完整藏文原文 · 德格版页 当前仅加载第 10 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཉིས་པ་དང་། གསུམ་པ་ཡང་དེ་བཞིན་དུ་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་དགའ་བ་ཅན་ལ་ཇི་སྲིད་འཚོའི་བར་དུ་བསླབ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་བསླབ་པ་བྱིན་པའི་དགེ་སློང་གི་ཀུན་དུ་སྤྱད་པའི་ཆོས་
D6.010.0103b01.01བཅའ་བར་བྱ་སྟེ། བསླབ་པ་བྱིན་པའི་དགེ་སློང་གིས་རང་བཞིན་དུ་གནས་པའི་དགེ་སློང་གི་གུས་པར་སྨྲ་བ་དང་། ཕྱག་འཚལ་བ་དང་། མངོན་དུ་ལྡང་བ་དང་། ཐལ་མོ་སྦྱོར་བ་དང་། གདུད་བའི་ལས་བདག་གིར་མི་བྱ། སྟན་གཅིག་ལ་འདུག་པར་མི་བྱ། གལ་ཏེ་འདུག་ན་ཡང་སྟན་ཆེས་དམའ་
D6.010.0103b02.01བ་ལོང་ཤིག །འཆགས་གཅིག་ཏུ་འཆག་པར་མི་བྱ། གལ་ཏེ་འཆག་ན་ཡང་གོམ་པ་བསྲིའོ། །ཕྱི་བཞིན་འབྲང་བའི་དགེ་སྦྱོང་རང་བཞིན་དུ་གནས་པའི་དགེ་སློང་དང་། བྲམ་ཟེ་དང་ཁྱིམ་བདག་གི་ཁྱིམ་དག་ཏུ་འགྲོ་བར་མི་བྱ། གལ་ཏེ་འགྲོ་ན་དགེ་སྦྱོང་མདུན་དུ་གཏང་བར་བྱ། སྟེང་གཡོགས་
D6.010.0103b03.01གཅིག་པར་ཉལ་བར་མི་བྱ། རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ་གནས་སྦྱིན་པར་མི་བྱ། དགེ་སྦྱོང་གི་ཆེད་དུ་གཞག་པར་མི་བྱ། གསོལ་བའི་ལས་མི་བྱ། གསོལ་བ་དང་གཉིས་མ་ཡིན། གསོལ་བ་དང་བཞི་མི་བྱའོ། །ལས་བྱེད་པར་བསྒོ་བར་མི་བྱ། དགེ་སློང་
D6.010.0103b04.01མའི་སྟོན་པ་མི་བྱ། སྔོན་བསྐོས་པ་ཞིག་ན་ཡང་དེས་དགེ་སློང་མ་ལ་གདམས་པར་མི་བྱ། དགེ་སློང་ལ་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པས་གླེང་བར་མི་བྱ། དེས་གདམས་ངག་དབོག་པར་མི་བྱ། གསོ་སྦྱོང་མ་ཡིན།
D6.010.0103b05.01དགག་དབྱེ་མ་ཡིན། གསོལ་བའི་ལས་མ་ཡིན། གསོལ་བ་དང་གཉིས་མ་ཡིན། གསོལ་བ་དང་བཞི་མ་ཡིན། ནང་པར་སྔར་ལངས་ཏེ་སྒོ་དབྱེ་བར་བྱ། མར་མེའི་སྣོད་བསལ་བར་བྱ། གཙུག་ལག་ཁང་ཆག་ཆག་གདབ་པར་བྱ། ཕྱག་དར་བྱ། བ་ལང་གི་ལྕི་བ་སར་པ་བཟང་པོས་
D6.010.0103b06.01བྱུག་པར་བྱ། བཤང་གཅི་ཁང་ཕྱག་དར་བྱ། ས་དང་ལོ་མ་དག་དང་ཆུ་གྲང་མོ་འམ་དྲོན་མོ་དུས་དང་མཐུན་པར་གཞག་པར་བྱ། དེ་ནས་ཝའི་ཁ་ཕྱག་པར་བྱ། དུས་ཤེས་པར་བྱ་སྟེ། སྟན་བཤམ་པར་བྱ། བདུག་པའི་སྣོད་དང་བདུག་པ་ཉེ་བར་གཞག་པར་བྱ། གལ་ཏེ་སྟོན་པའི་ཡོན་ཏན་སྒྲོགས་
D6.010.0103b07.01