完整藏文原文 · 德格版页 当前仅加载第 10 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྨྲས་པ། འཚོ་བྱེད་བཟའ་ཡིས་བྱིན་ཅིག །དེ་སྐྱུ་རུ་ར་ཕྱེད་ཟོས་ཏེ། སེན་མོའི་བར་ཕྱེ་མས་བཀང་བའི་སེན་མོས་བཅད་པའི་ཕྱེད་བྱིན་ནོ། །དེས་དེ་ཟོས་པ་དང་དེ་མཛེ་ཅན་ཞིག་པས་ཡན་མན་གཉི་གར་འཁྲུས་སོ། །དེས་དེ་རི་འོར་ཞིག་ཏུ་བཞག་ནས་རི་འོར་པ་དེ་དག་ལ་བསྒོ་བ། ཤེས་ལྡན་དག་རྒྱལ་པོ་
D6.010.0277b01.01གཏུམ་པོ་རབ་སྣང་གི་ཡན་ལག་གི་མཆོག་གསུམ་ནི་གླང་པོ་འདམ་བུའི་རི་དང་། གླང་པོ་ཆེ་མོ་བཟང་ལྡན་དང་། འཕར་མ་པ་ཁྭ་འདི་ཡིན་ན་འདི་ན་སྟེ་འདི་དཔྱད་འདིས་རིམ་གྲོ་གྱིས་དང་སོས་པར་འགྱུར་རོ། །གཞན་དུ་ན་རྒྱལ་པོས་ཁྱེད་ཅག་ངེས་པར་ཕུང་བར་བྱེད་དོ་ཞེས་སྨྲས་ནས་སོང་ངོ་། །དེ་དག་གིས་དེའི་
D6.010.0277b02.01རིམ་གྲོ་བྱས་པ་དང་སོས་པར་གྱུར་ནས་སོང་ངོ་། །རྒྱལ་པོ་ཡང་སྨན་པའི་ཁྱེའུ་དེས་ཇི་ལྟར་བསྟན་པའི་དཔྱད་ཀྱིས་རིམ་གྲོ་བྱས་པས་དེ་ཡང་སོས་པར་གྱུར་ཏོ། །འཕར་མ་པ་ཁྭ་ཡང་རིམ་གྱིས་རྒྱལ་པོའི་དྲུང་དུ་ཕྱིན་པ་དང་། རྒྱལ་པོས་དྲིས་པ་ཁྭ་འཚོ་བྱེད་དེ་ག་རེ་ལྷ་བྲོས་ལགས་སོ། །ཁྭ་གལ་ཏེ་བྲོས་ན་མ་
D6.010.0277b03.01ལེགས་པ་ཞིག་བྱས་སོ། །ལྷ་ཅི་སྟེ་ཁུགས་པར་གྱུར་ན་དེ་ལ་ལྷས་ཅི་ཞིག་བགྱིས་པར་འགྱུར། ཁྭ་ངས་དེའི་མགོ་དྲུངས་ནས་གཅད་དེ་ས་ལ་བོར་བར་འགྱུར་རོ། །ལྷ་སྨན་པའི་རྒྱལ་པོ་གང་གིས་ལྷ་དང་བདག་ཀྱང་སོས་པར་བགྱིས་པ་དེ་ལྟ་བུ་དགུམ་པ་དེ་ནི་རིགས་པ་མ་ལགས་སོ། །ཁྭ་གལ་ཏེ་དེ་ལྟ་ན་དེ་ལ་ཅི་
D6.010.0277b04.01ཞིག་བྱ། ལྷ་རྔན་པ་རྒྱ་ཆེར་སྩལ་མོད། ལེགས་ཀྱིས་དེ་བཞིན་དུ་བྱའོ། །དེས་དེ་ལ་ཡི་གེ་སྤྲིང་སྟེ། སྨན་པའི་རྒྱལ་པོ་འཚོ་བྱེད་ཁྱོད་ཅི་སྟེ་བྲོས། ཁྱོད་རྔན་པ་སྦྱིན་གྱིས་ཚུར་ཤོག་རྔན་པ་ལོང་ཤིག །འཚོ་བྱེད་ཀྱིས་དེ་ལ་སྤྲིང་པ། ལྷ་ཁྱོད་ཀྱི་བཀའ་དྲིན་ལ་བདག་གི་ཁྱིམ་ན་ནོར་ཙམ་མཆིས་སོ། །འོན་
D6.010.0277b05.01ཀྱང་གལ་ཏེ་ལྷས་བདག་ལ་ཐུགས་དཔག་མཛད་ན་སྨན་པའི་ཁྱེའུ་གང་གིས་ལྷའི་རིམ་གྲོ་བགྱིས་པ་དེ་ལ་བྱ་དགའ་སྩལ་བའི་རིགས་སོ། །རྒྱལ་པོས་ཁྱེའུ་དེ་ལ་རྔན་པ་མང་དུ་བྱིན་ནོ། །འཚོ་བྱེད་ལ་ཡང་བརྒྱ་སྟོང་རི་བའི་རས་ཡུག་ཆེན་གྱི་གོས་བསྐུར་བ་དང་། འཚོ་བྱེད་ཀྱིས་བསམས་པ། གོས་འདི་ནི་
D6.010.0277b06.01རྒྱལ་པོ་ལ་འོས་པ་ཡིན་ཏེ། སུ་ལ་སྦྱིན་སྙམ་ན་དེས་བཅོམ་ལྡན་འདས་ནི་ཆོས་ཉིད་ཀྱིས་བདག་གི་ཕ་ཡིན་པས་འདི་ལ་དབུལ་ལོ་སྙམ་དུ་བསམས་ནས་དེས་དེ་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་འདི་ཆོས་
D6.010.0277b07.01