完整藏文原文 · 德格版页 当前仅加载第 10 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ན་ཀོ་ས་ལའི་རྒྱལ་རིགས་སྦྲུལ་གྱིས་བལྟས་པ་བཞིན་དུ་རབས་འཆད་པར་འགྱུར་རོ། །འཕགས་སྐྱེས་པོ་ཡང་མ་ལ་གནོད་དང་བཅས་ཏེ་མེས་ཚིག་བཞིན་སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་རོ་ཞེས་གསུང་ངོ་། །འཕགས་སྐྱེས་པོས་ཐོས་ནས་ལག་པ་འགྲམ་པ་ལ་
D6.010.0099a01.01གཏད་ནས་སེམས་ཁོང་དུ་ཆུད་དེ་འདུག་གོ། །མ་ལ་གནོད་ཀྱིས་སྨྲས་པ། ལྷ་ཁྱོད་ཅིའི་ཕྱིར་ཕྱག་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། མ་ལ་གནོད་འདི་ལྟར་བཅོམ་ལྡན་འདས་འདི་སྐད་ཅེས་ཞག་བདུན་ན་འཕགས་སྐྱེས་པོ་མ་ལ་གནོད་དང་བཅས་ཏེ་མེས་ཚིག་
D6.010.0099a02.01བཞིན་སེམས་ཅན་དམྱལ་བ་ཆེན་པོ་མནར་མེད་པར་ལྟུང་བར་འགྱུར་རོ་ཞེས་གསུང་ན། ད་ཇི་ལྟར་སེམས་ཁོང་དུ་ཆུད་ཅིང་མི་འདུག །དེས་སྨྲས་པ། ལྷ་གང་ཞིག་བྲམ་ཟེ་འོངས་པ་ལ་འཚལ་མ་མི་སྩོལ་བ་དེ་ཡང་ཕུང་བ་བརྒྱ་སྟོང་དུ་སེམས་ན། ལྷས་དགེ་སྦྱོང་གཽ་ཏ་མའི་གཉེན་བཤེས་དེ་སྙེད་ཅིག་
D6.010.0099a03.01བཀུམ་པ་ལྟ་སྨོས་ཀྱང་ཅི་འཚལ། དེ་དེ་སྐད་གསུང་ཡང་རུང་། གཞན་གསུང་ཡང་རུང་སྟེ། འོན་ཀྱང་ལྷས་སྐྱེད་མོས་ཚལ་དུ་ཆབ་ཀྱི་ནང་དུ་ཁང་{བཟངས་,བཟང་}ཀ་བ་གཅིག་པ་ཞིག་བགྱིད་དུ་སྩལ་ཏེ། ལྷ་དེར་གཤེགས་ནས་དགུང་བདུན་དུ་བཞུགས་ལ་དགུང་བདུན་འདས་པ་དང་། སླར་མཉན་
D6.010.0099a04.01ཡོད་དུ་གཤེགས་པར་མཛོད་ཅིག །དེས་སྨྲས་པ། དེ་ལྟར་བྱས་འགྲོའོ་ཞེས་དེ་བཙུན་མོའི་འཁོར་དང་བཅས་ཏེ་དེར་སོང་ནས་འདུག་གོ། །ཉིན་ཞག་གཅིག་ཐལ་བ་དང་། མ་ལ་གནོད་ཀྱིས་སྨྲས་པ། ལྷ་དགུང་ཞག་བདུན་ལས་གཅིག་ནི་ཐལ་ལགས། ལྷག་མ་དགུང་ཞག་དྲུག་མཆིས་
D6.010.0099a05.01ཏེ། དགུང་ཞག་དྲུག་འདས་ནས་མཉན་ཡོད་དུ་གཤེགས་པར་མཛད་དོ་ཞེས་བྱ་བ་ནས། ཉིན་ཞག་གཉིས་དང་གསུམ་ནས་བདུན་པ་ལ་ལྷ་དེང་ཁོ་ན་ལ་མཉན་ཡོད་དུ་གཤེགས་པར་མཛད་དོ་ཞེས་བྱ་བའི་བར་དེ་བཞིན་དུ་བྱས་སོ། །དེ་ན་ཡུལ་ངན་ཞིག་ཀྱང་བྱུང་བར་གྱུར་ཏོ། །བུད་མེད་ནི་རྒྱན་ལ་དགའ་བ་ཡིན་
D6.010.0099a06.01པས་བཙུན་མོའི་འཁོར་རྣམས་ཀྱིས་སྨྲས་པ། ཕུ་ནུ་མོ་དག་བདག་ཅག་དེང་མཉན་ཡོད་དུ་འདོང་དགོས་པས་རྒྱན་ཐོགས་པར་བྱའོ་ཞེས་དེ་རྣམས་ཀྱིས་རྒྱན་ཐོགས་པར་བརྩམས་སོ། །དེ་ན་བཙུན་མོའི་འཁོར་ཞིག་གིས་སྔས་ནང་ཚངས་ཅན་གྱི་སྟེང་དུ་ནོར་བུ་མེ་ཤེལ་བཞག་ནས་རྒྱན་ཐོགས་པར་བརྩམས་
D6.010.0099a07.01