完整藏文原文 · 德格版页 当前仅加载第 10 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིལ་ཕྱི་བྱེད་པ་ན་མི་གཞན་ཞིག་ཀྱང་ཀཱར་ཥཱ་པ་ཎ་ལྔ་བརྒྱ་ཁྱེར་ཏེ་དེར་འོངས་ནས་དེས་བཟང་མོ་དགའ་མགུར་སྤྱད་ཀྱིས་འདོང་ཞེས་སྨྲས་སོ། །གཟུགས་ཀྱིས་འཚོ་བ་བཟང་མོ་དེའི་ཀུན་དུ་སྤྱོད་པ་ནི་གལ་ཏེ་གཅིག་ནང་དུ་འོངས་ལ་ཡང་གཅིག་འོངས་ན་སྔ་མ་བསད་ཅིང་ཕྱི་
D6.010.0296b01.01མ་དང་། ལྷན་ཅིག་དགའ་མགུར་སྤྱོད་དོ། །བུ་མོ་དེས་རྒྱལ་པོ་གཏུམ་པོ་རབ་སྣང་དེའི་གཟུགས་དང་ན་ཚོད་མཛེས་པ་དེ་མཐོང་ནས་འདི་ལྟ་བུའི་རྒྱལ་རིགས་ཀྱི་བུ་ཡང་སྡིག་པའི་ཆོས་ཀུན་དུ་སྤྱོད་པ་འདིས་གསད་དོ་སྙམ་ནས་ངུས་སོ། །དེས་ངུས་པ་དང་། མཆི་
D6.010.0296b02.01མའི་ཐིགས་པ་རྒྱལ་པོ་གཏུམ་པོ་རབ་སྣང་གི་ལུས་ལ་ཕོག་པར་གྱུར་ཏོ། །དེས་རྒྱལ་པོ་གཏུམ་པོ་རབ་སྣང་གིས་གྱེན་དུ་བལྟས་ན་བུ་མོ་དེ་ངུ་ནས། དེས་སྨྲས་པ། བུ་མོ་ཅིའི་ཕྱིར་ངུ་། དེས་སྨྲས་པ། གཞོན་ནུ་ཆེན་པོ་མ་ལགས་སོ། །རྒྱལ་
D6.010.0296b03.01པོ་དོགས་པར་གྱུར་ནས་ཡང་དྲིས་པ། བུ་མོ་ཅིའི་ཕྱིར་ངུ་བ་བག་མ་ཚ་བར་སྨྲོས་ཤིག་ཅེས་དྲིས་པ་དང་། དེས་རྒྱས་པར་བརྗོད་དོ། །རྒྱལ་པོ་གཏུམ་པོ་རབ་སྣང་གིས་སྨྲས་པ། བུ་མོ་གང་གིས་ན་ང་འབྲོས་པའི་ཐབས་ལྟ་འགའ་ཡོད་དམ། དེས་
D6.010.0296b04.01སྨྲས་པ། འདིའི་ཁྱིམ་ཀུན་ནས་གཤེད་མའི་མི་རལ་གྲི་ཐོགས་པས་བསྐོར་བས་མེད་མོད་ཀྱི་འོན་ཀྱང་ཕྱོགས་གཅིག་ཅིག་ཡོད་ན། དེ་མི་གཙང་བས་དེ་ལྟ་ཞིག་སྨྲས་ཀྱང་ཅི་རུང་། རྒྱལ་པོས་སྨྲས་པ། བུ་མོ་གཙང་ཡང་རུང་མི་གཙང་ཡང་རུང་སྨྲོས་ལ་སྲོག་
D6.010.0296b05.01བྱིན་ཅིག །དེས་སྨྲས་པ། ཕྱོགས་འདི་ན་ཆབ་ཁུངས་ཞིག་ཡོད་དེ་དེ་ལྕགས་ཀྱི་ཕུར་པས་བཏབ་ཅིང་འདུག་གིས་གལ་ཏེ་འབྱིན་ནུས་ན་དེ་ཕྱེ་ལ་བྲོས་ཤིག །རྒྱལ་པོས་སྨྲས་པ། བུ་མོ་ཚུར་ཕྱོགས་དེ་གང་ཡིན་པ་སྟོན་ཅིག་དང་། ངས་དེ་དབྱུང་ནུས་སོ་ཞེས་སྨྲས་
D6.010.0296b06.01པ་དང་། དེས་ཕྱོགས་དེ་དེ་ལ་བསྟན་ཏོ། །སྨད་འཚོང་མ་དེའི་ཁྱིམ་དང་འདབ་ཆགས་ན་བྲམ་ཟེ་ལྟས་མཁན་ཞིག་གི་ཁྱིམ་ཡོད་དེ། རེ་ཞིག་ན་བྲམ་ཟེ་དེ་གཅིན་གཅིར་བྱུང་ན། དེའི་ཆུང་མ་ཡང་ཆུ་ཁྱེར་ནས་ཕྱི་བཞིན་དུ་འོངས་ཏེ། བྲམ་ཟེ་དེས་སྐར་མ་ལ་བལྟས་པ་དང་།
D6.010.0296b07.01