完整藏文原文 · 德格版页 当前仅加载第 10 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་མཆོག་ཏུ་བསྟན་ལ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཀྱང་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་ཟླ་བ་ཉིད་ཀྱིས་ལས་བྱས་ཤིང་བསགས་པ་ཚོགས་
D6.010.0211b01.01རྙེད་པ་ཞེས་བྱ་བ་ནས། ལུས་ཅན་རྣམས་ལ་འབྲས་བུར་སྨིན། །ཅེས་བྱ་བའི་བར་སྔ་མ་བཞིན་ནོ། །དགེ་སློང་དག་སྔོན་བྱུང་བ་བསྐལ་པ་དགུ་བཅུ་རྩ་གཅིག་ན་སྐྱེ་དགུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D6.010.0211b02.01རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་སྟོན་པ་འཇིག་རྟེན་དུ་བྱུང་སྟེ། དེ་འཁོར་དགེ་སློང་དྲུག་ཁྲི་
D6.010.0211b03.01ཉིས་སྟོང་དང་རྒྱལ་པོའི་ཁབ་གཉེན་ལྡན་དུ་གཤེགས་ཏེ། གཉེན་ལྡན་གྱི་ཚལ་ན་བཞུགས་སོ། །དེ་ནས་དེའི་ཚེ་རྒྱལ་པོའི་ཁབ་གཉེན་ལྡན་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་
D6.010.0211b04.01མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་དགུ་འདས་ནས་བུ་མོ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་རིགས་དང་མཐུན་པའི་མིང་
D6.010.0211b05.01བཏགས་ཏེ། དེ་བསྐྱེད་བསྲིངས་ནས་ཆེན་མོར་གྱུར་པ་དང་། ཁྱིམ་བདག་དེ་དད་པ་ཅན་ཞིག་པས་དགག་དབྱེའི་ཚེ་དེ་ཁྲིད་ནས་དགེ་སློང་མའི་དབྱར་ཁང་དུ་སོང་སྟེ། དེས་དགེ་སློང་མ་རྣམས་ལ་སོ་སོར་ཁབ་དང་གྲི་ལ་སོགས་པའི་ཡོ་བྱད་ཀྱིས་དགེ་སློང་མའི་དགེ་འདུན་ལ་
D6.010.0211b06.01དགག་དབྱེ་བྱེད་དོ། །བུ་མོ་དེས་མཛེས་པར་མཐོང་ནས་དད་པ་སྐྱེས་ཏེ། ཕ་ལ་སྨྲས་པ། ཡབ་བདག་གིས་ཀྱང་ཇི་ཞིག་ཅིག་གིས་དགེ་སློང་མའི་དགེ་འདུན་ལ་དགག་དབྱེ་བགྱིའོ། །ཁྱིམ་བདག་དེས་སྨྲས་པ། བུ་མོ་ལེགས་ཏེ་དེ་བཞིན་དགག་དབྱེ་གྱིས་ཤིག །དེས་
D6.010.0211b07.01