完整藏文原文 · 德格版页 当前仅加载第 10 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དགའ་བོ་འདོད་ཆགས་ལྷག་པར་ཆེ་བ་འདི་ལ་ལྟུང་བ་མེད་དོ། །དེ་ལྟ་བས་ན་རྗེས་སུ་གནང་སྟེ་འདོད་ཆགས་ལྷག་པར་ཆེ་བར་གྱུར་པ་དེ་ལྟ་བུ་གང་དག་ཡིན་པ་དེ་དག་གིས་འཛག་སྣོད་
D6.010.0121b01.01བཅང་བར་བྱ་སྟེ། འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་འདོད་ཆགས་ལྷག་པར་ཆེ་བས་སྒྲེའུ་བཅང་བར་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཅིའི་པགས་པའི་སྒྲེའུ་བཅང་བར་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ར་དང་། {རི་དགས་,རི་དྭགས་}དང་། བྱི་བ་དང་
D6.010.0121b02.01གསུམ་གྱི་པགས་པའི་སྒྲེའུ་བཅང་བར་བྱའོ། །དེ་དག་གིས་དེ་བཞིན་བཞག་པས་དྲི་མི་ཞིམ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བཀྲུ་བར་བྱ། མཉེ་བར་བྱ། སྐམ་པར་བྱའོ། །དེ་དག་གིས་ཇི་སྲིད་བཀྲུས་ནས་སྐེམས་པར་བྱེད་པ་དེའི་བར་དུ་དེ་དག་བུད་མེད་མཐོང་ནས་ཁུ་བ་
D6.010.0121b03.01སྟོར་བས་ཤམ་ཐབས་དབྲ་དབྲེར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཉིས་བྱས་ལ་གཅིག་བསྐམ་པར་བྱ་ཞིང་གཅིག་གདགས་པར་བྱའོ། །ཁ་ཅིག་ཁུ་བ་ལྷག་པར་མང་དུ་བྱུང་བས་དེ་གཤེར་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེར་ཕྲུ་བླུགས་
D6.010.0121b04.01པར་བྱའོ། །དགེ་སློང་དག་གིས་སོ་ཕག་གི་བུར་མ་དག་བླུགས་པས་སྡུག་བསྔལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བྱེ་མའམ་སའི་ཕྲུ་བླུག་པར་བྱའོ། །དགེ་སློང་དག་དེ་བཏགས་བཞིན་དུ་ཟས་ཟ་བར་བྱེད་ཅིང་མཆོད་རྟེན་ལ་ཕྱག་འཚལ་བར་བྱེད་ནས། བཅོམ་ལྡན་འདས་
D6.010.0121b05.01ཀྱིས་བཀའ་སྩལ་པ། དེ་ཕྱོགས་དབེན་པ་ཞིག་ཏུ་བཞག་ལ་ཁྲུས་བྱས་ནས་ཟས་བཟའ་བ་དང་མཆོད་རྟེན་ལ་ཕྱག་དག་བྱའོ། །དེ་ནས་དུས་གཞན་ཞིག་ན་ཚེ་དང་ལྡན་པ་དགའ་བོ་ཕྱོགས་གཞན་ཞིག་ན་རྡོ་ལེབ་ལ་འདུག་པ་དང་། དེས་ཤིན་ཏུ་བཟང་མོ་དྲན་ནས་དེས་དེ་རྡོ་ལེབ་དེ་ལ་རི་ལུས་བྲི་བར་བརྩམས་
D6.010.0121b06.01པ་དང་། ཚེ་དང་ལྡན་པ་འོད་སྲུང་ཆེན་པོ་ཡང་དེར་འོངས་ཏེ་དེས་དེ་མཐོང་ནས་སྨྲས་པ། ཚེ་དང་ལྡན་པ་དགའ་བོ་ཁྱོད་ཅི་བྱེད། དེས་སྨྲས་པ། བཙུན་པ་འོད་སྲུང་ཆེན་པོ་བདག་ཤིན་ཏུ་བཟང་མོ་འདྲིའོ། །དེས་སྨྲས་པ། ཚེ་དང་ལྡན་པ་བཅོམ་ལྡན་འདས་ཀྱི་དགེ་སློང་གི་བྱ་བ་ནི་གཉིས་ཏེ། བསམ་གཏན་
D6.010.0121b07.01