完整藏文原文 · 德格版页 当前仅加载第 10 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ནས་གནས་ཁང་ལ་བྱུག་པར་བྱའོ། །དེ་རྣམས་ཀྱིས་གནས་ཁང་གི་སྒོ་ལ་བྱུགས་པ་དང་། དེ་དག་དྲི་གཙང་ཁང་ཡིན་ནོ་སྙམ་ནས་ཕྱག་འཚལ་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D6.010.0005b01.01པ། ནང་དུ་བྱུག་པར་བྱའོ། །དགེ་སློང་རྣམས་ཀྱིས་དྲང་ཐད་དུ་བྱུགས་པ་དང་། ཉེས་དམིགས་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། སྔས་དང་ཉེ་བ་འམ་རྐང་པ་དང་ཉེ་བར་བྱུག་པར་བྱ་ཞིང་དྲི་ཞིམ་པོ་ཐམས་ཅད་མིག་ལ་ཕན་པས་དུས་དུས་སུ་བསྣམ་
D6.010.0005b02.01པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ་འཇིགས་འཇིགས་ལྟའི་ཚལ་{རི་དགས་,རི་དྭགས་}ཀྱི་ནགས་ན་བཞུགས་སོ། །ཇི་ཙམ་ན་རྒྱལ་བུ་གཞོན་ནུ་རྟོགས་བྱེད་ཀྱི་ཁང་{བཟངས་,བཟང་}པད་མ་རིས་བྱེད་དུ་བཅུག་ནས་བཅོམ་
D6.010.0005b03.01ལྡན་འདས་ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་ལ་སྤྱན་དྲངས་ཏེ། བཅོམ་ལྡན་འདས་ཁང་{བཟངས་,བཟང་}པད་མའི་རིས་སུ་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ལ་བཞུགས་སོ། །ཉེ་དགའ་བོ་ཟན་ཟ་བའི་ཚེ་ལག་པས་ཀ་བ་ལ་བསྣུན་པ་དང་།
D6.010.0005b04.01ཁང་{བཟངས་,བཟང་}པད་མ་རིས་གཡོས་པར་གྱུར་ཏོ། །འདྲི་མཁན་རྣམས་ཀྱིས་སྨྲས་པ། འཕགས་པ་རྒྱལ་བུ་རྟོགས་བྱེད་ཀྱིས་ཁང་{བཟངས་,བཟང་}པད་མ་རིས་ཚོན་བརྒྱ་རྩ་གཅིག་གིས་བཀྲ་བར་བྱས་པ་ཁྱེད་ཀྱིས་གཞིག་གམ་ཅི། ཉེ་དགའ་བོས་སྨྲས་པ། བཀྲེན་པ་རྟོགས་
D6.010.0005b05.01བྱེད་འདི་ལ་ལྷག་པར་ཆགས་པས་དུས་བྱས་ནས་གར་སྐྱེ་གཏོལ་མེད་དོ། །ཁྱེད་ཀྱང་འདི་ལ་ལྷག་པར་ཆགས་པས་དུས་བྱས་ནས་{ཡི་དགས་,ཡི་དྭགས་}ལྦ་བ་ཅན་རྣམས་ཀྱི་ནང་དུ་སྐྱེ་བར་འགྱུར་རོ། །དེ་དག་ཁ་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་
D6.010.0005b06.01པ་དང་། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་ཀ་བ་ལ་ལག་པས་བསྣུན་པ་ལས་གྱུར་གྱིས། དེ་ལྟ་བས་ན་དགེ་སློང་གིས་ལག་པས་ཀ་བ་ལ་བསྣུན་པར་མི་བྱའོ། །བསྣུན་ན་འགལ་ཚབས་ཅན་དུ་འགྱུར་རོ། །བཅོམ་ལྡན་
D6.010.0005b07.01