完整藏文原文 · 德格版页 当前仅加载第 10 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །བཅོམ་ལྡན་འདས་ཀྱིས་དགེ་སློང་གིས་པར་ཏང་གདིང་བར་བྱའོ་ཞེས་བཀའ་སྩལ་པ་དང་། དེས་པར་ཏང་དེ་གདིང་བ་མེད་པར་སྤྱད་པས་དྲི་མ་ཅན་དུ་གྱུར་ཏོ། །རེ་ཞིག་ཅིག་ན་ཁྱིམ་བདག་དེ་ཡང་གཙུག་ལག་ཁང་དུ་འོངས་པ་དང་པར་ཏང་དྲི་མ་ཅན་དེ་མཐོང་ནས་
D6.010.0183a01.01དེས་ངོ་མ་ཤེས་ཏེ་སྨྲས་པ། བུ་ཁྱོད་ཤེས་ཉེན་ཅན་བསོད་ནམས་ཆེན་པོར་གྱུར་ཏམ། ཕ་ཅི་མངོན་པར་ཏང་གཞན་འདི་རྙེད་མོད། ཕ་གཞན་རྙེད་རེ་སྐན། བུ་ཅིའི་ཕྱིར་འདི་འདི་ལྟར་དྲི་མ་ཅན་དུ་གྱུར། ཕ་བདག་གིས་གདིང་བ་མེད་པར་སྤྱད་པས་སོ། །བུ་ཁྱོད་ཀྱིས་ཆེན་པོ་ལ་
D6.010.0183a02.01འོས་པའི་གོས་འདི་ལྟ་བུ་ཡང་མ་རུང་བར་བྱས་སམ། ཀྱེ་མ་ཁྱོད་ཀྱིས་གདིང་བ་བཏིང་ནས་སྤྱད་ཀྱང་བླ་ན། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་ཟག་གི་ཁྲ་བོ་ལ་ཡང་གདིང་བ་མེད་པར་སྤྱད་
D6.010.0183a03.01པར་མི་བྱ་སྟེ། སྤྱོད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཆོས་མཉན་པ་སྦྱིན་པར་བྱའོ་ཞེས་བཀའ་སྩལ་པ་དང་། ཆོས་སྨྲ་བ་
D6.010.0183a04.01སེང་གེའི་ཁྲི་ལ་འདུག་པའི་རྐང་པ་འཕྱངས་ནས། བཅོམ་ལྡན་འདས་ཀྱིས་བཀའ་སྩལ་པ། རྐང་རྟེན་བཅའ་བར་བྱའོ། །བཅོམ་ལྡན་འདས་ཀྱིས་རྐང་རྟེན་བཅའ་བར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཇི་ལྟ་བུ་བཅའ་བ་མི་ཤེས་ནས། བཅོམ་ལྡན་
D6.010.0183a05.01འདས་ཀྱིས་བཀའ་སྩལ་པ། སེང་གེའི་ཁྲི་བརྟན་པོ་གང་ཡིན་པ་ལ་ནི་སོ་ཕག་གི་ཐེམ་སྐས་བྱའོ། །འོན་ཏེ་ཡང་དང་ཡང་དུ་རྐྱོང་ན་ནི་ཤིང་གི་ཁྲིའུ་གཟུགས་སོ། །བསྐྱོད་དཀའ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩ་བ་བཞི་ལ་ལྕགས་ཀྱི་ཡང་
D6.010.0183a06.01མིག་གདགས་པར་བྱ་ཞིང་དེ་དག་ནས་བཟུང་སྟེ། ཅི་དགར་སྤྱོད་པར་བྱའོ། །བསོད་ནམས་འདོད་པའི་དགེ་སློང་དག་དང་། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་རྐང་རྟེན་ལ་དྲིའི་ལག་རིས་དང་། དྲི་དག་གིས་བྱུགས་པ་དང་ཆོས་སྨྲ་བ་འགྱོད་དེ་དེ་ལ་རྐང་པ་
D6.010.0183a07.01