完整藏文原文 · 德格版页 当前仅加载第 10 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་གཟོ་བ་དང་བྱས་པ་ཚོར་བར་བྱ་ཞིང་བྱས་པ་ཆུང་ངུ་ཡང་ཆུད་གཟན་པར་མི་བྱ་ན། ཆེན་པོ་ལྟ་སྨོས་ཀྱང་ཅི་དགོས་ཞེས་བཀའ་སྩལ་ཏོ། །སྔོན་གྱི་ཆུང་མ་མཐོང་ངམ། མཐོང་ལགས་སོ། །དེ་ཁམས་བདེའམ། ཁམས་བདེ་ལགས་སོ། །རྒན་ཞུགས་དེ་ནི་གོ་ན་འཁར་གསིལ་གྱི་རྩ་བ་ལ་འཕྱང་
D6.010.0102a01.01བའོ་ནི་ཅི་ཡིན། སློབ་དཔོན་དེ་ཤུལ་རྒྱགས་ཀྱི་ཟོང་དུ་ཀཱར་ཥཱ་ཎ་དག་ཅིག་སྩལ་བ་ལགས་སོ། །རྒན་ཞུགས་ཁྱོད་ལྟ་བསོད་ནམས་བྱས་པ་ཞིག་སྟེ། སྔོན་གྱི་ཆུང་མ་ཡང་མཐོང་ལ། རྙེད་པ་ཡང་གྲུབ་བོ། །སློབ་དཔོན་ཁྱོད་ཀྱི་བཀའ་དྲིན་ལགས་སོ། །དེས་བསམས་པ། འདི་ལས་གཞན་ཡང་འབྱུང་
D6.010.0102a02.01གིས། རེ་ཞིག་འདི་ལ་དྲི་བར་བྱའོ་སྙམ་ནས། དེས་དེ་ལ་ཚིག་འཇམ་པོ་བརྗོད་པའི་ཚུལ་གྱིས་ཐམས་ཅད་དྲིས་པ་དང་། རྒན་ཞུགས་དེ་དྲང་པོའི་རང་བཞིན་ཅན་ཞིག་པས་དེས་ཇི་ལྟར་གྱུར་པ་བསྙད་དོ། །དེས་སྨྲས་པ། རྒན་ཞུགས་དེ་ཐམས་ཅད་མཁན་པོ་ལ་སྨྲོས་ཤིག་དང་། ཁྱོད་ཀྱི་མཁན་པོ་ཡིད་
D6.010.0102a03.01དགའ་བར་འགྱུར་རོ། །དེ་དེ་ལྟར་བསླུས་པས་ཇི་ལྟར་གྱུར་པ་མཁན་པོ་ལ་བསྙད་པ་དང་། དེས་ཀྱང་དགེ་སློང་རྣམས་ལ་བསྙད། དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྐྱེས་བུ་གཏི་མུག་འདི་སྦྱོར་བ་ཉམས་ཀྱི་
D6.010.0102a04.01བསམ་པ་ནི་མ་ཉམས་སོ། །འདི་ཕས་ཕམ་པ་བྱུང་སྟེ། དེ་ལྟ་བས་ན་གནང་གིས་རབ་ཏུ་བྱུང་མ་ཐག་ཏུ་ཕས་ཕམ་པར་གྱུར་པའི་ཆོས་བཞི་རྒྱས་པར་ཤོད་ཅིག་དང་། ཉེས་པ་འདིར་མི་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D6.010.0102a05.01ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་དགའ་བ་ཅན་ཞེས་བྱ་བ་ཞིག་གནས་པ་དེ་རྟག་ཏུ་དགོན་པ་ནགས་མཐའི་གནས་མལ་དག་ན་བསམ་གཏན་བྱེད་པ་ཞིག་པས། དེའི་མིང་བསམ་གཏན་པ་དགའ་བ་ཅན་ཞེས་བྱ་བར་ཆགས་སོ། །དེ་གང་གི་ཚེ་སྐྱིལ་མོ་ཀྲུང་བཅས་ནས་བསམ་
D6.010.0102a06.01གཏན་བྱེད་པ་དེའི་ཚེ་བདུད་ཀྱི་རིས་ཀྱི་ལྷ་དག་གིས་གཙེས་སོ། །དེ་དུས་གཞན་ཞིག་ན་སྐྱིལ་མོ་ཀྲུང་བཅས་ཏེ་འདུག་པ་དང་། བདུད་ཀྱི་རིས་ཀྱི་ལྷ་མོ་ཞིག་གིས་དེའི་སྐྱིལ་མོ་ཀྲུང་གི་སྟེང་དུ་འདུག་པ་དང་། བུད་མེད་ནི་རེག་པའི་དུག་ཡིན་པས་དེས་དེ་དང་ལྷན་ཅིག་ལོག་པར་སྤྱད་དོ། །ལོག་པར་སྤྱད་མ་ཐག་ཏུ་ཟུག་
D6.010.0102a07.01