完整藏文原文 · 德格版页 当前仅加载第 10 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། དེ་དག་ཅང་མི་སྨྲ་བར་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་རྒྱན་ཐོགས་པ་ལས་གྱུར་གྱིས་དེ་ལྟ་བས་ན་དགེ་སློང་གིས་རྒྱན་སྤེལ་མ་དང་། འཕྱང་
D6.010.0100a01.01ཕྲུལ་ཅན་དང་། ཟླ་གམ་ཅན་དང་། གསེར་སྐུད་དང་། རྒྱན་སྣ་ཚོགས་ཅི་ཡང་རུང་བ་ཡང་ཐོགས་པར་མི་བྱ་སྟེ། ཐོགས་ན་འགལ་ཚབས་ཅན་དུ་འགྱུར་རོ།། །།སྡོམ་ནི། བླངས་པ་དང་ནི་བསླབ་པ་དང་། །དུ་བའི་རི་ལུ་སྨན་གཅེའུ་བཅས། །ལྷུང་བཟེད་སྣོད་དང་ཟུ་ང་དང་། །མར་དཀར་འབྲུ་མར་
D6.010.0100a02.01བྱུག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲགས་ཞིག་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་
D6.010.0100a03.01བྱེད་དོ། །དུས་གཞན་ཞིག་ན་དེ་ཉེ་དུ་རྣམས་ཀྱང་ཟད་པར་གྱུར། ནོར་ཡང་ཟད། ལོངས་སྤྱོད་ཀྱང་ཟད་ནས། དེས་བསམས་པ། ད་ནི་བདག་རྒས་པས་ནོར་བསྒྲུབ་པར་བྱ་ཡང་མི་ནུས། བདག་ལ་ལོངས་སྤྱོད་དག་ཀྱང་མེད། བདག་གི་ཉེ་དུ་རྣམས་ཀྱང་དུས་ལས་འདས་པས། སོང་ལ་རབ་ཏུ་
D6.010.0100a04.01འབྱུང་ངོ་སྙམ་དུ་རིག་ནས་དེས་ཆུང་མ་ལ་སྨྲས་པ། བཟང་མོ་ད་ནི་ང་རྒས་པས་ནོར་བསྒྲུབ་པར་བྱ་ཡང་མི་ནུས། ང་ལ་ལོངས་སྤྱོད་དག་ཀྱང་མེད། ངའི་ཉེ་དུ་རྣམས་ཀྱང་དུས་ལས་འདས་པས་ཁྱོད་ལ་དྲིས་ཏེ་སོང་ལ་རབ་ཏུ་འབྱུང་ངོ་། །ཁྱིམ་བདག་དེ་དྲང་བོ་ཞིག་ན་དེ་ནི་གཡོས་ཀུན་དུ་སྤྱོད་ཅིང་རྟག་ཏུ་སྐྱེས་པ་
D6.010.0100a05.01གཞན་དག་ལ་ལྟ་བ་ཞིག་པས་དེས་སྨྲས་པ། རྗེའི་སྲས་དེ་བཞིན་དུ་མཛོད་ཅིག །འོན་ཀྱང་དུས་དུས་སུ་ལྟར་སྤྱོན་ཅིག །དེས་དེ་བཞིན་བྱའོ་ཞེས་དམ་བཅས་ནས་རྒྱལ་བུ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་ཞིག་གི་དྲུང་དུ་ཕྱིན་ནས་སྨྲས་པ། འཕགས་པ་རབ་ཏུ་འབྱུང་བར་འཚལ་ལོ། །དེས་སྨྲས་
D6.010.0100a06.01པ། བཞིན་{བཟངས་,བཟང་}ཁྱོད་འཇིགས་པ་མེད་པར་སྤོབས་པ་དགེ་སྟེ་ལེགས་སོ། །བཅོམ་ལྡན་འདས་ཀྱིས་ཀྱང་ཕན་ཡོན་ལྔ་ཡང་དག་པར་མཐོང་བའི་མཁས་པས་ནི་རབ་ཏུ་འབྱུང་བར་མོས་པར་བྱ་བ་ཉིད་དུ་འོས་ཏེ། ལྔ་གང་ཞེ་ན། བདག་གིས་རང་གི་དོན་མ་འདྲེས་པ་ཐོབ་པར་འགྱུར་བར་ཡང་དག་པར་
D6.010.0100a07.01