完整藏文原文 · 德格版页 当前仅加载第 10 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་ནི་འདི་ཡིན་ནོ་སྙམ་དུ་རིག་ནས། དགེ་སྐོས་ལ་སྨྲས་པ། འཕགས་པ་ཁྱོད་ཀྱིས་ཇི་ལྟར་ས་ལ་ཆག་ཆག་བཏབ་སྟེ་ཕྱགས་ནས་རིམ་བཞིན་གདིང་བར་བྱ་བ་འདི་ཙམ་ཡང་མི་མཁྱེན་ཏམ། དེ་བས་ཀྱང་ཁྱོད་ཀྱིས་བདག་གི་གོས་དྲི་མ་ཅན་དུ་བྱས་སོ། །སྐབས་
D6.010.0160a01.01དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ས་ལ་ཆག་ཆག་བཏབ་སྟེ་ཕྱགས་ནས་རིམ་བཞིན་གདིང་བར་བྱའོ། །དགེ་སྐོས་ཀྱིས་རྡུལ་གྱིས་གང་བའི་སྟན་ལ་མལ་སྟན་དག་བཏིང་བ་དང་། ཉེས་དམིགས་
D6.010.0160a02.01དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་རྣམས་སྤྲུགས་ལ་མལ་སྟན་དག་གདིང་བར་བྱའོ། །ཅི་ཡིས་སྤྲུག་པ་དགེ་སྐོས་ཀྱིས་མི་ཤེས་ནས། བཅོམ་ལྡན་འདས་ཀྱིས་དེ་ལས་གོས་གཅིག་གིས་སྤྲུག་པར་བྱའོ་ཞེས་གསུངས་པ་དང་། དེས་
D6.010.0160a03.01བཟང་པོས་སྤྲུགས་ནས། བཅོམ་ལྡན་འདས་ཀྱིས་བཀའ་སྩལ་པ། ངན་པས་སྤྲུག་པར་བྱའོ། །དགེ་སྐོས་ཀྱིས་ངན་པས་སྤྲུགས་པ་དང་། གང་གི་ཚེ་དེ་རྙིངས་ཤིང་ཞིགས་ནས་བཅོས་སུ་མི་རུང་བ་དེའི་ཚེ་བོར་བ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་
D6.010.0160a04.01ཉིད་ཚལ་བུ་དང་ཤར་བུ་དག་ཏུ་གྱིས་ལ་ཤིང་ལ་བཅིངས་ཏེ་སྤྲུག་པར་བྱའོ། །དེ་ཤིན་ཏུ་སྤྱད་པར་མི་རུང་སྟེ་བོར་ནས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་སྤྱད་པར་མི་རུང་ཡང་མ་དོར་བར་ལྕི་བའམ། འཇིམ་པ་དང་བསྲེས་ལ་ཀ་བའི་སེར་ག་འམ། རྩིག་
D6.010.0160a05.01པའི་བུ་ག་དག་ཏུ་སྐུས་ཤིག་དང་། སྦྱིན་བདག་གི་བསོད་ནམས་ཡུན་རིང་དུ་འཕེལ་བར་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་དུས་དེའི་ཚེ་དགེ་སློང་གཞོན་ནུ་
D6.010.0160a06.01ཞིག་ཕྱོགས་ཤིག་ན་འཆག་པ་དང་། དེ་འཆག་པའི་ས་ཕྱོགས་དེ་རྐང་པས་དྲུད་པས་ཟད་དོ། །ཇི་ཙམ་ན་ཁྱིམ་བདག་ཅིག་དེ་དང་དེ་དག་ཏུ་འཁྱམ་ཞིང་ཕྱོགས་དེར་འོངས་པ་དང་། དེས་བསམས་པ། རེ་ཞིག་ཡང་གནས་སྐབས་འདི་ལྟ་བུར་གྱུར་ན་འཕགས་པ་འདིའི་
D6.010.0160a07.01