完整藏文原文 · 德格版页 当前仅加载第 10 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གི་བསོད་སྙོམས་ཀྱི་ཡོ་བྱད་སྦྱར་ནུས་སམ་ཞེས་དྲི་བར་བྱ་སྟེ། གལ་ཏེ་དེ་དག་སྦྱོར་ན་དེ་ལྟ་ན་ལེགས། ཅི་སྟེ་མི་སྦྱོར་ན་ལོ་ལྔའི་བར་དུ་བསོད་སྙོམས་བྱ་ཞིང་འདུག་པར་བྱའོ། །ལོ་ལྔ་འདས་ནས་གལ་ཏེ་གཙུག་ལག་ཁང་གི་བདག་པོ་སླར་བཏང་ན་དེ་ལྟ་ན་ལེགས། ཇི་སྟེ་མ་བཏང་ན་
D6.010.0230b01.01གསོལ་བ་དང་གཉིས་ཀྱི་ལས་བྱས་ནས་གཙུག་ལག་ཁང་དེའི་ཉེན་ཀོར་གྱི་གཙུག་ལག་ཁང་དག་ཡོངས་སུ་སྐྱོང་བར་བྱེད་པ་རྣམས་དང་། རྙེད་པ་ཐུན་མོང་དང་གསོ་སྦྱོང་ཐ་དད་པ་དག་གིས་ལོ་གཞན་ལྔའི་བར་དུ་འདུག་པར་བྱའོ། །ལས་ནི་འདི་ལྟར་བྱ་སྟེ། ཉེན་ཀོར་གྱི་གཙུག་ལག་ཁང་
D6.010.0230b02.01དག་ཏུ་གནས་མལ་བཤམས་ཏེ། གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུས་ཤིང་འཁོད་པ་དང་། དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གཙུག་
D6.010.0230b03.01ལག་ཁང་ཆེ་གེ་མོ་ཞིག་གི་བདག་པོ་རྒྱལ་པོས་བཟུང་སྟེ། གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། དགེ་འདུན་གྱིས་གཙུག་ལག་ཁང་དེ་གཙུག་ལག་ཁང་འདི་དག་དང་རྙེད་པ་ཐུན་མོང་དང་གསོ་སྦྱོང་ཐ་དད་པར་བགྱིའོ། །འདི་ནི་
D6.010.0230b04.01གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གཙུག་ལག་ཁང་ཆེ་གེ་མོ་ཞིག་གི་བདག་པོ་རྒྱལ་པོས་བཟུང་སྟེ། དེའི་སླད་དུ་དགེ་འདུན་གྱིས་གཙུག་ལག་ཁང་དེ་གཙུག་ལག་ཁང་འདི་དག་དང་རྙེད་པ་ཐུན་མོང་དང་གསོ་སྦྱོང་ཐ་དད་པར་མཛད་
D6.010.0230b05.01ན། ཚེ་དང་ལྡན་པ་གང་དག་གཙུག་ལག་ཁང་དེ་གཙུག་ལག་ཁང་འདི་དག་དང་རྙེད་པ་ཐུན་མོང་དང་གསོ་སྦྱོང་ཐ་དད་པར་མཛད་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་གཙུག་ལག་ཁང་ཆེ་གེ་
D6.010.0230b06.01མོ་ཞིག་རྙེད་པ་ཐུན་མོང་དང་གསོ་སྦྱོང་ཐ་དད་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གལ་ཏེ་རྣམ་པ་དེས་ལོ་བཅུའི་བར་དུ་གནས་པ་རྣམས་ལ་གཙུག་ལག་ཁང་གི་བདག་པོ་འོངས་ན་དེ་ལྟ་ན་ལེགས། ཇི་སྟེ་མ་འོངས་ན་ཉེན་ཀོར་གྱི་གཙུག་ལག་ཁང་དག་ཏུ་
D6.010.0230b07.01