完整藏文原文 · 德格版页 当前仅加载第 10 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་གཟིགས་ཀྱིས་དེ་ལྟ་བུའི་ཆོས་བཤད་དོ། །དེས་དེ་ཐོས་ནས་དེ་བཞིན་གཤེགས་པ་རྣམ་པར་གཟིགས་ལ་དད་པ་རྙེད་པ་དང་ལྡན་ཏེ། སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་
D6.010.0154b01.01ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་ཏེ་བདག་གི་སྡུམ་པར་ཁྲུས་ཁང་གི་ཁྲུས་མཛད་པར་ཅི་གནང་། བཅོམ་ལྡན་
D6.010.0154b02.01འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ཅང་མི་གསུང་བས་གནང་ངོ་། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ཅང་མི་གསུང་བས་གནང་བར་རིག་ནས་བཤད་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་
D6.010.0154b03.01ཞབས་ལ་མགོ་བོས་ཕྱག་འཚལ་ཏེ། སྟན་ལས་ལངས་ནས་སོང་སྟེ་རྒྱལ་པོ་གཉེན་ལྡན་ག་ལ་བ་དེར་སོང་ངོ་། །སོང་ནས་རྒྱལ་པོ་གཉེན་ལྡན་གྱི་རྐང་པ་ལ་མགོ་བོས་ཕྱག་འཚལ་ཏེ་རྒྱལ་པོ་གཉེན་ལྡན་ལ་འདི་སྐད་ཅེས་སྨྲས་སོ། །ལྷ་བདག་གིས་ཡང་དག་པར་རྫོགས་པའི་སངས་
D6.010.0154b04.01རྒྱས་རྣམ་པར་གཟིགས་ཉན་ཐོས་ཀྱི་དགེ་འདུན་དང་བཅས་ཏེ་བདག་གི་སྡུམ་པར་ཁྲུས་ཁང་གི་ཁྲུས་མཛད་པར་སྤྱན་དྲང་བ་ལས་དེས་ཅང་མི་གསུང་བས་གནང་སྟེ། དེ་ནི་བཀུར་སྟི་བགྱི་བར་འོས་པ་ལགས་པས་ལྷ་དེའི་སླད་དུ་དེ་གྲོང་ཁྱེར་དུ་གཤེགས་པའི་གྲོང་ཁྱེར་དུ་མཛེས་
D6.010.0154b05.01པར་བགྱི་བ་དང་། ཤུལ་མཛེས་པར་བགྱི་བའི་རིགས་སོ། །རྒྱལ་པོ་གཉེན་ལྡན་གྱིས་བསམས་པ། གལ་ཏེ་དེ་ལྟ་ན་བདག་གིས་བཅོམ་ལྡན་འདས་གྲོང་ཁྱེར་དུ་གཤེགས་པའི་གྲོང་ཁྱེར་མཛེས་པ་དང་། ལམ་མཛེས་པར་བྱ་ན། ཅི་བཅོམ་ལྡན་འདས་ཀྱིས་གདུལ་དཀའ་
D6.010.0154b06.01བ་གང་ཡིན་པ་འདི་ཡང་བཏུལ་བ་ལྟ་སྙམ་དུ་རིག་ནས་སྨྲས་པ། ནུ་བོ་ལེགས་པ་བྱས་ཀྱིས་ཁྱོད་སོང་ལ་རྫས་དག་སྟ་གོན་གྱིས་ཤིག །ངས་ནི་གྲོང་ཁྱེར་མཛེས་པ་དང་། ལམ་མཛེས་པ་བྱའོ། །དེ་དགའ་བ་དང་རབ་ཏུ་དགའ་བ་སྐྱེས་ནས་རྒྱལ་པོ་གཉེན་ལྡན་གྱི་རྐང་
D6.010.0154b07.01