完整藏文原文 · 德格版页 当前仅加载第 10 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་གང་གི་སླད་དུ་སྐྱེས་བུ་གཏི་མུག་འཕགས་སྐྱེས་པོས་སེར་སྐྱ་ན་གནས་པའི་ཤཱཀྱ་ནོངས་པ་ཡང་མ་མཆིས། གནོད་པ་བགྱིས་པ་ཡང་མ་མཆིས་པ་རྣམས་སྲོག་དང་ཕྲལ་བ་ནི་
D6.010.0094a01.01བསོད་ནམས་མ་ལགས་པ་མང་པོ་ཞིག་བསྐྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་དེ་དེ་བཞིན་ནོ། །དེ་དེ་བཞིན་ཏེ། གང་གི་ཕྱིར་སྐྱེས་བུ་གཏི་མུག་འཕགས་སྐྱེས་པོས་སེར་སྐྱ་ན་གནས་པའི་ཤཱཀྱ་ཉེས་པ་ཡང་མེད། གནོད་པ་བྱེད་པ་ཡང་མེད་པ་རྣམས་སྲོག་དང་ཕྲལ་བ་ནི་བསོད་
D6.010.0094a02.01ནམས་མ་ཡིན་པ་མང་པོ་ཞིག་བསྐྱེད་དོ། །དེ་ནས་བཅོམ་ལྡན་འདས་གཞན་མུ་སྟེགས་ཅན་ཀུན་དུ་རྒྱུ་རྣམས་ཀྱི་ཀུན་དགའ་ར་བ་ཕག་མོའི་གནས་ག་ལ་བ་དེར་གཤེགས་པ་དང་། དེ་ན་སེར་སྐྱ་ན་གནས་པའི་ཤཱཀྱ་ལྕགས་ཀྱི་ཤལ་བས་བཤལ་བ་ལས་སྲོག་གི་ལྷག་མ་ཅུང་ཟད་ལུས་པ་གང་དག་ཡིན་པ་
D6.010.0094a03.01དེ་དག་གིས་བཅོམ་ལྡན་འདས་མཐོང་ནས་སྐད་ངན་བཏོན་ཏོ། །དེ་ནས་བཅོམ་ལྡན་འདས་ཕྱོགས་གཅིག་ཏུ་གཤེགས་ནས་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སེར་སྐྱ་ན་གནས་པའི་ཤཱཀྱ་འདི་
D6.010.0094a04.01རྣམས་ཀྱི་འདི་དང་ལན་གསུམ་གྱི་བར་དུ་སྒྲ་ཆེན་པོ་ཕྱུང་སྟེ། སྔོན་ཉ་པ་བྱེད་པའི་ཚེ་ཉ་འདོད་པའི་ཕྱིར་གང་ཡིན་པ་དང་། ཆོམ་རྐུན་པ་བྱེད་པའི་ཚེ་གྲོང་འཇོམས་པའི་ཕྱིར་གང་ཡིན་པ་དང་། ད་ལྟར་སེར་སྐྱ་ན་གནས་པའི་ཤཱཀྱ་བྱེད་པའི་ཚེ་སྐྱེས་བུ་གཏི་མུག་འཕགས་སྐྱེས་པོས་སྲོག་གི་ལྷག་མ་ཅུང་
D6.010.0094a05.01ཟད་ཙམ་ལུས་པར་བྱས་ཏེ་འཆི་བ་ལ་མངོན་དུ་ཕྱོགས་པའི་ཚེ་གང་ཡིན་པའོ། །འདི་དག་ཐམས་ཅད་ཀྱི་བརྡོལ་བ་ལ་ནི་ཁྱད་པར་རམ། བསམ་པའམ། ཐ་དད་དུ་བྱ་བ་ཅུང་ཟད་ཀྱང་མེད་དེ་མཚུངས་སོ། །དགེ་སློང་དག་ཇི་སྙམ་དུ་སེམས། ཤན་པ་འདི་ལས་དེ་དང་བཟོ་དེ་དང་འཚོ་བ་དེས་གླང་པོ་
D6.010.0094a06.01ཆེ་ལ་ཞོན་ཏེ་འགྲོ་བའམ། རྟ་ལ་ཞོན་ཏེ་འགྲོ་བའམ། ཤིང་རྟར་ཞོན་ཏེ་འགྲོ་བའམ། དཔུང་བུ་ཆུང་དང་བཅས་ཏེ་འགྲོ་བའམ། ནོར་གྱི་ཕུང་པོ་རྒྱ་ཆེན་པོ་མང་པོ་གྲུབ་ནས་གནས་པ་ལྟ་ཅིག་ལ་མཐོང་ངམ། ཐོས་སམ། བཙུན་པ་མ་ལགས་སོ། །དགེ་སློང་དག་ལེགས་སོ་ལེགས་སོ། །
D6.010.0094a07.01