完整藏文原文 · 德格版页 当前仅加载第 10 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་གི་ནང་དུ་མཐོན་པོ་ཞིག་ཏུ་བཞག་ནས་ནང་མི་དང་བཅས། མཛའ་བོ་དང་། ཉེ་དུ་དང་། ཕུ་ནུ་དང་བཅས་ཏེ། མར་མེ་དང་། བདུག་པ་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པ་རྣམས་ཀྱིས་མཆོད་པ་བྱ་བར་བརྩམས་སོ། །མཉན་
D6.010.0245b01.01ཡོད་ན་གནས་པའི་སྐྱེ་བོའི་ཚོགས་ཀྱིས་ཇི་ལྟར་འཕགས་པ་ཤཱ་རིའི་བུ་ཡུལ་མ་ག་དྷཱའི་གྲོང་ན་ལ་དར་ཡོངས་སུ་མྱ་ངན་ལས་འདས་པ་དེའི་རིང་བསྲེལ་དག་འཕགས་པ་ཀུན་དགའ་བོས་བླངས་ནས། ཁྱིམ་བདག་མགོན་མེད་ཟས་སྦྱིན་ལ་བྱིན་ཏེ། དེས་དེ་དག་ཁྱིམ་དུ་
D6.010.0245b02.01བཞག་ནས་ནང་མི་དང་བཅས། མཛའ་བོ་དང་། གཉེན་དང་། ཕུ་ནུ་དང་བཅས་ཏེ། མར་མེ་དང་། བདུག་པ་དང་། མེ་ཏོག་དང་། དྲི་དང་། ཕྲེང་བ་དང་། བྱུག་པ་དག་གིས་མཆོད་པ་ཐོས་སོ། །དེ་བཞིན་དུ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཀྱང་
D6.010.0245b03.01ཐོས་ནས། བཙུན་མོ་ཕྲེང་ལྡན་མ་དང་། རྒྱལ་རིགས་དབྱར་ཚུལ་མ་དང་། དྲང་སྲོང་བྱིན་དང་། རྙིང་པ་དག་དང་། {རི་དགས་,རི་དྭགས་}འཛིན་གྱི་མ་ས་ག་དང་། གཞན་ཡང་དད་པ་ཅན་མང་པོ་དག་དང་། ལྷན་ཅིག་དེ་དག་ཐམས་ཅད་མཆོད་པའི་ཡོ་བྱད་དག་ཁྱེར་ཏེ། ཁྱིམ་བདག་
D6.010.0245b04.01མགོན་མེད་ཟས་སྦྱིན་གྱི་ཁྱིམ་དུ་དོང་ནས། དེ་རྣམས་ཀྱིས་མཆོད་པའི་ཡོ་བྱད་དག་གིས་མཆོད་པར་བརྩམས་པ་ལས་དེར་ཁ་ཅིག་གིས་ཡོན་ཏན་གྱི་ཚོགས་དག་ཐོབ་བོ། །ཇི་ཙམ་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་རི་འོར་ཞིག་ཏུ་བྱ་བ་ཅུང་ཟད་ཞིག་བྱུང་ནས་དེས་དེར་
D6.010.0245b05.01སྒོ་བཅད་ནས་སོང་ངོ་། །སྐྱེ་བོ་ཕལ་པོ་ཆེ་དག་དེ་བཞིན་དུ་འོངས་པ་དང་། ཇི་ཙམ་ན་སྒོ་བཅད་པ་མཐོང་ནས་ཁྱིམ་བདག་མགོན་མེད་ཟས་སྦྱིན་གྱིས་སྒོ་བཅད་དེ་སོང་བས་དེས་བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་དེ་དག་འཕྱ་བར་བྱེད། གཞོགས་འཕྱས་བྱེད། སྨོད་པར་བྱེད་
D6.010.0245b06.01དོ། །དེ་ནས་ཁྱིམ་བདག་མགོན་མེད་ཟས་སྦྱིན་རི་འོར་དེ་ནས་འོངས་པ་དང་། དེའི་ནང་མིས་སྨྲས་པ། ཁྱིམ་བདག་སྐྱེ་བོའི་ཚོགས་ཆེན་པོ་མཆོད་པའི་ཡོ་བྱད་ཐོགས་ཏེ་འོངས་པ་ལས་སྒོ་བཅད་པ་མཐོང་ནས། དེས་བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་འཕྱ་བར་བྱེད། གཞོགས་འཕྱས་བྱེད།
D6.010.0245b07.01