完整藏文原文 · 德格版页 当前仅加载第 10 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བཅད་དེ་སྨྲས་པ། རྒྱལ་ཆེན་བདག་ནི་ཁྱོད་ཀྱི་སྲས། །བལྟ་བར་འཚལ་ནས་མཆིས་ལགས་ཏེ། །འཇིག་རྟེན་གཙོ་བོ་རྣམ་འདྲེན་པ། །ཐུབ་པ་དེ་ནི་བལྟ་འཚལ་ལོ། །རྒྱལ་པོ་ཟས་གཙང་གིས་སྨྲས་པ། དྲང་སྲོང་ཆེན་པོ་གཞོན་ནུ་གཉིད་ལོག་གོ། །
D6.010.0268a01.01དེས་སྨྲས་པ། མནལ་བཞིན་བལྟ་བར་བྱའོ། །རྒྱལ་པོ་ཟས་གཙང་གིས་སྨྲས་པ། དྲང་སྲོང་ཆེན་པོ་ལེགས་ཀྱིས་དེ་བཞིན་དུ་མཛོད་ལ་གཟིགས་ཤིག །དེས་སོང་ནས་བྱང་ཆུབ་སེམས་དཔའ་མིག་མི་འཛུམས་པར་གཟུགས་རྣམས་ལ་གཟིགས་པ་མཐོང་ངོ་། །མཐོང་
D6.010.0268a02.01ནས་ཀྱང་ཚིགས་སུ་བཅད་དེ་སྨྲས་པ། རིགས་ཀྱི་རྟ་པོ་རྣམ་དག་ནི། །ནམ་གྱི་གུང་ལ་ཉལ་བ་ལྟར། །དགོས་པ་དོན་དུ་གཉེར་རྣམས་ཀྱི། །མིག་ལ་ཡུན་རིང་གཉིད་མི་གནས། །ཞེས་སྨྲས་ནས་སྨྲས་པ། ལྷ་ཅི་གཞོན་ནུ་བྲམ་ཟེ་རྣམས་དང་། མཚན་མཁན་རྣམས་
D6.010.0268a03.01དང་། སྐར་མཁན་རྣམས་ལ་བསྟན་ཏམ། དེས་སྨྲས་པ། དྲང་སྲོང་ཆེན་པོ་བསྟན་ཏོ། །ལྷ་དེ་དག་གིས་ཅི་ཞིག་ཏུ་ལུང་བསྟན། རྒྱལ་པོ་ཟས་གཙང་གིས་སྨྲས་པ། འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་མཆིའོ། །དེས་བྱང་ཆུབ་སེམས་དཔའ་ལ་ཡན་མན་
D6.010.0268a04.01བརྟག་པར་བརྩམས་པ་དང་། ཇི་ཙམ་ན་བྱང་ཆུབ་སེམས་དཔའ་ལ་སངས་རྒྱས་ཀྱི་མཚན་རྣམས་མཐོང་ནས། དུས་ཅི་ཙམ་གྱིས་བདུད་རྩི་ཐོབ་པར་འགྱུར་ཞེས་བསམས་པ་ལ་ཞུགས་ནས་དེས་ལོ་ཉི་ཤུ་རྩ་དགུ་ལོན་པ་དང་ཁྱིམ་ནས་བྱུང་སྟེ་ལོ་དྲུག་ཏུ་དཀའ་བ་སྤྱད་ནས་བདུད་རྩི་
D6.010.0268a05.01ཐོབ་པར་འགྱུར་བར་མཐོང་ངོ་། །དེ་ན་བདག་ཉིད་ཀྱི་རྒྱུད་བསམ་པ་ལ་ཞུགས་པ་དང་། བར་སྐབས་སུ་འཆི་བར་མཐོང་ནས་འདོད་པ་ན་སྤྱོད་པའི་སྲེད་པ་བྱུང་ནས་དེ་མིག་མཆི་མས་གང་བཞིན་ཚིགས་སུ་བཅད་དེ་སྨྲས་པ། ས་བདག་རྟོག་གེ་རྣམས་ཀྱི་བློ་གྲོས་འཁྲུལ། །དུས་ཀྱི་
D6.010.0268a06.01མཐར་ནི་འཁོར་ལོས་སྒྱུར་མི་འབྱུང་། །བསོད་ནམས་མཆོག་ཅན་འདི་ནི་ཆོས་ཀྱི་མཛོད། །ཉེས་པ་རྣམས་ལས་རྒྱལ་ཏེ་སངས་རྒྱས་འགྱུར། །མི་ཡི་དབང་པོ་མཚན་གསལ་མིན་རྣམས་ཀྱིས། །གླིང་བཞི་རྣམས་ཀྱི་བདག་པོའི་དབང་ཕྱུག་འགྱུར། །ཤིན་ཏུ་མཚན་
D6.010.0268a07.01