完整藏文原文 · 德格版页 当前仅加载第 10 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
མའོ་ཁྱེད་ཀྱི་ཆབ་སྣོད་བཞག་ལ། དེ་ནས་དགེ་སྦྱོང་ངམ། བྲམ་ཟེ་དག་བླུད་ན་ཅི་ནོངས། ཁྱེད་བསོད་ནམས་ལ་མི་སྦྱོར་རམ། སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཆུ་སྣོད་གཞག་པར་བྱའོ། །བཅོམ་ལྡན་
D6.010.0108b01.01འདས་ཀྱིས་དགེ་འདུན་གྱི་ཆུ་སྣོད་གཞག་པར་བྱའོ་ཞེས་བཀའ་སྩལ་པ་དང་། ཁྱིམ་བདག་ཅིག་གིས་བཅོམ་ལྡན་འདས་ཀྱིས་དགེ་འདུན་གྱི་ཆུ་སྣོད་གཞག་པར་གནང་ངོ་ཞེས་ཐོས་ནས། དེས་རྫ་མཁན་གྱིས་བྱས་པའི་སྣོད་སྤྱད་གཙུག་ལག་ཁང་གི་ནང་དུ་སྤུངས་ཏེ། དེ་ལས་ཀུན་དགའ་ར་བ་པ་དང་།
D6.010.0108b02.01ཁྱིམ་པ་གཞན་དག་གིས་ཀྱང་གང་དང་གང་འདོད་པ་ཁྱེར་ནས་དོང་སྟེ། དགེ་སློང་རྣམས་ཀྱིས་མ་བཀག་པས་སྣོད་སྤྱད་དེ་དག་ཟད་ནས། དགེ་སློང་དག་གིས་ཁྱིམ་བདག་དེ་ལ་སྨྲས་པ། བཞིན་{བཟངས་,བཟང་}སྣོད་སྤྱད་དག་ཟད་ཀྱིས་གཞན་དག་བྱིན་ཅིག །དེས་སྨྲས་པ། འཕགས་པ་དག་བདག་གིས་མང་པོ་རབ་
D6.010.0108b03.01ཏུ་ཕུལ་ན་ཅིའི་སླད་དུ་རིང་པོར་མ་ཐོགས་པ་ཁོ་ནར་བས་པར་གྱུར། དེ་དག་གིས་ཇི་ལྟར་གྱུར་པ་བརྗོད་པ་དང་། དེས་སྨྲས་པ། འཕགས་པ་དག་ཡལ་བར་བོར་བ་གང་ལགས་པ་ནི་མ་ལེགས་པ་ཞིག་བགྱིས་ཏེ། དེ་དག་བདག་གིས་ཁྱིམ་པ་རྣམས་ལ་ནི་མ་སྩལ་ཏོ་ཞེས་ཟེར་བའི་སྐབས་དེ་དགེ་སློང་དག་
D6.010.0108b04.01གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་ཡལ་བར་དོར་བར་མི་བྱའོ། །འོན་ཀྱང་སྣོད་སྤྱད་འབྲུབ་པ་བསྐོ་བར་བྱའོ། །དགེ་སློང་རྣམས་ཀྱིས་བྱེ་བྲག་མེད་པར་བསྐོས་ནས། བཅོམ་ལྡན་འདས་ཀྱིས་བཀའ་སྩལ་པ། སྣོད་སྤྱད་འབྲུབ་པ་ཆོས་ལྔ་
D6.010.0108b05.01དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ་བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང་། ཞེ་སྡང་གིས་འགྲོ་བ་དང་། གཏི་མུག་གིས་འགྲོ་བ་དང་། འཇིགས་པས་འགྲོ་བ་དང་། སྣོད་སྤྱད་བྲུབས་པ་དང་། མ་བྲུབས་པ་མི་ཤེས་པའོ། །སྣོད་སྤྱད་འབྲུབ་པ་ཆོས་ལྔ་
D6.010.0108b06.01དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང་། ཞེ་སྡང་གིས་མི་འགྲོ་བ་དང་། གཏི་མུག་གིས་མི་འགྲོ་བ་དང་། འཇིགས་པས་མི་འགྲོ་བ་དང་། སྣོད་སྤྱད་བྲུབས་པ་དང་མ་བྲུབས་པ་ཤེས་པའོ། །བསྐོ་བ་ཡང་འདི་ལྟར་
D6.010.0108b07.01