完整藏文原文 · 德格版页 当前仅加载第 10 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་ནས། དེས་དགེ་སློང་རྣམས་ལ་དྲིས་པ། འཕགས་པ་དག་འདི་ན་དགེ་སློང་དུ་ཞིག་གནས། དེ་དག་གིས་སྨྲས་པ། བྲམ་ཟེ་མ་ཤེས་སོ། །བྲམ་ཟེས་སྨྲས་པ། ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་ཁྲོམ་གྱི་རུའི་གྲངས་ཀྱང་ཤེས་ན་ཁྱེད་ཀྱིས་དགེ་སློང་དག་མི་ཤེས་
D6.010.0256b01.01པ་ལྟ། དེ་དག་ཅང་མི་སྨྲ་བར་འདུག་པ་དང་། བྲམ་ཟེ་དེ་སོང་ངོ་། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བགྲང་བར་བྱའོ། །བཅོམ་ལྡན་འདས་ཀྱིས་དགེ་སློང་དག་བགྲང་བར་བྱའོ་ཞེས་
D6.010.0256b02.01བཀའ་སྩལ་པ་དང་། དགེ་སློང་དག་གིས་གཅིག་ཅེས་བྱ་བ་ལ་སོགས་པས་བགྲངས་བ་དང་། ཕྱིས་བརྗེད་ནས་བཅོམ་ལྡན་འདས་ཀྱིས་བཀའ་སྩལ་པ། གཅིག་ཅེས་བྱ་བ་ལ་སོགས་པས་བགྲང་བར་མི་བྱའོ། དགེ་སློང་དག་གིས་སོར་མོས་འཛུགས་ཤིང་བགྲངས་ན་འོན་
D6.010.0256b03.01ཀྱང་བརྗེད་ནས། བཅོམ་ལྡན་འདས་ཀྱིས་བཀའ་སྩལ་པ། སོར་མོས་གཟུགས་ཤིང་བགྲང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་དག་གིས་གཅིག་ཅེས་བྱ་བ་ལ་སོགས་པས་བགྲང་བར་མི་བྱ། སོར་མོས་བཙུགས་ཤིང་བགྲང་བར་མི་བྱའོ་ཞེས་བཀའ་སྩལ་
D6.010.0256b04.01པ་དང་། དགེ་སློང་དག་གིས་ཇི་ལྟར་བགྲང་བ་མ་ཤེས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཚུལ་ཤིང་བྲིམ་པར་བྱ་ཞིང་བྲིམས་ནས་བགྲང་བར་བྱ། བགྲངས་ནས་དགེ་འདུན་ལ་དགེ་སློང་
D6.010.0256b05.01འདི་སྙེད་དོ་ཞེས་བརྗོད་པར་བྱའོ། །བཅོམ་ལྡན་འདས་ཀྱིས་ཚུལ་ཤིང་བྲིམ་པར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཉི་མའམ་ཟླ་བའམ། ལོ་གང་ལ་བྲིམ་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དབྱར་ཉེ་བར་གཏོང་བའི་ཚེ་ཚུལ་ཤིང་བྲིམ་པར་
D6.010.0256b06.01བྱའོ། །བཅོམ་ལྡན་འདས་ཀྱིས་དགེ་སློང་དག་བགྲང་བར་བྱའོ་ཞེས་བཀའ་སྩལ་པ་དང་། མཉན་ཡོད་ན་ཁྱིམ་བདག་ཅིག་གནས་པ་དེ་དུས་དུས་སུ་རྒྱལ་བྱེད་ཀྱི་ཚལ་དུ་ཉེ་བར་འོངས་ཏེ། དེས་དེ་ན་དགེ་སློང་དག་བསམ་གཏན་དང་། འདོན་པ་དང་། ཡིད་ལ་བྱེད་པའི་རྣལ་
D6.010.0256b07.01