完整藏文原文 · 德格版页 当前仅加载第 10 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་ནི་བདེན་ན། གསལ་བ་ནི་མེའི་མིང་ཡིན་པས་སེམས་ཅན་སྐལ་བ་ཆུང་ངུ་དེ་བཙས་མ་ཐག་ཁོ་ནར་ཁྱིམ་མེས་ཚིག་པར་འགྱུར་རོ། །ལྷ་དང་མིའི་དཔལ་ཉམས་སུ་མྱོང་བར་འགྱུར་རོ། །ཞེས་ཟེར་བ་གང་ཡིན་པ་དེ་ནི་{བརྫུན་,རྫུན་}ཏེ། ཁྱིམ་བདག་
D6.010.0013a01.01ཁྱོད་ཀྱིས་མིར་གྱུར་པ་ལ་ལྷ་དང་མིའི་དཔལ་ཉམས་སུ་མྱོང་བར་གྱུར་པ་འགའ་ཡོད་པ་ལྟ་མཐོང་ངམ། ངའི་བསྟན་པ་ལ་རབ་ཏུ་འབྱུང་ངོ་ཞེས་ཟེར་བ་དེ་བདེན་ཏེ། གང་གི་ཚེ་འདི་བཟའ་བ་ཡང་མེད། བགོ་བ་ཡང་མེད་པ་དེའི་ཚེ་གདོན་མི་ཟ་བར་དགེ་སྦྱོང་གཽ་ཏ་མའི་ཐད་དུ་རབ་ཏུ་
D6.010.0013a02.01བྱུང་བར་འགྱུར་རོ། །ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ་ཞེས་ཟེར་བ་གང་ཡིན་པ་དེ་ནི་{བརྫུན་,རྫུན་}ཏེ། རེ་ཞིག་དགེ་སྦྱོང་གཽ་ཏ་མ་ལ་ཡང་ཉོན་མོངས་པ་ཐམས་ཅད་སྤངས་པའི་དགྲ་བཅོམ་པ་ཉིད་མེད་ན། དེའི་ཉན་ཐོས་ལ་ལྟ་སྨོས་ཀྱང་
D6.010.0013a03.01ཅི་དགོས། ཁྱིམ་བདག་ཤིན་ཏུ་བཟང་པོ་མི་དགའ་བར་གྱུར་ནས་སྨྲས་པ། འཕགས་པ་འདི་ལ་བདག་གིས་ཇི་ལྟར་བསྒྲུབ་པར་བགྱི། གཅེར་བུ་པས་སྨྲས་པ། ཁྱིམ་བདག་བདག་ཅག་ནི་རབ་ཏུ་བྱུང་བ་སྟེ། བསླབ་པ་བླངས་པ་ཡིན་པས་ཁྱོད་ཉིད་ཤེས་སོ་ཞེས་སྨྲས་ནས་སོང་ངོ་། །
D6.010.0013a04.01ཤིན་ཏུ་བཟང་པོས་བསམས་པ་འདི་ཡང་དོར་རོ་སྙམ་ནས་སྨན་མ་ཡིན་པ་སྦྱིན་པར་བརྩམས་པ་དང་། སེམས་ཅན་དེ་སྲིད་པ་ཐ་མ་པ་ཞིག་པས་སྨན་མ་ཡིན་པ་དེ་ཡང་དེ་ལ་སྨན་དུ་གྱུར་ཏོ། །དེས་དེའི་དཀུ་གཡོན་པ་མཉེ་བར་བརྩམས་པ་དང་། མངལ་ན་འདུག་པ་དེ་དཀུ་གཡས་
D6.010.0013a05.01པར་སོང་ངོ་། །ཤིན་ཏུ་བཟང་པོས་དཀུ་གཡས་པ་མཉེ་བར་བརྩམས་པ་དང་། དེ་དཀུ་གཡོན་པར་སོང་སྟེ། སྲིད་པ་ཐ་མ་པའི་སེམས་ཅན་ཟག་པ་ཟད་པ་མ་ཐོབ་ཀྱི་བར་དུ་བར་མ་དོར་རྒྱུན་ཆད་ཅིང་དུས་བྱེད་པར་འགྱུར་བ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དོ། །ཁྱིམ་
D6.010.0013a06.01བདག་ཤིན་ཏུ་བཟང་པོའི་ཆུང་མ་དེ་དཀུ་མཉེས་པས་ངུ་བར་བརྩམས་པ་དང་། ཁྱིམ་ཚེས་དག་གིས་ཐོས་ནས་རིངས་པ་རིངས་པར་སོང་སྟེ་དྲིས་པ། ཤེས་ལྡན་ཁྱིམ་བདག་གི་ཆུང་མ་འདི་ཅི་སྟེ་ངུ་། ཤིན་ཏུ་བཟང་པོས་སྨྲས་པ། གདོན་མི་ཟ་བར་འདི་བུ་བཙའ་བའི་དུས་ལ་བབ་པོ་
D6.010.0013a07.01