完整藏文原文 · 德格版页 当前仅加载第 10 函德格 195b 版页；藏文 NFD、目录标记与异常页序保留在来源切片中，重复版页行以稳定序号区分。
མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་རྣམས་ལ་དྲི་ཕུལ་བ་དང་། དགེ་སློང་རྣམས་ཀྱིས་མ་བླངས་ནས་དེ་དག་གིས་སྨྲས་པ། འཕགས་པ་གང་གི་ཚེ་སངས་
D6.010.0195b01.01རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་ཞེས་བྱ་བ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གནང་གིས་དྲི་བླང་བར་བྱའོ། །ཞེས་བྱ་བའི་བར་སྔ་མ་བཞིན་ནོ། །དེ་རྣམས་ཀྱིས་བླངས་ནས་དེ་དག་ཉིད་ཀྱི་མདུན་དུ་བོར་བ་དང་། དེ་དག་གིས་
D6.010.0195b02.01འཕགས་པ་དག་བདག་ཅག་གིས་རི་བའི་རིན་གྱིས་ཉོས་པ་ཡིན་ན་ཁྱེད་ཀྱིས་བླངས་ཏེ་དོར་རམ་ཞེས་འཕྱ་བར་བྱེད་དོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དོར་བར་མི་བྱའོ། །དེ་དག་གིས་
D6.010.0195b03.01དབུ་སྐྲ་དང་སེན་མོའི་མཆོད་རྟེན་ལ་ཕུལ་བ་དང་། དེ་དག་གིས་སྨྲས་པ། འཕགས་པ་དག་ཅི་བདག་ཅག་གིས་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་མ་མཐོང་ངམ། བདག་ཅག་གིས་ཁྱེད་ལ་ཕུལ་གྱི་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་
D6.010.0195b04.01རྟེན་ལ་ནི་བདག་ཅག་གིས་དང་པོ་ཉིད་དུ་ཕུལ་ལགས་སོ། །དགེ་སློང་དག་གིས་བླངས་ནས་གནས་ཁང་གི་སྒོར་བཞག་པ་དང་། བྲམ་ཟེ་དང་ཁྱིམ་བདག་དད་པ་ཅན་དག་གིས་མཐོང་ནས་དྲི་གཙང་ཁང་ཡིན་ནོ་སྙམ་སྟེ་ཞབས་ལ་གཏུགས་ནས། བཅོམ་ལྡན་འདས་ཀྱིས་
D6.010.0195b05.01བཀའ་སྩལ་པ། གནས་ཁང་གི་སྒོར་མི་གཞག་གི། འོན་ཀྱང་ནང་དུ་གཞག་པར་བྱའོ། །དགེ་སློང་དག་གིས་སྒོའི་དྲང་ཐད་དུ་བཞག་ནས་ཉེས་དམིགས་དེ་ཉིད་དུ་གྱུར་ཏེ། བཅོམ་ལྡན་འདས་ཀྱིས་བཀའ་སྩལ་པ། སྒོའི་དྲང་ཐད་དུ་གཞག་པར་མི་བྱའི་འོན་ཀྱང་དྲི་ཞིམ་
D6.010.0195b06.01པོ་ཐམས་ཅད་ནི་མིག་ལ་ཕན་པས་སྔས་ཀྱི་ཐད་ཀར་དྲིའི་ལག་རིས་བྱ་ཞིང་དེ་ནས་དུས་དུས་སུ་བསྣམ་པར་བྱའོ། །གཞན་དད་པ་ཅན་དག་གིས་དགེ་སློང་དག་ཁྱིམ་དུ་སྤྱན་དྲངས་ཏེ་མཆོད་སྟོན་གསོལ་ནས་དེ་རྣམས་དེ་དག་གི་རྐང་པ་ལ་དྲིའི་ལག་རིས་སྐུད་པ་དང་། དགེ་སློང་
D6.010.0195b07.01