完整藏文原文 · 德格版页 当前仅加载第 10 函德格 212a 版页；藏文 NFD、目录标记与异常页序保留在来源切片中，重复版页行以稳定序号区分。
ཁབ་དང་། གྲི་དང་། གསེར་དང་། དབྱིག་ལ་སོགས་པ་ཡོ་བྱད་ཀྱི་ཁྱད་པར་དག་གིས་དགེ་སློང་མའི་དགེ་འདུན་ལ་དགག་དབྱེ་བྱས་ཏེ། རབ་ཏུ་དང་བ་དྲག་པོས་རྒན་པའི་མཐའ་ནས་རྐང་པ་ལ་ཕྱག་བྱས་ནས་སྨོན་ལམ་བཏབ་པ། བདག་གིས་སེམས་བསྐྱེད་
D6.010.0212a01.01དེ་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས་ཤེས་རབ་ཆེ་ཞིང་སྤོབས་པ་ཆེ་བ་དང་། ཐོས་པ་འཛིན་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། ཁྱིམ་བདག་གི་བུ་མོ་གང་ཡིན་པ་དེ་ནི་དགེ་སློང་མ་ཟླ་བ་འདི་ཉིད་ཡིན་ཏེ། འདིས་གང་ཡང་
D6.010.0212a02.01དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དགེ་སློང་མའི་དགེ་འདུན་ལ་ཁབ་དང་། གྲི་དང་། གསེར་དང་། དབྱིག་ལ་སོགས་པ་ཡོ་བྱད་ཀྱི་ཁྱད་པར་དག་གིས་དགག་དབྱེ་བྱས་ནས། བདག་གིས་སེམས་བསྐྱེད་ཅིང་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་
D6.010.0212a03.01རྩ་བ་འདིས་བདག་ཤེས་རབ་ཆེ་ཞིང་སྤོབས་པ་ཆེ་བ་དང་། ཐོས་པ་འཛིན་པར་གྱུར་ཅིག་ཅེས་སྨོན་ལམ་བཏབ་པོ། །དེའི་ལས་ཀྱི་རྣམ་པར་སྨིན་པས་ད་ལྟར་ཤེས་རབ་ཆེ་ཞིང་སྤོབས་པ་ཆེ་བ་དང་། ཐོས་པ་འཛིན་པར་གྱུར་ཏོ། །ཡང་བཅོམ་ལྡན་འདས་འོད་སྲུང་གི་གསུང་རབ་ལས་
D6.010.0212a04.01རབ་ཏུ་བྱུང་བར་གྱུར་ཏེ། དེས་དེ་ན་ཚེ་གཅིག་ཏུ་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་ཏོ། །མཁན་པོ་གང་ལས་རབ་ཏུ་བྱུང་བ་དེ་ནི་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཐོས་པ་འཛིན་པའི་མཆོག་ཏུ་བསྟན་
D6.010.0212a05.01ཏོ། །དེ་ན་འདིས་འདི་ལྟར་བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་གི་སྤྱན་སྔར་ཚེ་གཅིག་གི་བར་དུ་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་ཐོབ་པར་མ་གྱུར་གྱིས། བདག་དགེ་བའི་རྩ་བ་འདིས་གང་
D6.010.0212a06.01ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ་བྲམ་ཟེའི་ཁྱེའུ་ཁྱོད་སྐྱེ་དགུའི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་
D6.010.0212a07.01