完整藏文原文 · 德格版页 当前仅加载第 10 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ས་ལ་འདོར་བར་བྱེད་དོ། །དེ་གཉིད་མེད་པས་ནམ་གྱི་ཐུན་དང་པོ་ལ་ནི་བཙུན་མོའི་འཁོར་དང་ལྷན་ཅིག་དགའ་བའི་རྩེད་མོ་ཉམས་སུ་མྱོང་བར་བྱེད་དོ། །གཉིས་པ་ལ་ནི་གླང་པོ་ཆེ་དང་། རྟ་དག་ལ་བལྟའོ། །གསུམ་པ་ལ་ནི་འབངས་མེལ་ཚེ་བ་རྣམས་ལ་ད་ལྟར་མེལ་ཙེ་
D6.010.0271a01.01སུ་བྱེད་ཅེས་འདྲི་ཞིང་། དེ་གང་ཞིག་ཚིག་དང་པོ་ལ་ནི་ལན་མི་གློན་པ་དེ་ལ་ཡང་བཟོད་དོ། །གཉིས་པ་ལ་ལན་མི་གློན་པ་དེ་ལ་ཡང་བཟོད་དེ། གང་ཞིག་གསུམ་པ་ལ་ལན་མི་གློན་པ་དེའི་ནི་མགོ་དྲུངས་ནས་བཅད་ནས་ས་ལ་འདོར་བར་བྱེད་པས་དེའི་མིང་རྒྱལ་པོ་རབ་སྣང་རྒྱལ་པོ་རབ་སྣང་ཞེས་
D6.010.0271a02.01བྱ་བ་གང་ཡིན་པ་དེ་ནུབ་ནས་མིང་གཏུམ་པོ་རབ་སྣང་གཏུམ་པོ་རབ་སྣང་ཞེས་བྱ་བར་ཆགས་སོ། །དེས་དུས་གཞན་ཞིག་ན་བཙུན་མོའི་འཁོར་རྣམས་ལ་སྨྲས་པ། བུད་མེད་དག་ང་ནི་མེལ་ཙེ་བྱེད་ན་ཁྱེད་ཅིའི་ཕྱིར་མེལ་ཙེ་མི་བྱེད། དེ་དག་གིས་སྨྲས་པ། ལྷ་བདག་ཅག་ཀྱང་ཞུགས་ཚེ་བགྱིད་དོ། །
D6.010.0271a03.01དེ་དག་གིས་མེལ་ཙེ་ཅུང་ཟད་ཅིག་བྱས་ནས་སྨྲས་པ། ལྷ་གལ་ཏེ་བདག་ཅག་གིས་རྟག་ཏུ་ཞུགས་ཚེ་བགྱི་ན་ལྷའི་ཐུགས་བསྲུང་བར་བགྱི་བའི་རྔོ་མི་ཐོག་གི་སྟེང་དུ་འདི་ནི་བདག་ཅག་གི་སུག་ལས་མ་ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན་འོ་ན་འདི་སུའི་ལས་ཡིན། དེ་
D6.010.0271a04.01དག་གིས་སྨྲས་པ། ལྷ་གཞོན་ནུ་རྣམས་ཀྱི་ལགས་སོ། །དེས་དེ་དག་བཏང་ནས་གཞོན་ནུ་རྣམས་ཀྱི་དྲུང་དུ་སོང་སྟེ་སྨྲས་པ། གཞོན་ནུ་དག་ང་ཡང་མེལ་ཙེ་བྱེད་ན་ཁྱེད་ཅིའི་ཕྱིར་མེལ་ཙེ་མི་བྱེད། དེ་དག་གིས་སྨྲས་པ། ལྷ་བདག་ཅག་ཀྱང་ཞུགས་ཚེ་བགྱིད་དོ། །དེ་དག་གིས་ཀྱང་མེལ་
D6.010.0271a05.01ཙེ་ཅུང་ཟད་ཅིག་བྱས་ནས་སྨྲས་པ། ལྷ་གལ་ཏེ་བདག་ཅག་གིས་རྟག་ཏུ་ཞུགས་ཚེ་བགྱི་ན། རྒྱལ་པོའི་བྱ་བ་གང་དག་ལགས་པ་ཞེས་བྱ་བ་ནས། གནས་ལྔ་ལ་ཞེས་བྱ་བའི་བར་སྔ་མ་བཞིན་ཏེ། བྱང་བར་བགྱི་བའི་རྔོ་མི་ཐོག་གི་སྟེང་དུ་འདི་ནི་བདག་ཅག་གི་སུག་ལས་མ་
D6.010.0271a06.01ལགས་སོ། །དེས་སྨྲས་པ། གལ་ཏེ་འདི་ཁྱེད་ཀྱི་ལས་མ་ཡིན་ན་འོ་ན་སུའི་ལས་ཡིན། དེ་དག་གིས་སྨྲས་པ། ལྷ་བློན་པོ་རྣམས་ཀྱི་ལགས་སོ། །དེས་དེ་དག་བཏང་ནས་བློན་པོ་རྣམས་ལ་སྨྲས་པ། ཤེས་ལྡན་དག་ང་ཡང་མེལ་ཙེ་བྱེད་ན་ཁྱེད་ཅིའི་ཕྱིར་མེལ་ཙེ་མི་བྱེད།
D6.010.0271a07.01