完整藏文原文 · 德格版页 当前仅加载第 10 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
གོས་སུ་གྱིས་ལ་ང་ལ་ཕུལ་ཅིག །ཚེ་དང་ལྡན་པ་ཀུན་དགའ་བོས་དེ་བླངས་ནས་བླངས་པ་དེས་བཅོམ་ལྡན་འདས་ཀྱིས་ཆོས་གོས་གསུམ་ལངས་པ་བས་ལྷག་པར་མཐོང་ནས་དེས་དྲུབ་པར་བརྩམས་ན་དེ་ལས་བཅོམ་ལྡན་འདས་ཀྱི་ཆོས་གོས་གསུམ་དང་། ཚེ་དང་ལྡན་པ་ཀུན་དགའ་བོའི་སྟོད་
D6.010.0278a01.01གཡོགས་སུ་སྨད་གཡོགས་དང་བཅས་པ་དང་། སྒྲ་ཅན་ཟིན་གྱི་རྔུལ་ཟན་ཡང་ལངས་སོ། །དགའ་ལྡན་གྱི་གནས་ན་སངས་རྒྱས་ཀྱིས་གསུངས་པའི་དྲི་བ་འདི་སྐད་དུ། བདག་པོ་རྒྱལ་པོ་གང་ཞིག་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །གང་གིས་འདིར་ནི་ཆགས་
D6.010.0278a02.01ཞེས་བརྗོད། །བློ་ངན་ཇི་ལྟར་མྱ་ངན་བྱེད། །མཁས་པ་ཇི་ལྟར་དགའ་བར་འགྱུར། །གང་གིས་ལྡན་པ་ལས་བྲལ་ནས། །འདི་ན་གྲུབ་དང་བདེ་ཞེས་བརྗོད། །ཅེས་བྲིས་ཏེ། འདུག་པ་གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ་སུས་ཀྱང་གཟུང་བར་ཡང་མི་ནུས། དེ་དག་གི་དོན་
D6.010.0278a03.01སྨྲ་བར་ཡང་མི་ནུས་སོ། །གང་གི་ཚེ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བ་དེའི་ཚེ་ཡང་དྲི་བ་དེ་དག་གཟུང་བར་ནུས་ཀྱི་དེ་དག་གི་དོན་སྨྲ་བར་ནི་མི་ནུས་སོ། །རེ་ཞིག་ཅིག་ན་གནོད་སྦྱིན་གྱི་བདག་པོ་རྣམ་ཐོས་ཀྱི་བུ་བྱ་བ་ཞིག་གི་ཕྱིར་དགའ་ལྡན་གྱི་ལྷའི་ནང་དུ་སོང་བ་དང་། དེས་དྲི་བ་དྲིས་པ་དེ་དག་མཐོང་
D6.010.0278a04.01ངོ་། །དེ་ནས་ཡ་མཚན་སྐྱེས་ཏེ་དེ་བཟུང་ན་དོན་ཁོང་དུ་ཆུད་པར་མ་ནུས་ཏེ། དེས་དེ་དག་ཕོ་བྲང་ལྕང་ལོ་ཅན་དུ་ཁྱེར་ནས་སྤང་ལེབ་ལ་བྲིས་ཏེ་བཞག་གོ། །དེའི་ཚེ་རྡོ་འཇོག་ཅེས་བྱ་བ་ན་ཀླུའི་རྒྱལ་པོ་ཨེ་ལའི་འདབ་ཅེས་བྱ་བ་གནས་པ་དེ་ཡུན་རིང་པོ་ནས་བདག་གིས་ནམ་ཞིག་སངས་རྒྱས་བཅོམ་ལྡན་འདས་མཐོང་ཞེས་
D6.010.0278a05.01དེ་སྙམ་དུ་སྨོན་ཏོ། །དེའི་མཛའ་བོ་གནོད་སྦྱིན་གསེར་འོད་ཅེས་བྱ་བ་དེ་བྱ་བ་ཞིག་གི་ཕྱིར་གནོད་སྦྱིན་གྱི་བདག་པོ་རྣམ་ཐོས་ཀྱི་བུའི་ཕོ་བྲང་ལྕང་ལོ་ཅན་དུ་སོང་བ་དང་། དེས་དྲི་བ་དེ་དག་སྤང་ལེབ་ལ་བྲིས་པ་མཐོང་ནས་དེས་དེ་དག་བླངས་ཏེ་ཆུབ་པར་བྱས་ནས་དཔྱད་པར་བརྩམས་ན་དོན་ཁོང་དུ་མ་ཆུད་ནས་དེས་རྡོ་འཇོག་ཏུ་ཁྱེར་
D6.010.0278a06.01ཏེ་ཀླུའི་རྒྱལ་པོ་ཨེ་ལའི་འདབ་ལ་བྱིན་ནས་སྨྲས་པ། གྲོགས་པོ་དྲི་བ་འདི་དག་ནི་སངས་རྒྱས་ཀྱིས་གསུངས་པ་ཡིན་ན། འདི་དག་ནི་དོན་སུས་ཀྱང་མ་རྟོགས་ཀྱིས་ཁྱོད་ཀྱིས་འདི་དག་དང་གསེར་འབུམ་ཁྱེར་ལ་གྲོང་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར་དུ་བསྐོར་ཏེ་འདི་སྐད་ཅེས་གང་གིས་དྲི་བ་འདི་
D6.010.0278a07.01