完整藏文原文 · 德格版页 当前仅加载第 10 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིག་གནས་པ་དང་། ཉེ་གནས་རྣམས་ཀྱིས་བཀྲུ་བར་བྱའོ། །བཅོམ་ལྡན་འདས་ཀྱིས་ལྷག་མས་འབགས་པ་དག་ལྷན་ཅིག་གནས་པ་དང་། ཉེ་གནས་རྣམས་ཀྱིས་བཀྲུ་བར་བྱའོ་ཞེས་བཀའ་སྩལ་པ་དང་། དགེ་སློང་གཞན་དག་ཅིག་ལ་འཁོར་མེད་ནས་དེ་དག་བདག་ཉིད་
D6.010.0054a01.01འཁྲུ་བར་བྱེད་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་དག་ནི་སྡེར་སྤྱད་ཀྱི་ཞལ་ཏ་བ་དག་ཁོ་ནས་བཀྲུ་བར་བྱ་ཞིང་དེ་དག་གིས་ཀྱང་དེ་དག་ལ་སྦྱིན་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་
D6.010.0054a02.01སོ། །དྲུག་སྡེ་རྣམས་ལྷུང་བཟེད་ནག་པོ་གཅིག་ཏུ་ཅིག་ཆར་བཟའ་བར་བརྩམས་ནས་དེ་དྲུག་ཅར་གྱིས་མཉམ་དུ་ལག་པ་བཅུག་པ་དང་། ལྷུང་བཟེད་ལག་པ་ལ་ཐོགས་ཏེ་དེ་འཕྱང་བར་གྱུར་པ་དང་། དེ་དག་གིས་ཚེ་དང་ལྡན་པ་དག་ལྷུང་བཟེད་ནག་པོ་ཆོ་འཕྲུལ་བྱེད་པ་ལ་ལྟོས། དེ་དག་གིས་ལག་
D6.010.0054a03.01པ་དྲངས་ཏེ་ལྷུང་ནས་ཆག་པ་དང་། དེ་དག་གིས་རྟ་གད་ཀྱིས་བཏབ་པ་དགེ་སློང་རྣམས་ཀྱིས་མཐོང་སྟེ་དེ་དག་གིས་སྨྲས་པ། ཚེ་དང་ལྡན་པ་དག་འདི་ལྟ་བུ་མི་མཛེས་པ་བྱས་ནས་གནོང་སྟེ་འདུག་པར་བྱ་བ་ཡིན་ན། ཁྱེད་དགོད་པ་ལྟ། དེ་དག་གིས་སྨྲས་པ། ཅི་བྱས་ཆང་འཐུངས་སམ་ཀུན་
D6.010.0054a04.01དོང་ཟོས། དགེ་སློང་རྣམས་ཀྱིས་སྨྲས་པ་དང་། ཅི་དེ་ཡང་བྱེད་དམ། གཞན་ཅི་བྱས། ལྷུང་བཟེད་ནག་པོ་མ་བཅག་གམ། འདི་ལ་འགལ་བ་ཅི་ཞིག་ཡོད། ཅི་རྫ་མཁན་ཤིའམ། འཇིམ་པ་མེད་དམ། གཞན་བྱར་ཟད་མོད། དེ་དག་ཅང་མི་སྨྲ་བར་འདུག་པ་དང་། སྐབས་
D6.010.0054a05.01དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་གཅིག་ཏུ་ཟ་བ་ལས་གྱུར་གྱིས། དེ་ལྟ་བས་ན་དགེ་སློང་གིས་གཅིག་ཏུ་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །
D6.010.0054a06.01བཅོམ་ལྡན་འདས་ཀྱིས་དགེ་སློང་རྣམས་ཀྱིས་གཅིག་ཏུ་བཟའ་བར་མི་བྱའོ་ཞེས་བཀའ་སྩལ་པ་དང་། དགེ་སློང་དག་ཅིག་འགྲོན་པ་དང་། ཐབས་ཅིག་ཆས་པ་འགྲོན་པ་ཕྱོགས་གཅིག་ཏུ་ཟན་བཟའ་བར་བརྩམས་པ་ན་དགེ་སློང་དེ་དག་ཐམས་ཅད་ལ་སྡེར་སྤྱད་དག་མི་བདོག་སྟེ། དེ་དག་རེ་རེ་
D6.010.0054a07.01