完整藏文原文 · 德格版页 当前仅加载第 10 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་པའི་གོས་བགོ་བར་མི་བྱའོ། །དེ་ལྟ་བུའི་རྐྱེན་ཅིག་བྱུང་ན་སྟེང་དུ་གོས་ངུར་སྨྲིག་གིས་གཡོགས་ནས་བགོ་བར་བྱའོ། །དགེ་འདུན་གྱི་ཡང་དེ་བཞིན་དུ་གྱོན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ནི་འོག་ཏུ་གོས་བཅུག་ནས་སྟེང་ནས་གཡོགས་ཏེ་བགོ་བར་
D6.010.0068a01.01བྱའི་གཞན་དུ་ན་འགལ་ཚབས་ཅན་དུ་འགྱུར་རོ།། །།སྡོམ་ནི། གདུགས་དང་འཇིག་རྟེན་རྒྱང་འཕེན་དང་། །བསྡེབས་སྦྱར་དེ་བཞིན་ནགས་མེ་དང་། །གནས་མེད་པར་ནི་ལམ་དག་དང་། །ལ་བ་བགོས་པས་མི་འཆག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་
D6.010.0068a02.01མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་གོས་སྤྱོད་པ་ཞིག་འདུག་པ་དེ་གོས་བྱས་ཤིང་བྱས་ཤིང་འཚོང་བར་བྱེད་དོ། །དུས་གཞན་ཞིག་ན་དེས་གོས་མང་པོ་རྙེད་པར་གྱུར་ནས། དེས་བསམས་པ་ཐབས་ཇི་ལྟ་བུ་ཞིག་བྱས་ན་དེས་བསོད་ནམས་ཀྱང་འཐོབ་ཅིང་རྙེད་པ་ཡང་འགྲུབ་པར་འགྱུར་
D6.010.0068a03.01སྙམ་པ་དང་། དེ་དད་པ་ཅན་ཞིག་པས་དེའི་བློ་སྐྱེས་ཏེ་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ལ་གོས་ཀྱི་གདན་བཤམས་ཏེ་གདུགས་ཚོད་གསོལ་ལོ། །དེ་ལྟར་བྱས་ན་གོས་ཀྱང་ཡོངས་སུ་སྤྱད་པར་འགྱུར་ལ། གོས་ཡོངས་སུ་ལོངས་སྤྱད་པ་དང་། ཞལ་ཟས་ཡོངས་སུ་ལོངས་སྤྱད་
D6.010.0068a04.01པས་བསོད་ནམས་ཆེན་པོ་ཡང་འཐོབ་པར་འགྱུར་རོ་སྙམ་དུ་རིག་ནས། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་རང་གི་ཁྱིམ་དུ་གདུགས་ཚོད་ལ་སྤྱན་དྲངས་ནས་ཞལ་ཟས་གཙང་ཞིང་བསོད་པ་བཤམས་ཏེ་གདན་དག་གི་སྟེང་དུ་གོས་བཏིང་ངོ་། །དེ་ནས་གདམ་བཤམས་ཟིན་པ་དང་། བཅོམ་
D6.010.0068a05.01ལྡན་འདས་སྤྱན་འདྲེན་གྱིས་སྤྱན་དྲངས་ན་དགེ་སློང་གི་དགེ་འདུན་ནི་གཤེགས། བཅོམ་ལྡན་འདས་ནི་གཙུག་ལག་ཁང་ན་བཞུགས་ཤིང་བསོད་སྙོམས་དྲངས་སོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་རྣམ་པ་ལྔས་གཙུག་ལག་ཁང་ན་བཞུགས་ཤིང་བསོད་སྙོམས་འདྲེན་ཏེ། ལྔ་གང་ཞེ་ན།
D6.010.0068a06.01ནང་དུ་ཡང་དག་འཇོག་བཞེད་པར་གྱུར་པ་དང་། ལྷ་རྣམས་ལ་ཆོས་སྟོན་བཞེད་པར་གྱུར་པ་དང་། ནད་པ་གཟིགས་བཞེད་པར་གྱུར་པ་དང་། གནས་མལ་གཟིགས་བཞེད་པར་གྱུར་པ་དང་། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པའོ། །དོན་འདི་ལ་ནི་སངས་རྒྱས་བཅོམ་
D6.010.0068a07.01