完整藏文原文 · 德格版页 当前仅加载第 10 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་རླུང་དང་ཆར་པ་བྱུང་ན་ཁང་{བཟངས་སུ་,བཟང་དུ་}ཚོན་གྱི་ལས་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཁང་{བཟངས་སུ་,བཟང་དུ་}ཚོན་གྱི་ལས་བྱས་པས་ཁང་{བཟངས་,བཟང་}ཚོན་གྱིས་སྦགས་ཉེ་བར་སྦགས་ཤིང་འདུག་པ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་
D6.010.0191b01.01སྨྲས་པ། འཕགས་པ་ཁྲག་འདི་ག་ལས་བོ། །དགེ་སློང་དག་གིས་སྨྲས་པ། འདི་ཁྲག་མ་ཡིན་གྱི་ཁོ་བོ་ཅག་གིས་ཕྱོགས་འདིར་ཚོན་གྱི་ལས་བྱས་སོ། །དེ་དག་གིས་སྨྲས་པ། བདག་ཅག་གིས་ཁྲག་ཡིན་ནོ་སྙམ་དུ་བསམས་སོ། །སྐབས་དེ་དགེ་སློང་རྣམས་
D6.010.0191b02.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་བ་ལང་གི་ལྕི་བ་འམ་འཇིམ་པས་བྱུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་
D6.010.0191b03.01སོ། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྒྱལ་བྱེད་ཀྱི་ཚལ་ཕུལ་བ་ན་དེའི་བློ་སྐྱེས་པ། བདག་གིས་རྒྱལ་བྱེད་ཀྱི་ཚལ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཕུལ་ན་དེར་རྩིག་པ་དག་རི་
D6.010.0191b04.01མོ་མ་བྲིས་པས་སོང་ལ་བཅོམ་ལྡན་འདས་ལ་བདས་པར་གསོལ་ཏེ་བྲིའོ་སྙམ་ནས། དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་
D6.010.0191b05.01བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་འདིར་རྩིག་པ་དག་རི་མོ་མ་བྲིས་ཏེ་དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན་ད་རྩིག་པ་རི་མོ་བྲི་བར་འཚལ་ལོ། །བཅོམ་ལྡན་འདས་ཀྱིས་
D6.010.0191b06.01བཀའ་སྩལ་པ། ཁྱིམ་བདག་གནང་གིས་བྲིས་ཤིག །བཅོམ་ལྡན་འདས་ཀྱིས་རྩིག་པ་རི་མོ་བྲི་བར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཚོན་སྣ་དུའི་རི་མོ་བྲི་བ་མ་ཤེས་ནས་དེ་དག་གིས་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཀྱིས་ཁྱིམ་བདག་
D6.010.0191b07.01