完整藏文原文 · 德格版页 当前仅加载第 10 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་འབའ་ཞིག་གིས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ལིཙྪ་བཱི་ཆེན་པོས་ཚེ་དང་ལྡན་པ་གྱད་བུ་ནོར་ལ་
D6.010.0038a01.01ཡང་དག་པ་མ་ལགས་པས་སྐུར་ན། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་ལིཙྪ་བཱི་ཆེན་པོ་ལ་ལྷུང་བཟེད་ཁས་དབུབ་པར་བགྱིའོ། །འདི་ནི་གསོལ་བའོ། །དགེ་འདུན་གྱིས་གང་ལ་ལྷུང་བཟེད་ཁས་ཕུབ་པ་དེའི་ཁྱིམ་དུ་དགེ་སློང་དག་གིས་
D6.010.0038a02.01འགྲོ་བར་མི་བྱ། སྟན་ལ་ལོངས་སྤྱོད་པར་མི་བྱ། བསོད་སྙོམས་བླང་བར་མི་བྱ། ཆོས་བསྟན་པར་མི་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་ལིཙྪ་བཱི་ཆེན་པོ་ལ་འདི་སྐད་ཅེས། ཁྱོད་ལ་དགེ་འདུན་གྱིས་ལྷུང་བཟེད་ཁས་དབུབ་པ་མཛད་དོ་
D6.010.0038a03.01ཞེས་སྒོ་ཤིག །ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས་ལིཙྪ་བཱི་ཆེན་པོའི་ཁྱིམ་ག་ལ་བ་དེར་སོང་ངོ་། །དེའི་ཚེ་ལིཙྪ་བཱི་ཆེན་པོ་བྱ་བ་ཞིག་གི་ཆེད་དུ་ཕྱི་རོལ་དུ་སོང་ངོ་། །དེས་དེའི་ཆུང་མ་ལ་སྨྲས་པ། སྲིང་མོ་ལིཙྪ་བཱི་ཆེན་པོ་གར་སོང་། །དེས་སྨྲས་
D6.010.0038a04.01པ། འཕགས་པ་སླད་རོལ་དུ་མཆིས་སོ། །སྲིང་མོ་འདི་ལྟ་སྟེ། ཁྱེད་ལ་དགེ་འདུན་གྱིས་ལྷུང་བཟེད་ཁས་དབུབ་པ་མཛད་པ་ཤེས་པར་བྱོས་ཤིག །དེས་སྨྲས་པ། བཙུན་པ་ཀུན་དགའ་བོ་ལྷུང་བཟེད་ཁས་དབུབ་པ་ཞེས་བགྱི་བ་ཅི་ལགས། སྲིང་མོ་གང་ལ་ལྷུང་བཟེད་ཁས་དབུབ་པ་དེའི་ཁྱིམ་དུ་དགེ་སློང་དག་འདོང་
D6.010.0038a05.01བར་མི་བྱེད། སྟན་ལ་ལོངས་སྤྱོད་པར་མི་བྱེད། བསོད་སྙོམས་ལེན་པར་མི་བྱེད། ཆོས་སྟོན་པར་མི་བྱེད་དོ། །འཕགས་པ་ཀུན་དགའ་བོ་དགེ་འདུན་གྱིས་ཐབས་ཀྱིས་བདག་གི་ཚུལ་ཤིང་བོར་ཏེ་དགེ་འདུན་ལ་བདག་ཅག་གིས་ནོངས་པ་དེ་ལྟ་བུ་ཅི་ཞིག་བགྱིས་ན་དེའི་སླད་དུ་ལྷུང་བཟེད་ཁས་དབུབ་པ་མཛད། སྲིང་
D6.010.0038a06.01མོ་འདི་ལྟར་ཁྱོད་ཀྱི་ཁྱིམ་ཐབ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་བཙུན་པ་འདི་ལྟར་འཕགས་པ་གྱད་བུ་ནོར་གྱིས་བདག་གི་མཆིས་འབྲང་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ་ཞེས་གསོལ་ཏོ། །དེ་ངོ་ཚ་
D6.010.0038a07.01