完整藏文原文 · 德格版页 当前仅加载第 10 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱས་པ་དང་། དེ་དེ་དག་དོང་ངོ་། །ཤིན་ཏུ་བཟང་པོས་བསམས་པ། བདག་གིས་འདི་འདིར་གསད་མི་ནུས་ཀྱིས། དགོན་པར་བཀྲིའོ་སྙམ་ནས། དེས་དེ་དགོན་པར་ཁྲིད་ནས་ཅི་ནས་འཆི་བར་འགྱུར་བ་དེ་ལྟ་དེ་ལྟར་བརྩལ་ནས་དེས་དེ་སྦས་ཏེ་ཁྱིམ་དུ་ཁྱེར་ནས་
D6.010.0013b01.01མཛའ་བོ་དང་། ཉེ་དུ་དང་། ཕུ་ནུ་དང་། ཁྱིམ་ཚེས་རྣམས་ལ་སྨྲས་པ། ཤེས་ལྡན་དག་ཁོ་བོའི་ཆུང་མ་ཤིའོ། །དེ་དག་གིས་ངུ་བར་བརྩམས་ནས་དེ་དག་ངུ་ཞིང་དེ་གོས་སྔོན་པོ་དང་། སེར་པོ་དང་། དམར་པོ་དང་། དཀར་པོ་རྣམས་ཀྱིས་ཁྱོགས་བརྒྱན་ནས་བསིལ་བ་ཚལ་
D6.010.0013b02.01གྱི་དུར་ཁྲོད་དུ་ཁྱེར་རོ། །གཅེར་བུ་པ་དག་གིས་ཐོས་ནས་དེ་དག་དགའ་མགུ་རངས་ནས་གདུགས་དང་། རྒྱལ་མཚན་དང་། བ་དན་དག་བསྒྲེང་སྟེ་རྒྱལ་པོའི་ཁབ་ཀྱི་གྲོང་ཁྱེར་གྱི་ལམ་པོ་ཆེ་དང་། སྲང་དང་བཞི་མདོ་དང་། སུམ་མདོ་དག་ཏུ་རྒྱུ་ཞིང་སྨྲས་པ། ཤེས་ལྡན་དག་ཉོན་ཅིག །
D6.010.0013b03.01དགེ་སྦྱོང་གཽ་ཏ་མས་ཁྱིམ་བདག་ཤིན་ཏུ་བཟང་པོའི་ཆུང་མ་བུ་ཕོར་བཙའ་བར་འགྱུར་ཞིང་། རིགས་གསལ་བར་བྱེད་པར་འགྱུར། ལྷ་དང་མིའི་དཔལ་ཉམས་སུ་མྱོང་བར་འགྱུར། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་
D6.010.0013b04.01བྱེད་པར་འགྱུར་རོ་ཞེས་ལུང་བསྟན་པ་དེ་ནི་ཤི་ནས་བསིལ་བ་ཚལ་གྱི་དུར་ཁྲོད་དུ་ཁྱེར་རོ། །རེ་ཞིག་ཤིང་གང་ལ་རྩ་བ་ཉིད་ཀྱང་མེད་པ་དེ་ལ་ཡལ་ག་དང་འདབ་མ་དང་། ལོ་མ་འབྱུང་བར་ལྟ་ག་ལ་འགྱུར། སྐབས་འདི་ལྟ་བུ་ལ་སངས་རྒྱས་བཅོམ་ལྡན་འདས་རྣམས་མི་མཁྱེན་པ་འམ།
D6.010.0013b05.01མི་གཟིགས་པ་འམ། མི་རིག་པ་འམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་སྟེ། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ། གཅིག་ཏུ་དཔའ་བ། ཟླ་མེད་པ་གཉིས་སུ་མི་གསུང་བ། ཞི་གནས་
D6.010.0013b06.01དང་ལྷག་མཐོང་གིས་གནས་པ། བསླབ་པ་གསུམ་ལ་ལེགས་པར་བསླབས་པ། འདུལ་བའི་གཞི་གསུམ་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིའི་ཞབས་ཀྱི་མཐིལ་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་
D6.010.0013b07.01