完整藏文原文 · 德格版页 当前仅加载第 10 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་སོ་ཞེས་བྱས་པ་དང་། དེ་བཙུན་མོའི་འཁོར་དང་། གཞོན་ནུ་དང་། བློན་པོས་བསྐོར་ནས་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་གདུགས་ཚོད་སྦྱར་བ་ལ་རྗེས་སུ་ཡི་རང་བར་བྱ་བའི་ཕྱིར་འོངས་ཏེ་རྒན་རིམས་བཞིན་དུ་ཕྱག་བྱས་ནས་འདུག་གོ། །དེ་ནས་
D6.010.0180a01.01ཚེ་དང་ལྡན་པ་བྲན་བུས་རྒན་པའི་མཐའ་ལོགས་སུ་འདུག་ནས་ཇི་ལྟར་གཞོན་པའི་མཐར་ཕྱིན་ནས་འབོ་བ་དེ་ལྟར་ཆུའི་རྒྱུན་བྱིན་གྱིས་བརླབས་སོ། །ཚེ་དང་ལྡན་པ་སྐྱོང་བས་ཀྱང་ཇི་ལྟར་རྒན་པའི་མཐར་ཕྱིན་ནས་འབོ་བ་དེ་ལྟར་ཆུའི་རྒྱུན་བྱིན་གྱིས་བརླབས་པ་དང་། རྒྱལ་པོ་གསལ་
D6.010.0180a02.01རྒྱལ་གྱིས་བསམས་པ། སྟོན་པའི་སྤྱན་སྔར་རྫུ་འཕྲུལ་རྣམ་པར་འཕྲུལ་བ་བྱེད་པའི་དགེ་སློང་གང་ཞིག་ཡིན་སྙམ་ནས་ཆུའི་རྒྱུན་གྱི་རྗེས་བཞིན་གཞོན་པའི་མཐར་སོང་བ་དང་། ཇི་ཙམ་ན་ཚེ་དང་ལྡན་པ་སྐྱོང་བ་མཐོང་ངོ་། །དེ་ནས་ཡང་ཕྱིར་ཆུའི་རྒྱུན་གྱི་རྗེས་བཞིན་རྒན་པའི་
D6.010.0180a03.01མཐར་སོང་བ་དང་། ཇི་ཙམ་ན་ཚེ་དང་ལྡན་པ་བྲན་བུ་མཐོང་ནས་དེ་ཤིན་ཏུ་ཡ་མཚན་སྐྱེས་ནས་རོ་སྟོད་བསྟོད། ལག་པ་གཡས་པ་བརྐྱང་སྟེ། ཀྱེ་མའོ་སངས་རྒྱས། ཀྱེ་མའོ་ཆོས། ཀྱེ་མའོ་དགེ་འདུན། ཀྱེ་མའོ་ཆོས་ལེགས་པར་གསུངས་པ་ཉིད། ད་ལྟར་འདི་ན་བྲན་
D6.010.0180a04.01བུ་དང་། སྐྱོང་བ་ལ་སོགས་པ་སྡིག་པའི་ལྟ་བ་ཅན་དག་ཀྱང་ཡོན་ཏན་འདི་ལྟ་བུ་དག་ཐོབ་པར་གྱུར་ཏོ་ཞེས་ཆེད་དུ་རྗོད་པར་བྱེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་རང་གི་ལག་དར་ཏེ་བཟའ་བ་དང་བཅའ་བ་
D6.010.0180a05.01གཙང་ཞིང་བསོད་པས་ཀུན་དུ་ཚིམ་པར་བྱེད། ཀུན་ཏུ་སྟོབས་པར་བྱེད་དོ། །རྣམ་གྲངས་དུ་མར་རང་གི་ལག་དར་ཏེ་བཟའ་བ་དང་བཅའ་བ་གཙང་ཞིང་བསོད་པས་ཀུན་དུ་ཚིམ་པར་བྱས། ཀུན་དུ་བསྟབས་ནས་བཅོམ་ལྡན་འདས་གདུགས་ཚོད་གསོལ་ཏེ། ཕྱག་བཅབས་ལྷུང་བཟེད་
D6.010.0180a06.01གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། །དེ་ནས་བཅོམ་ལྡན་འདས་ཀྱིས་རྒྱལ་པོ་གསལ་རྒྱལ་དང་། ཁྱིམ་བདག་མགོན་མེད་ཟས་སྦྱིན་ལ་ཆོས་དང་མཐུན་པའི་གཏམ་གྱིས་ཡང་དག་པར་བསྟན། ཡང་དག་པར་ལེན་དུ་
D6.010.0180a07.01