར་མྱ་ངན་གྱི་ཁང་པར་ཞུགས་ཏེ་རྐོམ་ཚུགས་བཅས་ནས་སེམས་ཁོང་དུ་ཆུད་ཅིང་འདུག །ཁྱིམ་བདག་གིས་ཚིགས་སུ་བཅད་པ་སྨྲས་པ།
D6.010.0030a01.01གང་གིས་མྱ་ངན་སེལ་བར་མི་ནུས་པ། །དེ་ལ་མྱ་ངན་བརྗོད་པར་མི་བྱ་སྟེ། །གང་གིས་མྱ་ངན་སེལ་བར་བྱེད་ནུས་པ། །དེ་ལ་མྱ་ངན་བརྗོད་པར་བྱ་བ་ཡིན། །བརྒྱ་བྱིན་གྱིས་སྨྲས་པ། ཁྱིམ་བདག་ཁྱོད་ཀྱི་མྱ་ངན་གང་ཡིན་པ་སྨྲོས་དང་། ཁོ་བོས་ཁྱོད་ཀྱི་མྱ་ངན་བསལ་བར་བྱའོ། །དེས་རྒྱ་ཆེར་བརྗོད་པ་དང་།
D6.010.0030a02.01དེ་ནས་ལྷའི་དབང་པོ་བརྒྱ་བྱིན་གྱིས་ཀཽ་ཤི་ཀའི་རིགས་ཀྱི་བྲམ་ཟེའི་གཟུགས་མི་སྣང་བར་བྱས་ཏེ་རང་བཞིན་དུ་འདུག་ནས་སྨྲས་པ། ཁྱིམ་བདག་ཁོ་བོས་ལྷའི་བུ་ལས་ཐམས་ཅད་པ་ཁྱོད་ཀྱི་གྲོགས་བྱེད་དུ་གཞུག་གོ་ཞེས་བྱས་ནས་སོང་ངོ་། །དེ་ནས་ལྷའི་དབང་པོ་བརྒྱ་བྱིན་སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་
D6.010.0030a03.01སོང་སྟེ། ལྷའི་བུ་ལས་ཐམས་ཅད་པ་བོས་ནས་སྨྲས་པ། ལྷའི་བུ་ལས་ཐམས་ཅད་པ་སོང་ལ། ཁྱིམ་བདག་ཉེས་མེད་ཀྱི་གྲོགས་གྱིས་ཤིག །དེས་སྨྲས་པ། ཀཽ་ཤི་ཀ་རབ་ཏུ་ལེགས་སོ་ཞེས་ལྷའི་བུ་ལས་ཐམས་ཅད་པས་ལྷའི་དབང་པོ་བརྒྱ་བྱིན་གྱི་ཚིག་མཉན་ནས་དེས་དེ་བས་ཆེས་མཛེས་ཤིང་ཁྱད་པར་དུ་
D6.010.0030a04.01འཕགས་པའི་གྲོང་ཁྱེར་དག་མངོན་པར་སྤྲུལ་ཅིང་། ལྷའི་འཁོར་གྱི་ཁྱམས་དང་། ལྷའི་གདན་དག་ཀྱང་བཤམས། ལྷའི་ཞལ་ཟས་དག་ཀྱང་གཡོས་ནས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུའི་སྟེང་དུ་ནི་ལྷའི་དབང་པོ་བརྒྱ་བྱིན་གྱི་སྐྱེད་མོས་ཚལ་དུ་སྤྱད་པའི་གླང་པོ་ཆེའི་རྒྱལ་པོ་ས་སྲུང་
D6.010.0030a05.01གི་བུ་རྩིབས་བརྒྱ་དང་ལྡན་པའི་གདུགས་འཛིན་དུ་བཅུག་གོ། །དགེ་སློང་རྣམས་ཀྱི་སྟེང་དུ་ཡང་ལྷའི་གླང་པོ་ཆེ་གཞན་དག་གདུགས་གཞན་དག་འཛིན་དུ་བཅུག་གོ། །ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ལྷའི་དབང་པོ་བརྒྱ་བྱིན་གྱི་བཙུན་མོ་དམ་པ་ལྷ་མོ་བདེ་སོགས་ལྷའི་བསིལ་ཡབ་
D6.010.0030a06.01གསེར་དང་ནོར་བུ་ལས་བྱས་པའི་ཡུ་བ་ཅན་གྱིས་གཡོབ་ཏུ་བཅུག་གོ། །དགེ་སློང་རྣམས་ལ་ཡང་ལྷའི་བཙུན་མོའི་ཚོགས་གཞན་དག་བསིལ་ཡབ་གཞན་དག་གིས་གཡོབ་ཏུ་བཅུག་གོ། །རྒྱལ་པོ་གཉེན་ལྡན་གྱིས་རྟོག་ཆེན་གྱི་མི་ཞིག་བསྐོས་ཏེ། ཀྭའེ་ནང་རྗེ་སོང་ལ་བཅོམ་ལྡན་འདས་ལ་སོགས་པ་དགེ་
D6.010.0030a07.01