完整藏文原文 · 德格版页 当前仅加载第 10 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་འཕགས་པའི་ཡང་དག་པར་དགའ་བས་ཡང་དག་པར་དགའ་བར་མཛད་དོ། །བཅོམ་ལྡན་འདས་ཀྱིས་ཆུ་བོ་སྙན་ལྡན་གྱི་འགྲམ་གྱི་དགེ་སློང་རྣམས་འཕགས་པའི་ཡང་དག་པའི་དགའ་བས་ཡང་དག་པར་དགའ་བར་མཛད་དོ། །ཞེས་ཀུན་དུ་སྒྲ་གྲགས་པ་ཉེན་ཀོར་ན་འཁོད་
D6.010.0167a01.01པའི་བྲམ་ཟེ་དང་ཁྱིམ་བདག་རྣམས་ཀྱིས་ཐོས་ནས། དེ་རྣམས་བལྟ་བའི་ཕྱིར་འོང་བ་དང་། དེ་དག་ཉེ་བར་འོངས་པ་དེ་རྣམས་ལ་ཆོས་སྟོན་པར་བྱེད་དོ། །དེ་དག་ལ་ཆོས་སྟོན་པ་ན་ཁ་ནས་དྲི་མི་ཞིམ་པ་བྱུང་ནས་དེ་དག་ཕན་ཚུན་དུ་བལྟས་ནས་དྲིས་པ། འཕགས་པ་དྲི་མི་ཞིམ་པ་འདི་སུ་ལས་
D6.010.0167a02.01བྱུང་། དེ་དག་གིས་སྨྲས་པ། ཚེ་དང་ལྡན་པ་དག་ཁོ་བོ་ཅག་གི་ཁ་ནས་བྱུང་ངོ་། །དེ་དག་གིས་སྨྲས་པ། འཕགས་པ་དག་ཅི་ཁྱེད་སོ་ཤིང་མི་འདོར་རམ། ཚེ་དང་ལྡན་པ་དག་མི་དོར་རོ། །འཕགས་པ་ཅིའི་སླད་དུ་ཚེ་དང་ལྡན་པ་དག་བཅོམ་ལྡན་འདས་ཀྱིས་མ་གནང་ངོ་། །འཕགས་
D6.010.0167a03.01པ་ཅི་ཁྱེད་སོ་ཤིང་མ་ཟོས་པས་ཡོངས་སུ་དག་པར་འགྱུར་རམ། དེ་དག་ཅང་མི་ཟེར་བར་འཁོད་དོ། །སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་ཁྱིམ་བདག་དག་གིས་ལེགས་པར་སྨྲས་སོ། །དེ་
D6.010.0167a04.01ལྟ་བས་ན་གནང་གིས་དགེ་སློང་གིས་སོ་ཤིང་དོར་བར་བྱའོ། །དེ་ཅིའི་ཕྱིར་ཞེ་ན། དགེ་སློང་དག་སོ་ཤིང་ལ་ཡོན་ཏན་ལྔ་སྟེ། ལྔ་གང་ཞེ་ན། མཁྲིས་པ་འདྲེན་པར་བྱེད། བད་ཀན་འདྲེན་པར་བྱེད། རླུང་འདྲེན་པར་བྱེད། ཁའི་དྲི་མི་ཞིམ་པ་སེལ་བར་བྱེད། ཡི་ག་འབྱེད་པར་བྱེད་ཅིང་དགེ་
D6.010.0167a05.01སློང་དག་སོ་ཤིང་ནི་མིག་ལ་ཕན་པ་ཡང་ཡིན་ནོ། །བཅོམ་ལྡན་འདས་ཀྱིས་སོ་ཤིང་དོར་བར་བྱའོ་ཞེས་གསུངས་པ་དང་། ཇི་ཙམ་ན་དགེ་སློང་གཞོན་ནུ་ཞིག་གིས་མི་དབེན་པར་འདུག་སྟེ། སོ་ཤིང་ཐུང་ངུ་ཞིག་དོར་བར་བརྩམས་པ་ན་བཅོམ་ལྡན་འདས་ཀྱང་ཕྱོགས་དེར་གཤེགས་སོ། །དེ་ནས་
D6.010.0167a06.01དགེ་སློང་དེས་བཅོམ་ལྡན་འདས་མཐོང་བ་དང་སྤ་གོང་བར་གྱུར་ནས་དེ་འདི་སྙམ་དུ་སེམས་ཏེ། བདག་གིས་བཅོམ་ལྡན་འདས་ཀྱི་སྤྱན་སྔར་ཁ་གདངས་ཏེ་སོ་ཤིང་བཟའ་བ་གང་ཡིན་པ་ནི་བདག་གི་ཆ་མ་ཡིན་ནོ་སྙམ་ནས་དེས་མིད་པ་དང་མགྲིན་པར་ཐོགས་སོ། །སངས་རྒྱས་བཅོམ་ལྡན་འདས་
D6.010.0167a07.01