完整藏文原文 · 德格版页 当前仅加载第 10 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
དང་པོར་བཞག་ལ་འཇུག་པར་བྱ་ཞིང་དེ་ནས་ཕྱིར་བླངས་ཏེ་འགྲོ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ལྷོ་ཕྱོགས་ཀྱི་ཡུལ་ནས་ཀུན་དུ་རྒྱུ་འཇིག་རྟེན་རྒྱང་འཕེན་པ་འཆར་བ་ཞེས་བྱ་བ་ཞིག་ལྗོངས་རྒྱུ་ཞིང་
D6.010.0069b01.01མཉན་ཡོད་དུ་འོངས་སོ། །དེ་ངལ་བསོས་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱ་ག་ལ་བ་དེར་སོང་སྟེ་ཕྱིན་ནས་སྨྲས་པ། ཀྱེ་དགེ་སློང་ཁོ་བོས་བླ་མ་དག་ལས་བླངས་པའི་ཡི་གེ་ཅུང་ཟད་ཡོད་དེ། དེའི་ཕྱིར་ཁྱོད་དང་ལྷན་ཅིག་གཏམ་བྱ་བར་འདོད་དོ། །དེས་དེ་ལ་སྨྲས་པ། བྲམ་ཟེ་ཁོ་བོ་སྨྲ་བ་དོན་དུ་
D6.010.0069b02.01གཉེར་བ་མ་ཡིན་གྱིས་སོང་ཤིག །དེ་ཚེ་དང་ལྡན་པ་རྟ་ཐུལ་དང་། བཟང་པོ་དང་། རླངས་པ་དང་། མིང་ཆེན་དང་། གྲགས་པ་དང་། གང་པོ་དང་། དྲི་མེད་དང་། བ་ལང་བདག་དང་། ལག་{བཟངས་,བཟང་}ག་ལ་བ་དེར་སོང་བ་དང་། དེ་རྣམས་ཀྱིས་ཀྱང་དེ་ཁོ་ན་སྐད་སྨྲས་སོ། །དེ་ནས་ཚེ་དང་
D6.010.0069b03.01ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་སྨྲས་པ། ཀྱེ་དགེ་སློང་ཁོ་བོས་བླ་མ་ལས་ཡི་གེ་ཅུང་ཟད་བླངས་པ་དག་ཡོད་དེ། དེའི་ཕྱིར་ཁྱོད་དང་ལྷན་ཅིག་གཏམ་བྱ་བར་འདོད་དོ། །ཚེ་དང་ལྡན་པ་ཤཱ་རིའི་བུས་བསམས་པ། ཅི་ཀུན་དུ་རྒྱུ་འདི་ལ་དགེ་བའི་རྩ་བ་ཅུང་ཟད་ཡོད་དམ་འོན་ཏེ་མེད་
D6.010.0069b04.01སྙམ་ན་ཡོད་པར་མཐོང་ངོ་། །སུ་ལ་རག་ལས་བརྟགས་ན་བདག་ཉིད་ལའོ། །ཅི་སྨྲ་བས་འདུལ་བ་གཞན་ཅུང་ཟད་ཡོད་དམ་སྙམ་ན་ཡོད་པར་མཐོང་ངོ་། །ཇི་ཙམ་ན་ཚོགས་པ་བརྟགས་ན་ཞག་བདུན་ཚུན་ཆད་ཀྱིས་ཆོགས་པར་ཤེས་ནས་སྨྲས་པ། ལེགས་ཏེ་དེ་བཞིན་བྱ་ན་རིག་པའི་
D6.010.0069b05.01གནས་གང་དུ་བྱ། ཆེ་གེ་མོ་ཞིག་ཏུའོ། །སྨྲ་བའི་ཞལ་ཆེ་བ་བཞག་སྟེ་ཕྱོགས་སྔ་མ་དང་ཕྱི་མ་རྣམ་པར་བཞག་ནས། སུས་ཕྱོགས་སྔ་མ། སུས་གཟུགས་ཤེས་གླེངས་པ་དང་། ཚེ་དང་ལྡན་པ་ཤཱ་རིའི་བུས་སྨྲས་པ། ཀུན་དུ་རྒྱུ་གློ་བུར་དུ་འོངས་པ་ཡིན་པས་འདི་ཉིད་ཀྱིས་ཕྱོགས་ས་སྔ་
D6.010.0069b06.01མ་ཚུགས་ཤིག །ཀུན་དུ་རྒྱུས་ཕྱོགས་སྔ་མ་སྨྲས་པ་དང་། ཚེ་དང་ལྡན་པ་ཤཱ་རིའི་བུས་བཟླས་ནས་ཁྱོད་ཀྱི་འདི་ནི་མི་རིགས་སོ། །འདི་ནི་མི་འདྲའོ། །འདི་ནི་མི་འཐད་དོ་ཞེས་སྐྱོན་བཏགས་སོ། །དེས་ཡང་སྨྲས་པ་དང་། ཚེ་དང་ལྡན་པ་ཤཱ་རིའི་བུས་འཇུག་ཏུ་མ་ཕྱིན་པར་བཞག་གོ། །
D6.010.0069b07.01